غلاء مو طبيعي بقرطاسية مركز سلطان

[فوفو22]

اليوم رحت اجهّز قرطاسيه لليهال اسم الله عليهم

بس الاسعار زايده بطريقه مو طبيعية

الدفتر الواحد بو 60 ورقه 360 فلس

يعني انا بشتري لكل واحد درزنين على الاقل

والكراسات تبدأ الاسعار من 550 فلس

اما الملفات حدث ولا حرج مافي شي اقل من 800 فلس

بصراحه اضطريت اشتري قبل الزحمه بس القرطاسيه ب 77 دينار فقط
(دفاتر عربي وانجليزي وكراسات وجلاد واقلام والوان وصمغ ومساحات وبرايات ومساطر )

علما بان مركز سلطان منزّل عروض لكذا شركه بس لللاسف يتنافسون برفع الاسعار

فوفو

 

[سيدة الذوق]

يبيله تخفضيات بس منو يسمع كل مالهم بالعالي ويستغلون المواسم

 

[قطوووة]

انا شريت دفترين ابو سلك بـ 5 دنانير اشدعواااااااا !!!

 

[جوري الكويت]

عادي يدرون ان الناس راح تشتري

بس لو تقاطعونهم و تروحون الجمعيات راح ينزلون

و ترى حتى مكتبات الجمعيات الحين قاعين ينزلون اشياء حلوه و جودتها زينه

 

[مآمآتي]

لو ترحون مكاتب سوق الكويت جنه مادري وين مكان بالضبط


للقرطاسيه كل شي عندهم احسسن من الباجي واسعارهم حلوه عالاقل معقوله

 

[!الجادل الصعب!]

الجمعيآت تسوي عروض + الاسوآق الشعبيه ..!
وترآ لو تشوفون كلهآ تتشآبه بالبضآعه .. مآكو شي زود ..!

 

[رحيل المرافيء]

اشتري من بو 100 فلس

 

[آهجدڪ!]

هلإ حبيبآاتي ،
مآ عأد فيء شيء رخيص وللأسف يتنآفسون على إرتفآع ألإسعآر !!
بآلتوفيق ,.

 

[الفنانه79]

حسبي الله عليهم

العام شريت منهم
بس والله هالسنه رحت جمعيتنا بمشرف امسويين عروض في قاعة من كسب يدي وامسوين خصومات اعتقد علي الجناط 15٪

اعتققققققد قريت جذي بالاعلان مو اكيد

بس شريت اقلام و4 دفاتر و4 ملافات وجلاد واقلام تقريبا 4 علي وبرايات علبه كامله ومساطر والوان شينيه وخشبيهً ومساحا ت وجلاد اطلعوا ب12 دينار

بس ماشريت مقالم وجناط لان بسافر بإذن الله وناويه اشتريلهم من اهناك

وللعلم انا عندي اثنين بالمدرسه الله يحفظهم

بس صح كلامج كل شي صار غالي

 

[بنت جنيف]

انا اشوف كلهم نفس الاسعار لان نفس الشركات اتوزع على المكتبات والجمعيات وللحين في دفاتر ب١٠٠ انا شايفتهم لكن يكونون موديلات قديمه مالت السنين الي طافت ومقارنة بالاسعارً عن العام ارتفعت

 

[pink Engineerah]

اناشريت منه جنطه برشلونا ومقلمتها ومطارتها وجنطه الاكل طلعت ب 33 دينار
وشريت جنطه جونسينا هم مع كل اغراضها ب 31 دينار يعني المجموع 64 دينار

جد ما انتبهت للسعر اللا عن الكاشير والله بوق واليهال تعلقو فيهم صعب اردهم

 

[حجيه هيونه]

يبه رامز رخص واغراضهم وايد زينه

انا اشتريت لعيالي من هناك


بس الجناط شوفي لج مكان ثاني واخذي منه

 

[LuLiTa]

مركز سلطان معروف اغلى من الجمعيات و المكتبات !


عروض الجمعيات احسن

 

[بيت التوت]

فوفو ياقلبي من شفت موضوعج وموضع اخت ثانيه خطر ابالي انزل هالموضوع
شوفي الرابط قلبي
http://www.q8yat.com/showthread.php?p=26510753#post26510753

 

[ترف بابا]

الله يهداج

شموديج مركز سلطان البضاعه تلوع الجبد قبل لاتكون غالية

انتي شوفي ما فيه احد يشتري

عليج بالمكتبات اللي بالسوقه الشعبيه اسعارها حيل مناسبه وبعد تحصلين

فناتق - وارخص من الجمعيات التعاونيه كمان .