غمز ولمز ماشي .. بس كذب .. وين الرقابه ؟؟؟

[fsamn]

في الاونه الاخيرة طلعت لنا مسلسلات غريبه الظاهر عليها انها

فكاهيه او اجتماعيه تعالج مشكله

لكن مع المتابعه نلقي ان السالفه ما هي الا تحرش او طعن او انتقاص بفئه من فئات

الشعب والكيد لهم لان الاعلاميين من المهرجين المسمون فنانين الي اداريين الي منتجين ..
هم الي ماسكين الاعلام يفصلون ويخيطون بلا حسيب ولا رقيب ..

المسلسل الي ذكر القائمين عليه ان يتناول مشاكل المجتمع الكويتي والخليجي

والي من انتاج تلفزيون الوطن ودبي معا هو .. مجموعه انسان ...تاليف ايمان سلطان



الفنانات شجون وفاطمه الصفي خوات من ام كويتيه .
وهبه الدري اختهم من ام مصريه

الكاتبه المخادعه وبطريقه مبهمه ..

: حطت مقارنه بين بنات الكويتيه .. وبنت المصريه ..مع غياب تااام للواقعيه


طلعت بنات الكويتيه جياكر .. سحيلات بلبسهم وحركاتهم .. والي واضح انها تقصد من

اسمائهم ( وضحه ورقيه ) .. واخوهم الحكر . الي شماغه الاحمر علي كتفه دايما

فئه معينه من اهل الكويت


ممكن احد يصدق ان الكويتيات وخاصه هالفئه

بيلبسون هالخلاجين المرقعه وبيخلون شعورهم مثل السدرة فوق راسهم .. ؟؟
كنا نشوف غمز ولمز وقلنا مااشي .. لكن تكذبون وتفترون
وتطلعون الكويتيه بهالصورة .. هذي افقر وافده بالكويت ما تلبس جذي

وبنفس الوقت تظهر الكاتبه الكويتيه بنت المصريه اهي الانيقه والجميله ..
( تري زمن الافلام الهنديه انتهي ) ..



الظاهر الكاتبه ما لقت فنانه لدور الزوجه الثانيه الا الفنانه المصريه نشوي مصطفي

فاصبحت المقارنه بين بنات الزوجتين الكويتيه والمصريه .. مضحكه ..


هذا غير مسلسل ( شارع 90 ) .. الي اللمز فيه و الغمز صار علي المكشوف
والي المبالغه فيه صارت صواريخ .. خالد البريكي يحب وحده واهله فارضين عليه بنت عمه
الي فات علي كاتب هالمسلسل .. ان زمن فرض زوجه معينه علي الشاب ولي وانتهي
واذا كان الشاب تزوج بنت عمه فهو باختياره وسمع وطاعه لوالديه .. ومحد يفرض علي احد
شي ما يبيه . الا اذا كان شاب عديم الشخصيه ضعيف ..


ما اعتقد ان فيه احد ما فهم المغزي من هالمسلسلين ..

الي ينضحون عنصريه وتشويه لفتيات اكبر شريحه من شرائح المجتمع

لكن الحق احق ان يقال اذا كانوا ابناء هالفئه ساكتين وراضيين علي هالشي
... ليش لا ؟؟


وياما بنشوف مثل هالاعمال الهابطه الي الهدف منها الطعن الصريح باهل الكويت الشرفاء

اغلب العائلات في الخليج تمنع مشاهدة اغلب المسلسلات الكويتيه لانها مخربه وليست مصلحه

وليس لها اي فائده وبها الكثير من العفن الشوارعي وليس الفني

واغلبها يدور حول السحر والطلاق والطق والشرب والرقص والخيانه والغزل والطنازة




بنت الكويت الاصيله اجمل بنات الخليج .. ومو ذنبها اذا اهي متغطيه .. ومستتره


وفي بيتها ولا احد مطلع علي حياتها وطريقه لبسها وشكلها ..

والمقارنه الحقيره بينها وبين ال ........ تعتبر مخزيه وراها ناس نعرفهم زين ...

للاسف الرقابه في سبات عميق .. ولا راح يصحون الا بثورة كثورة اصحاب هذاك المسلسل

الي ذبحوا القطه لهم قبل لا ينعرض المسلسل الي يلمز لهم والي تم الغائه قبل عرضه ..

فهل من مجيييب ..



