غلاي وجودك معاي . روايتي
اول شي السلام عليكم
وهاذي اول تجربة لي يعني اول مرة أكتب رواية وبصراحة انا حيل مترددة وابي رايكم عشان أعرف اذا اكمل ولا اوقف
أحداث القصة تدور حول فتاة في عمر الزهور كانت تعيش أحلى حياة وكل شي متوفر لها ماعدا القلب الي كانت محتاجة يحتويها
قلب امها .. لطلة القصة أسمها شهد بنت حيل رومانسية .. بس ماقدرت تصارح أمها لانها من النوع الي مايعترف بهالشغلات لين يالها اليوم الي أنقلبت أحوالها لين الاسوء والدنيا يوم عن يوم مخبية لها مفاجآت
*ملاحظة شهد بطلة القصة بس ماراح أركز وايد عليها يعني الرواية شاملة على كل الشخصيات
والبداية بعرفكم على الشخصيات
بيت بوعمر (( والد شهد ))
بو عمر الابو : حنون وطيب حيل مومقصر بحق عيالة أبد موفر لهم كل شي يحتاجونة بس يقولون يبا قال لبيه
ام عمر الوالدة : طيبة وحنونة وماخذة من طبع بو عمر بس وايد جدية وماتعترف بسوالف الحب والرومانسيات كلة تقول شنو هالخرابيط تحب عيالها وايد وماترظى أحد يمس شعرة من راسهم
عمر : اول ولد واهوة العود مشاكلة ماتخلص ومتهور وايد عندة الحياة تيك ات ايزي ماعندة مسؤوليات وايد يحب نفسة وشاق الارض وطالع في نوع من الغرور وشايف نفسة حنطاوي طويل عيونة مكحلة ووساع ولحيتة ديرتي مجسم يلعب حديد ولونة برونزي عمرة 22
محمد : الاخو الثاني هادي وعكس عمر أخوه يدرس بكلية الطب والاهل رافعين راسهم فيه شخصيتة غامضة وحيل كتوم مايتكلم وايد يحب اهلة وايد ويحب القعدة وياهم بس وايد يجابل النت اسمر وعندة غمازة على خدة اليمين مسوي قفل جسمة عادي وعيونة مسحوبة وخشمة حلو عمرة 19
شهد بطلة القصة : حبوبة والكل يحبها وين ماتروح قالو شهد عنونة طولها تقريبا 150 عيونها وساع ومكحلة حواجبها مرسومين رموشها طوال خشمها صغير وشفايفها شوي كبار وخدودها وردية شعرها مدرج وأشثقر وعندها غمازة عمرها 16
شوق : أخر العنقود عمرها 15 وايد متسلطة وارثة طبع الغرور من أخوها عمر تحب تجابل روحها بالمنظرة وتلطخ ويها بالمكياج عيونها وساع عسلسة وشفايفها متفوخين مايحتاج عملية شعرها أسود طويل لين جتفها
(( بيت بوحسين )) .. بوحسين يصير أخو بوعمر
بوحسين : الوالد جدي وايد وجامد بمعاملتة وعصبي من الزقاير بس طيب وكل سنة يسفر عيالة ومدللهم
ام حسين : طيبة وحنونة وقلبها كبير بس موقادرة توصل بحل مع بنتها وموقادرة تفهمها
حسين : ولدهم الوحيد ومدلل كلش مايعتمد عليه طويل مملوح مسوي قفل كلة يلبس تيشيرت وشورت عمرة 17 و24 ساعة برا البيت مع ربعة
دانة : البنت الوحيدة مدللة بس موعارفة توصل لحل مع أمها لانها موحاسة بوجودها معاها عمرها 15 سنة طويلة متروسة شوي بس الي يشوفها يقول ماشاءالله عيونها وسااع حيل وزرق فاتحة وشعرها أدعم كااريه وشفايفها صغار
(( بيت بو خالد )) بوخالد النسيب وام خالد أخت بوحسين وأخت بوعمر
بوخالد : بخيل بس قلبة طيب وحنون على عيالة
ام خالد : موفرة كل شي حق عيالها لانة أبوهم بخيل وعلى نياتها
خالد : الولد العود أسمر طويل مجسم مملوح حواجبة عراظ لازقن مهتم وايد بنفسة وكلة مطيح بالصالونات ويسوي أستشوار ويركب عدسات عسلية ربعة يقولولة معذب قلوب العذارا ةمجابل عمر 24 ساعة عمرة 22
