غسالتى فريجيدير اللى عندها من هالغساله ادش ضروري :(

[^kloOot^]

قوه بنات شلونكم


والله مادري ابجي ولا شقول انا مااااااااااااااتهنيت بغسالتى كلش مادرى من العين ولا شنو بالضبط


سمعوا سالفت انا شريت من هالماركه بعد ماسالت بالمنتدى وبره المنتدى وهالماركه قويه ومعروووووووووووووفه


المهم
اول مااااااااشريتها تهبل تهبل ماشالله وخذيت نشافه بعد


بس توها صارلها يومين مو طبيعيه كان مااااااااااااااااااله حس تغسل وتخلص ولا ادري عنها

والحين صوت مو طبيعي جنه طفل قاعد يصارخ


دقينا على الغانم يابولنا فني مااااااااايعرف شي ولايدري وين الله قاطه يقول الاهتزاز من القاعده انزين مو القاعده من الغانم نفسها


المهم قتله والصوت جان يقول ماعرفش؟؟؟


باجر اطرشلكم فنيين وعمال


المهم يييووو الفنييين وشغلوها ولا ماااااااااااااااافي صوت قاعدين يحطون على برامج عشان يختصرون الوقت

والله انى لدرجه صورت فيديو الصوت اللى فيه

بس اهم يقولون مافي شي





بنات ابي اعرف شنو بالضبط اخر شي اطلعوا وقالوا اذا سمعتوا الصوت مره ثانيه دقوا

ولا بس يطلعون اشغلها نطرت نص ساعه ولالالالالالالا نفس الصوت


:krkrkr::krkrkr::krkrkr:



ياربي شسوي بس اخف من الاول بس مره وحده


خليت ريلي يدق عليهم ويقولوهم باااااااااجر تاخذونها وتفحصونها


بنات والله الغساله عجيبه ماشالله تغسل وتشطف وكل شي وماطول

بس مادري ليش هالصوت الى مو عارفين من شنو

ادري قررقت وايد بس شسوي مقهوره

 

[(( قمر ))]

هلا حبيبتي..

انا عندي نفس غسالتج.. صح مرات تكون فيها اهتزازت قويه شوي.. بس عادي.. كل الغسالات اللي نفس نظامها جذي..اخواني عندهم نفس الغساله و كلهم جذي..


بس صوت.. بصراحه مادري خل ياخذونها يفحصونها احسن..


على اي برنامج لما تشغلينها يطلع الصوت؟؟؟

 

[^kloOot^]

هلا حبيبتى

بس انا فوقها نشافه يامعوده اخاف باجر اطيييييييييييح مع انه حاطين حزام لها

انا غسالتى قالى لا تضغطين على اى برنامج بس سترات لانه باجى البرامج حق نظام الاوربي


واهي بروحها تغسل wash
بعدين rine
وبعدين spen
endالنهاية


على ثاني برنامج يبدي الاهتزام والصوت

بصراحه اول اسبوعين ماكانت جذي
ومو تقولين انا العب في البرامج

بالعكس انا افتحها واصكرها محد غيرها يستخدمها


كااااااااااانت جدا هادئه

اليوم بياخذونها وبشوف شنو فيها لانى صج مو قادره استحمل

 

[HaPpY_SpiRiT]

وااااااااااااااااااااااي هاذي معاناتي مع غسالتي والله اللي أقول عين ما صلت على النبي ما صارلي سنة من شريتها يمكن و لا 10 مرات تخترب ينيييت و آخرتها نرد على الأولية مالت النفاس أم حوضين و صغيرة هي راس المال و الله و المشكلة كل ما ايونا ما كو 5 دقايق ما يقعدون يعني و لا شييي بس جذي خرابها نرفزتني

 

[mango mango]

انا نفس المشكلة اعاني منها
الغسالة ما عليها خلاف العيب بخدمة الغانم

 

[ررريهام]

انا غسلتى نفس الماركة بس عطلت دقيت على الصيانة
واخدوها للتصليح بس تغيب عندهم ما يرجعوها بسرعه
والله اخدوا سعر التصليح بثمن واحده جديدة
والحين عند التنشيف تسوى صوت عالى وايد
ما ادرى شسالفة

 

[^kloOot^]

ريهام ليش ماعليها كفاله؟؟

لازم يكون عليها كفاله



وشنو ماركتها نفس ماركه غسالتى ؟؟

 

[^kloOot^]

اب اب


بنات صلحوها بس الاهتزاز راح بس الصوت فيه خفيف شالحل

يقولون مافيها شي

مع انه اول الايااام هاديه جدا الحين في شويه ازعاج مو وايد

 

[(( قمر ))]

عادي يا قلبي..

لا تحاتين انا يصير معاي جذي و قلت لج من قبل مرات تكون الاهتزازات قويه شوي..


و ان شاء الله ماكو الا الخير..

 

[@Miss Dio@]

حبيتي غسالتي نفس الماركه انا ما قمت ادق عالغانم شفتي اللي يشتغلون بره ويصلحون الادوات الكهربائيه اصلح عندهم بس همن جيكي على شغله ان البلاستك اللي بالنص تكون ثابته لأنها ممكن يكون منها الصوت

 

[بيرل]

الغسالات هذة النوعية كلهم نفس الشي كل الماركات بعد مدة تصير فيها رجفة صوت تقولين طيارة وخرابهم وايد ........لا وانا غسالتي بدت تمشي اللمرة اللى طافت واصلة لي باب الحمام لووووووووووووووووووووووووووووول .............. بس عاد مو من اول الايام جذية الظاهر فيها شي ..........

 

[^kloOot^]

لووول بيرل ضكتينى كان عندي غساله هم جذي تمشي ولازم تحطين قاعده تحت عشان تثبت


مس ديو مافهمت اى بلاستيك ؟ بالنص ؟

اهي طلع صوت وقت اللى تسحب الماى بس



بنات صدقوني انا اقول انه عين ماصلت عن النبي وانا استاهل امشي واتكلم

هذا عيبى

 

[نور بوبيان]

الغانم الخدمه زفت .... بنيي وبنصلح وكشته ...

أخوي عنده وحده تمشي فقالوله إن في داخلها مثل الثقل يعني يشبه الطابوقه شالوه وألحين ماتمشي ...

 

[يـاسمينا]

انا عندي نفسها بس اهي غساله ونشافه بنفس الوقت
وهالصوت يطلع لما تعصر بس من القاعده اللي تحت
مادري اذا انتي حاطتلها ولا لأ

اذا فيها قاعده حاولي تخلينهم يثبتونها لج لان لما تعصر تطلع هالصوت المزعج

 

[^kloOot^]

اى صح ياسمينا لما تعصر زين لقيت احد فاهمني لووول قال واحد من الفنيين من القاعده وماوسوهه شي قال غيروها قال احنا بس صيانه


بس شلون نغيرها اهي يديده


ومافيها شي عالمقاس

انا اللى عندي غساله وفوقها نشافه