[/quote]

 

[نهى الأحمد]

تمت الموافقة على الموضوع بشرط

رجاءا عدم التطاول او التعرض لاي جنسية والنقاش بمضمون الموضوع فقط

والا رح اضطر لاغلاق الموضوع


يعطيج العافيه حبيبتي

 

[قَلبڪْ صًخرْ]

كلامج كله صح
مادري شقول
بس صج صج ماخليتي شارده ولا وارده
الا ذكرتيها

 

[ناتشوو]

بصراحة انا ماتابعت المسلسلات
بس شفت مشاهد من انتصار الشراح وبناتها وشريجتها المصرية
عاد تدرين انا مستانسة ان بنات الكويتية
السنعات المسنعات
هاها
كل واحد يطالعه من زاويته
يمكن لاني ام

 

[ظبية بوظبي]

عجبتيييييييينيييييي
قلتي كل الي اريده واكثر
ابصراحه ونعم فيج واتمنى اتمنى بجد الكل يوقف
ويوقف هالمهزله الي قاعده تصير
حسبي الله عليهم

 

[manoooram]

للأسف ما تابعت المسلسل فما اقدر احكم حبيبتي
بس بشكل عام السنع والتربية والذوق والجمال مو محصور لجنسية معينة

 

[Tom ♥ Jerry]

.



مآدري انا آختلف معآج .. انا مع الكآتبة !
هاذا وآقع كل دوله فيها الشين و فيها الزبن حبيبتي
صدقيني في بنات جذي بكل دوله مو بس بالكويت
بعدين كلآمج عن كآتبه مجموعه آنسآن جنه قاعد تدخلين بنيتهآ
آنهآ تبي تطلع بنات الكويت بصورة مو حلوة و آنهم هيلق ومآدري شنو !!
آنتي شدراج ؟؟؟ :/ يمكن مجرد فكره فكرت فيهآ و كتبتها !!



آلله آعلم بنيتهآ يوم كآنت تكتب :*
يعطيج العافية ...

 

[VET-Nour]

و لو تلاحظين بعد انه بالمسلسلات والمسرحيات دايما يطلعون البدو انهم وصخين و مايستحون وحراميه

السنه الي طافت بو كريم برقبته سبع حريم فيه حلقه انه بدو يبوقون سيارتهم .. اللقطه لي الحين ابالي لانه جد تجرح
و بعد هالسنه فيه تلميحات
مثل مجموعة انسان فيه حلقه اممم بحديقة الحيوان صبي يحذف صخر و لو تلاحظين الصبي تكلم بلهجه بدويه و يرد عليه بقلة ادب
بعدها جا ابو الولد و كان يتكلم بلهجه حضريه ؟؟ هل كيف ؟؟؟
الحين الولد تكلم بدوي و ابوه حضري :/ ؟؟؟؟؟

وفيه مسرحية قديمه اممم حق طارق العلي فيها مشهد يعيب ع عروس البدو :/ ؟؟؟
عموما المسلسلات ما تمثل الكويتيين

وكتّآب المسلسلات الي تبين الشعب الكويتي ب صورة وصخه .. قليلين ادب ومافيهم ذرة وطنيه و المفروض يسحبون جناسيهم " :d

كل من هب و دب قام يشوه صورنا بهالمسلسلات البايخه

اذا كان هدف المسلسل تشويه ف الكاتب يعتبر فاشل و عقليته متخلفه

 

[نور التفاؤل]

اب اب اب

 

[نماين]

ما ادري ماشفت هالموضوع مثل نظرتك
واهي بعد الكاتبة ماطلعت هبة الدري انها ملاك بالعكس طلعتها متحررة و طماعه مثل موقفها بالسوق لمن قصت على الشايب وخلته يشتريلها الملابس
و بينت معدن شجون وفاطمة بتعاملهم الراقي مع جارهم
اما ملابسهم فهو يمكن مبالغه شوي بس عشان يوضحون حالهم لمن تركوا الدراسة و انحكروا بالبيت
اما اخوهم من الضيم الي شافه من ابوه
وفي كثير من المواقف
بس همن مايمنع مثل ماقلتي المبالغه والخيال زادوا في مسلسلاتنا

 

[hend6363]

انتي شفتي اموضوع بس من زاويتك المسلسلات مكتوبة للناس الكبار و طبعا الناس المتقفة و الواعية تعرف ان كل بلد فيه الزين و الشين
اذا الكاتبة طلعت بنت الكويت مو حلوة و فقيرة
ترا في بالكوييت واااايد ناس يمكن انتي ما تعرفيهم فقرااااء كتيررر و جكاير
مثل ما في بنات يهبلون و كشخة و فلوس واكتر المسلسلات الخليجية يمثلون بس هالطبقة
اذا مين راح مثل الطبقة الفقيرة و يعرض مشاكلها لو كانت نسبة الفقر صفر بالمية كان من حقك تزعليين لان مو هاذا واقعكم
بس الواقع يقول كل مكان الزين و الشين