أحمد : ثاني ولد عندهم حنون حيل واهوة حيل مع محمد ولد خالة مجابل صلاتة ودراستة يدرس هندسة طوييل عيونة عسلية حواجبة عراظ أسمراني خشمة مثل مايقولون حد السيف
روان أخر العنقوود : مدللة لانها البنت الوحيدة ودلوعة البابا سمرة شعرها طويل أسود يوصل لي ظهرها بس صابغتة أشقر سمرة تينن عيونها ناعسة وعسلية ورموشها حيل طوال ومكحلة
الحين نبدي الاحداااث
(( بيت بوعمر))
ام عمر : يلا شهودة يلا يما قومي نامي مبجر عشان وراج قعدة حق المدرسة لاتتأخرين
شهد : حاظر يما تصبحين على الف خير يا احلى مامي بهالدنيا
ام عمر تسولف حق بوعمر : تصدق بوعمر شهد بنتي وايد أعتز فيها وأفتخر فيها جدام الناس الكل يقولي انها شايلتني وشايلة اخوانها الله يحفظها انشاءالله
بوعمر : أي والله هالبنت هدية من رب العالمين وتربية أيدنا تعبنا ماراح على الفاظي
ام عمر تظحك : الله يخس سوالفك
* عمر قاعد بغرفتة عايش الجو وقام يتكلم بالفون مع حبيبتة أبرار
ابرار: عمرها 19 طويلة مملوحة بيضة ومتحجبة عيونها وساع ولونهم أدعم شفايفها صغار وردية وجسمها نفس عارضات الازياء
* ابرار حبيبة عمر من 3 سنين تقريبا ومع الاحداث راح تعرفون شلون تعرفوا على بعظ
عمر : ابرار قلبي انتي وينج والله مشتاقلج مووت
ابرار : والله كاني موجودة انت الي ماتبين بعدين قلت مابي أشغلك عن أهلك تقعد معاهم شوي
عمر : أخ منج تحاتين بعد أهلي ويلوموني ليش أحبج ودي ألحين أصارخ وأقول حق الكل أني أحبج متى ايي اليوم الي أكون فيه معاج تدرين احنا اليوم كملنا مع بعظ 4 سنين
ابرار تسمع كلام عمر وساكتة ماتدري شنو ترد عليه بس تعرف شي واحد انها ماراح تكون مع عمر والسبب أمها وأبوها منفصلين وامها ايرانية
عمر : شفيج قلبي ساكتة قولي آمين
ابرار : أمين يارب العالمين .. يلا حياتي انا أخليك تقعد مع أهلك وسلملي على شهودة أختك
عمر : اوكي حياتي ديري بالج على روحج
* شوق قاعدة بغرفتها تتمكيج وتكلم مريم رفيجتها
شوق : واي مريوم مادري شسوي أحس ولد عمي يشوفني بنظرة أعجاب وحب وانة ويني وين هالسوالف تعرفيني عدل وتعرفين رايي بهالمواضيع واختة دانو وايد تلمحلي على هالشغلة
* شوق ماتعترف بالحب طالعة على أمها او بالاصح ماتعرف أتعبر عن الحب جامدة من ناحية هالسوالف
مريم : والله شواقة حياتي مادري شقولج بس انتي عطيه فرصة وشوفي اكيد راح يتعدل
شوق : واي مادري مريوم مثل مايقولون واهوة بكرامة ذيل الجلب عمرة مايتعدل .. أي الا انتي شخبار الحووب ماالج
مريم : لا لاتيبين طارية هالبارد كل شي على حطة ايدج يوخيتي
* محمد كالعادة بالغرفة مجابل هالنت ومع الربع أو الشات ماعندة غير هالشغلة
محمد : اقول أحمد ماقلتلي شصا على سفرة الامارات مشتاقلها بس ببوس ترابها
أحمد : لاتحسسني انك أماراتي أهم شي تبوس ترابها بوس تراب الكويت انت بالاول بس هالديرة وأهلها صج خوش ناس وطيبين
محمد : أي والله مشتاق حق الربع مشتاق حق عرووف ومستكة صج ايام حلوة
احمد : كاااك ذكرتني بأخر مقلب سويناه والله فصلة مو صج
* * * * * * * * *
- صار الصبح والكل بالمدارس (( ثانوية المنصورية بنات )) .. ثانوية شهد وروان
