رد : غسالتي المواعين شغلتني خدامه عندها قمة اغسلها واهيه اطالعني whirlpool
ماعندي والله بس نقلت لج مشاركه بنات عنده هالغساله ان شاء الله اكون افدتج
غساله ويربول 2500تهببببل بعد ومازالت عندي ربي يحفظها ن كل شر ما اقول لها هي وغسالتي الملابس الاتوماتيك الا شغالاتي هههههه
كل من سألني قالي ماعندك شغاله قلت الا ثنتين هههه
المهم تغسل لك كلللللللللللللش حتى القدور الا الاواني الفضيات والذهبيات فيهم صبغه( بالغالب هذولا بيكونون كاسات او فناجيل تقدميهم للنس وهي نفس الغساله فيها تشطيف مويه فقط بتحطيها عليها ماتحطي غسيل كامل ) وكذالك الصياني البلاستيك لانها ترتفع بها درجة حرارة المويه مررره مرتفعه لدرجه الغليان او البخار فما يتحملن البلاستيكات ... والا الباقي كلللش اغسله فيها ..
بصراحه اللي ماعندها شغاله احسها لايمكن تستغني عنها تحطي فيها الاغراض وتروحي يكفيك الركض ورا عيالك وباقي الشغل عن الملابس والصحون ..
عاد انتي خوذي تجار غيري لكن انا لي ست سنوات استخدمها والحمدلله الله يتمم على خير يااارب ما استغني عنها ابد حتى ان مفكره اجيب بعد فتره شغاله بس ما راح اخليها تستخدمها مشان ماتخربها انا اللي استخدمها بس .. لانها اللي مايعرف لها راح يخربها سواء هي او غساله الملابس مرره حساسات ..ترا لازم تنضفي بقايا الاكل منها والا تنسد ..
وراح اترك للشغاله لها التنظيف والتمسيح والكوي وهالسوالف ..والله يعين ..
طريقه استخدام غساله الصحون
عادي حطي كل المواعين في المكان المخصص ليه وهي تنظف بس أنا انصحك تشغليها من دون مواعين وضعي فيها مكعب المسحوق عادي بس المهم تكون فارغه وخليها لين تنتهي . العمليه دي أعمليها مره كل شهر
السلآم عليكم ورحمـة الله وبركآته..
بنـاء على رغبة الكثير من الأخوآآت في ذكر تجربتي لغسآلة الصحون حقتي ومآركتها ويرلبول
واتأسف على تأخيري بس ظروف انشغآلي بالبيبي الجديد
طبعا كان عندي اخوي واخوزوجي قهوة وقلت يالله اصور عشآن البيبي معاهم كنت اتمنى تكون فيه مواعين كثيرة بس
حطيتلكم مقتطفات من بعض المواعين وطبعا يمشي الحال في كل المواعين من قدور وصحون كبار وكل شي.
طبعا هذا شكلها من برى وسعرها زي ماهو واضح واخذتها من اكسترا..
نجي للمواعين هذا شكلها قبل الغسيل..
وهنا يوم دخلت المواعين اللي ابغى اغسلها..
(في طشت حق اللي اتشطف فيه هوه نظيف (مغسلته بالديتول والكلوركس)بس انا حبيت الحرارة تعقمه أكثر..
وهذا الصابون اللي استخدمه ومرتاحة معاه ومكان الصابون حطيت قطعة..
بما ان المواعين وسخها خفيف وبعضها اكواب وملاعق فحطيت على درجة حرارة 40 لمدة نص ساعة
والزر اللي جنبه تشغيل والعلامتين اللي فوق للملح وللملمع اذا خلصو من الغسالة تولع لمبة حمرا
نجي لبعد الغسيل..
بشكل اوضح..
أكيد شايفين اللمعه والنظآآفة..
انتهى تقريري
واتمنى ربي يسخرها للي تبغآها يارب من جد أحسن اختراع
وكمآن اللي عندها مشآكل فيها احب اقولها ..
لازم تراعين نظافتها وتنظيف فلاترها ولاتتعمدين وضع الصحون اللي فيها بقايا الاكل لازم ماتحطين لاكلوركس ولاديتول وما تستخدمي لغسيل المواعين التايد اوغيره ..
صابون غسالة الصحون معروف هو الفانيش ولازم ملمع وملح الفانش ولاتستبدلي لابخل كبديل للملمع او ملح الطعام كبديل لملح الغسالة وكمان لازم ترفعين(لي) التصريف 70سم..
وكمان لاعطاء الغسالة رائحة حلوة اضيفي زي ما انا حاطة معطر فانيش وركبيها اخذت بالليمون..
للافآآده..
هذي مستلزمات الغسآلة اللي لازم تتوفر..
واللي بالجالون الأصفر هذا صابون بودرة واللي جنبه ملح والسائل الملمع والمكعبات صابون وهو اللي استخدمه وكلها زي بعض البودر والمكعب..
وباذن الله راح تدوم غسالتك للأبد..
اخيراً,,
