غيرة ’ آلحريم الله يبعدهآ

[مترفة هوآزن ~]

مدخل :
الله أكبر ,’ الله اكبر ,’ لاإله إلآ الله
الله أكبر ,’ الله اكبر,’ ولله الحمد ..

مساء الخير .. :eh_s(17):

اليوم جاء على بالي موضوع وحبيت اتناقش فيه معاكم ..

موضوعي يتكلم عن شئ مؤلم شئ يعتبر من سوء خلق ..

واحيانا يكون شئ حلو ودافع لـ الامام ..

منو فيكم ماتعرضت في حياتها لغيرة الحريم ...

لازم على الاقل تكتوين بنار وحده غيوره يادافع البلا ..

شلون تتصرفين مع الموقف وشنو هو الموقف الي اكتشفتي فيه ان فلانه تغار منج ومن شنو تغار المره من المره ..

فيه وحده تصير عسل عسل بس من تزيين وتكشخين تقلب

وفيه وحده عسل عسل بس من يمدحونج الناس تقلب

وحده تصير عسلين مو عسل واحد من تزوجين تقلب

او من تحملين تقلب

وحده يادافع البلا من تشوفج مستانسه وتضحكين تقلب

وحده من تطبخين وتصير عندج مناسبه والحريم يعجبهم طبخج تقلب

وحده لبسج كل الناس تمدحه ومشهود لج بالذوق والسنع

إلا هي تقولها لج بالوجه وتسبج وانتي عارفه انها من الغيره تقوله

بنات مواقف كثيره ,’ وكلها تدل على الغيره الي بعدها تتحول لحقد وحسد عليج ( اسم الله عليج )

وهذا ان دل فهو يدل على ضعف في ايمانها وضعف في ثقتها بنفسها وثقتها بعد بربها لان

لو هي تخاف من ربها كان رضت بحضها وقسمتها ونصيبها

ورضت عن كل شئ مكتوب عنها ووخرت عن الغيره

وحبيت ا قول لكل وحده تحس ان في قلبها غيره من فلانه .

. حبيبتي

هذا مرض مع الوقت راح ياكلج ويقطع قلبج ويقلب حياتج من غيرتج

.. تعوذي من ابليس وادعي الكريم يعطيج مثل فلانه ..

وانتي يافلانه كبري مخج ولاتهتمين للغيورات

وادعي لهم بالشفاء والهدايه وان الله يكيفج شرهم

مواقفكم + ردود افعالكم + كل شئ بخاطركم هاتوه هنا

همسسسه قد تفيد من يريد .. :eh_s(17):
عن جابر رضي الله عنه عن النبي صلى الله عليه وسلم قال فضل أيام الدنيا أيام العشر ـ يعني عشر ذي الحجة ـ قيل: ولا مثلهن في سبيل الله؟ قال : ولا مثلهن في سبيل الله إلا رجل عفر وجهه بالتراب وقيل رجل خرج بنفسه وماله ولم يرجع
​

 

[مترفة هوآزن ~]

وينكم ...

 

[جنوبية وأفتخر]

ياقلبي هالنوع موجودات وبكثررررررة
عن نفسي ما أعطيهم وجة بس مجرد سلام وشلونك شخبارك وخلصنا وأحاول أتجنبهم بقدر المستطاع صج النفوس مريضة بس ماراح أجول غير الله يكفينا شرهم ......
ومشكورة أوخيتي ع الموضوع

 

[سالسبورغ]

انا جربت الغيره
قلبت علي من بعد زواحي
وقلبت اكثر بعد زواجها هي
لانه باختصار بنت عمي اللي اكبر مني وزوجي هدها واخذني انا
وزوجي متعلم
و زوجها لا
زوجي شخصيته مره قويه بين الناس
و زوجها لا
اكيد بتغار
وطلعت سوالف علي وعلى زوجي انا هني انصدمت منها
كلامها كثيييير وكله يستنقص من رجولة زوجي
وتسأل دايم اخوات زوجي عني :ولد اخوكم يزوركم>>>> المقصد امه طبعا
ويردون ويقولون ايه كل اسبوعين مره
تقول: يا الله يطول عنكم مو واصلكم
وغيره كثير
ولما اقابلها كله دقاااات
وانا دايم ابتسم لها
لان بإختصار عقلها صغير
و انا مره انبسطت عليها يعني العب بأعصابها لعب
بس من بعد هالغيره
قلبت امها واخواتها علي وعلى اخواتي وامي والسبب غيرتها
الله يكفينا وياك شرهم

 

[سارونات]

انا جربت الغيره
قلبت علي من بعد زواحي
وقلبت اكثر بعد زواجها هي
لانه باختصار بنت عمي اللي اكبر مني وزوجي هدها واخذني انا
وزوجي متعلم
و زوجها لا
زوجي شخصيته مره قويه بين الناس
و زوجها لا
اكيد بتغار
وطلعت سوالف علي وعلى زوجي انا هني انصدمت منها
كلامها كثيييير وكله يستنقص من رجولة زوجي
وتسأل دايم اخوات زوجي عني :ولد اخوكم يزوركم>>>> المقصد امه طبعا
ويردون ويقولون ايه كل اسبوعين مره
تقول: يا الله يطول عنكم مو واصلكم
وغيره كثير
ولما اقابلها كله دقاااات
وانا دايم ابتسم لها
لان بإختصار عقلها صغير
و انا مره انبسطت عليها يعني العب بأعصابها لعب
بس من بعد هالغيره
قلبت امها واخواتها علي وعلى اخواتي وامي والسبب غيرتها
الله يكفينا وياك شرهم

عفوا اختي شلون زوجها هدها وخذاج بعدين تقولين زوجها متعلم وزوجج لا !!:eh_s(10):

 

[سالسبورغ]

زوجي اللي هدها مو زوجها
زوجي هدها لان اهي بنت عمي انا وياه اللي اكبر
و اكبر مني
وحنا عندنا اهانه ان ولد العم يتزوج اصغر بنات عمه ويهد الكبار
ولو ان كلامي واضح

 

[مترفة هوآزن ~]

زوجي اللي هدها مو زوجها
زوجي هدها لان اهي بنت عمي انا وياه اللي اكبر
و اكبر مني
وحنا عندنا اهانه ان ولد العم يتزوج اصغر بنات عمه ويهد الكبار
ولو ان كلامي واضح

لايهمونج حبيبتي الله بيعطيج على قد نيتج .. ولا تفكرين بالفروقات ..