شهد : تصدقين غسوق مادري شفيني هالايام وايد سرحانة وأفكر حتى الابلات ملاحظين هالشي علي وجم أبلة كلمتني
غسق رفيجة شهد وتصير لها من بعيد من طرف أبوها وتشوفها بلزوارة بعض المرات
غسق عنونة نفس شهود عيونها مسحوبة وناعسة حنطاوية ورموشها طوال شفايفها صغار وردية
فدك : يعيني أكيد السالفة فيها أنة وفيها أحد شاغل هالبال
شهد تقول بقلبها : ياترى وشلون قدرت تملك العقل والروح
شهد : أي ماشاءالله عليج فاهمتنيوهاذي المشكلة .. الحووب الي شاغل هالبال مادي ليش لمن أسمع صوتة لمن أشوفة لمن يكلمني أمووت
غسق : والله من قدا هاذا الي قدر ياخذ قلب شهود مايندرة أصلن شكلة بعد ساحرج على الطريج
شهد : اهوة بس ساحرني الا مخزبق عيشتي يبنت الحلال
غسق : الله كريم بس انتي لاتفكرين وايد وأهتمي بدراستج أحسن
(( بيت بوخالد ))
ام خالد :خالد الله يهداك ماقتلك ود روان أختك المدرسة يعني كل يوم نفس السالفة انا أتأخر عن الدوام بسبتك
روان : مابي يما مابي أركب معاه السيارة أطلع وأوصل حق المدرسة مدخنة من الزقاير
بوخالد : انت ماتستحي لا ودخن جدام أختك بعد ماتقولي متى تصير ريال طول عمرك مطي ومامنك فايدة لو أربيك من يدة ويديد بتم حمار
خالد قام من مكانة معصب ورفع صوتة على أبوه : خلاص ترى مليت من كلامك وكل ماشفت ويهي تهزأ فيني ترى أنا ريال وشواربي على ويهي عيب عليك تهزأني جدام أختي وأمي وانا أرد أقولك رياال لاتدخل بخصوصياتي ويكفي انك حرمتني من وايد أشياء لاتخليني أبطل صفحات قديمة
بوخالد : أكل تبن وطلع رجولتك على غيري لا يلا بطل عشان بكل صفحة كف يسنعك
ام خالد : خلاص ياريال بتنحش الولد من البيت بسك أحترمة شوي الولد بيظيع من ايدنا ترى ولدك بدش ال 23 ليلحين مصغرة بعيونك واسلوبك هاذا صار عادي تكلمة فيه حتى جدام أهلي ترى الناس تتكلم
بوخالد : بلعنة بالناس انا برد أربيه مرة ثانية
ام خالد ماقدرت ترد بس سكتت والدمعة بعيونها
روان حست انها سبب المشكلة راحت غرفتها وصكت الباب على روحها وقعدت تبجي
(( بيت بوحسين ))
دانة : يما فهميني انا أبيج يمي بحس بوجودج انتي وأبوي بسكم هواش ناقصني حنانج ترى انا قام أكبر وقام أفهم بس ابس حنانكم
ام حسين : دانو شنو هالكلام اليديد والي مالة أي معنى يلا روحي درسي وشدي حيلج وبلا خرابيط
دانة :قلت محد راح يفهمني بهالبيت بس يايمة بعدين لاتلوميني على الي راح يصير
* ام دانة ماعطتها ويه ولا أي أهتمام على كلامها لانها شافت ولدها الدلوع علي يالها ولمن يقولها يما تنسى كل الي حوالينها
حسين : يما وين الغدا يلا نجبيه يوعاان حدي أي وعطيني 60 دينار عازم الربع على العشا بأفخم مطعم بالكويت
ام حسين : يبا أعطيك لو 100 جم حسون انا عندي واحد دلوع أما حياتي .. بس دير بالك على عمرك ها يما
* بوحسين توة راد من الدوام وشكلة تعبان ومقفل
بوحسين : ام حسين أم حسين يالله يابنت الحلال حطي الغدا واصل حدي وتعبان بروح أنام
ام حسين : يلا كاني بس روح غسل ايدك والغدا أنشاءالله زاهب .. ماقتلي شنو صار على البيت أناشاءالله خير لين متى ندفع الايجار حق هالخرابة
بو حسين : يبا قنالج الاسعار شابة نار يعني شسوي لج أشق هدومي وأطلع فلوس
للتواصل عبر البريد الالكتروني وأبداء رايكم
[email protected]