انتي زعلانة بس عشان المصرية طلعت في الدور المكتوب انها تكون احلا و اغني
ما شي عادي في بنات مصريات اجمل من الكويتيات و في العكس تماما
مصر مثل ما فيها فقر فيها اغنياااء و الكويت مثل ما فيه فقراء فيه اغنياء

بخصوص الابن الي يزوجوه عيلته بنت عمه للحين موجووودة
راح تقنعيين انهم ماتو الامهات الي يرغمون اولادهم الزواج من بنت هي اختارتها

لو تتابعين المنتدي يوميا في قسم الزوجية و المشاكل الاجتماعية
راح تشوفين هالفئة لسااا موجودة و بنسبة ملحوظة
نصيحة لا تاخدين المواضيع ديما من زاويتك شوفي من زاوية كبيييرة

اتمني تكوني فهمتي رايي
مرسي

 

[انونا]

انا اتفق مع هند صح

لا تشوفين المسلسل بزاويه بالعكس في عدة زوايا

 

[fsamn]

قلبك صخر ***

شكرا علي المرور يا الغاليه .. واتمني تكون في وقفه جاده من هالمسلسلات ..





ناتشو **

وهي البنت السنعه لازم تطون مبهدله جذي ؟؟
الموضوع اكبر من جذي
مشكورة علي مرورج ياا الغاليه ..

 

[fsamn]

ظبيه بو ظبي **

اماني مع امانيج .. والمهزله لازم توقف
تسلمين يا الغاليه ..







manooooram **

ما حصرت الذوق بجنسيه معينه والكويت ما نستثنيها من القاعده بس المبالغه مرفوووووضه
مشكووووووووووورة عليي مرورج اللطيف

 

[fsamn]

توم وجيري **

الكاتبه مجرد قلم فقط .. مطلوب منها تنفذ اراء الاخرين .. الي مو عارفين شلون يطلعون سموم صدورهم ..





فت نور **

الي قاعد ينكتب بمسلسلاتنا الهابطه هو اشعال روح العنصريه .. قبائل وحضر وما ادري شنو
وهذي مصريه وهذي سوريه .. ومقارنات بايخه وطبعا الخاسر فيها الشعب الكويتي المسالم ..
السالفه سياسيه بحته .. ونظرة صغيره علي ساحه الاراده والي فيها .. وبتعرفين ليش طلعت هالمسلسلات ..

 

[fsamn]

نور التفائل **

رفع الله قدرج يا الغاليه ..





نماين **

عزيزتي .. انا ما ابي اطلع عن الموضوع بناء علي رغبه الاخت نهي الاحمد
ولا كان وصفت اشكال اغلب الكويتيات من امهات مصريات ..
لكن ارجع واقول مو كلهم .. ولا اهو الي قصدته بموضوعي ..
الكاتبه المخادعه مطلوب منها تحقر فقط
عن طريق اي شخص سواء بنت مصريه او من هندي حتي ... الهدف اكبر من جذي ..

 

[fsamn]

هند **


اختي الفاضله .. مثل ما قلت للاخوات قبلج الموضوع سياسي بحت وراه ناس .. يحملون الجنسيه الكويتيه
ولا هم كويتيين اصل وفصل والكل يعرفهم .. وهدفهم تحقير ابناء الكويت الاصليين .. وللاسف احيانا الحكومه تتغاضي عنهم

شي ثاني .. الكويت ما فييها كويتي فقير بالاسم المتعارف عليه دوليا .. يعني راتبب ضعيف ممكن لكن مو معدم بالمرة
وعلشان جذي مستحيييييل تلقين بنات بهالاشكال عندنا .. حتي الخادمات ما نلبسهم جذي

طبعا انا معاج احنا مو استثناء من قاعده .. وفينا الصح والغلط .. لكن المقارنه ببنت المصريه مجحفه للغايه
...................................................................
والي هنا لا تعليق .. بناء علي رغبه الاخت نهي ..

 

[PuPa^^SWeeT]

كلنا مسلمين

كويتية و لا مصرية ولا اي جنسية ثانية عربية




بس المسلسلات ماخذين راحتهم باللبس و التفسخ و السوالف السودة



و مو مشكلة انه يكتبون قصة مسلسل فيه صياعة


بس لا يقولون والله هدفنا انعالج مشاكل المجتمع





غلط


لانها مو قاعدة اتعالج



قاعدة اتخرب و اتفطن بطرق خراب يديدة