دام ربي عطاج واختارج فهو اكيد على صواب نورتي

 

[مترفة هوآزن ~]

ياقلبي هالنوع موجودات وبكثررررررة
عن نفسي ما أعطيهم وجة بس مجرد سلام وشلونك شخبارك وخلصنا وأحاول أتجنبهم بقدر المستطاع صج النفوس مريضة بس ماراح أجول غير الله يكفينا شرهم ......
ومشكورة أوخيتي ع الموضوع

آآآآي والله صدقتي :eh_s(17):

هلا فيج نورتي

 

[مترفة هوآزن ~]

عفوا اختي شلون زوجها هدها وخذاج بعدين تقولين زوجها متعلم وزوجج لا !!:eh_s(10):

حبيبتي ماعلقتي ع الموضوع ..

عموما

نورتي

 

[ماحب اتدلع]

ذكرتيني بوحدة تقرب لي غيورة واايد واايد خصوصا اذا كلمت ريلي بالموبايل ويها يتغير 180 درجة ودها تكفخني
اكيد كل وحدة بتكلم ريلها صوتها يتغير ينعم شوي ههههه مااتعمد اقهرها بس كل وحدة مكاني نفس الاسلوب بس كلامي عادي مثلا وينك الحين .. متى بترجع .. تعشيت من هالاشياء بس والله تتغير ويبين عليها

ووقت الي اجيب طاري ريلي تقعد تنافخ وتطالع الي رايح والي راد احس بقلبها تقول عساة يطلقج
اعرف شخصيتها خصوصا انها تغار مني حتى قبل لا اتزوج بالمدرسة كانوا البنات اذا شافوني يقولون وااي ناعمة تهبل واهي يمي محد يعلق عليها واهي اشوي اشوي ليما قلبها حقد علي
بس تمثل انها تحبني بس سبحان الله الغيرة تبين




وبعد اخت ريلي كانوا بيسوون عرسي وعرسها بالوقت نفسة معاي يعني بس اهي ارفضت وبعدين تزوجت قبلها وبعرسها عاطتني طاف مع اني ماقصرت بالعرس وقلت بروح ماليزيا شهر العسل اهي بعد راحت ماليزيا تحسونها ياهل ههههههه

والا في بيت اهل ريلي قالت لي اختها ركبي التركيبة وقعدت مع ريلي اركبها الا تقول اكيد مارح تقدرين تركبينها لأنج مو امتياز بالمدرسة تبي تفشلني جدام ريلي وتقول عني غبية انقهرت منها صراحة

مواقف لاتعد ولا تحصى خصوصا بهالثنتين الله يهديهم

 

[مترفة هوآزن ~]

ياعمري

الله يعينج ..

شعور سئ انج تعيشين او تضطرين تعيشين مع انسانه غيوره تتعب وتعبج معاها

عسى الله يهدي الجميع

 

[ام جي جي الحلوه]

انا اول ماتزوجت قصيت شعري وحده من رفيجاتي قالت لي ويـــــــــــــــع شهالقصه الي تلوع الجبد
بعد يومين قصت نفسها

 

[Mednight Rain]

في غيره بناءّه ومحموده ( لولا الغيره كنت صغيره بس الغيرة كبرتني ) ، أنا أأيدها وموجودة في كل وحده فينا حلوة تنميج وتطورج للأحسن شفتي شي عجبج تحرك فيج هالشعور وطبقتيه .

وفي غيره هدامه ( تحرق صاحبها ) ، كلش ماحبها وأعاني منها ، وأعتبره مرض نفسي ، ماتبي احد احسن منها واذا سبقتيها بشي عيبت وقلدتج

 

[ام اريج 22]

يااااااااااااااااااااااااااااااااا
كثر هالنمادج كاشفتهم من بعيد لبعيد ههههههههههه وحدهم يلوعووووووووون الجبد

 

[Tulips]

والله الحريم الوحده فيهم لا تغار تنقلب من ادميه لي حيه

غيرة الحريم قششششره الله يكافينا شرها

 

[جمبلو جمبليله]

الله يكافينا شر النفوس عاد اهني بكويت المراه الكويتيه ماخذه جائزة نوبل بالغيره والحسد على الرغم من انها

احسن من غيرها بسسسسسسسسسسسس حريم شتسوين فيهم

 

[wujud]

اممممممم يااااكثررررررهم
صارو ماينعدووووون

 

[اميره1980]

عادي
الحين الرياييل صارو يغارون بعد اكثر من الحريم
خليني ساكتة احسن

 

[قارورة عطر]

أنا مع أميرة مهضومة غيرة المرة لكن غيرة الرجال هذي اللي ماني عاصمتها يمقت مهبول يمين موصاااااااااحي اكثر نعاني بس طا اااااااف ونكبر عقولنا

 

[قارورة عطر]

اشفيني طلاسم عاصمتها يعني هاضمتها ويمكن وش كثر فهمتو