غسالتج في مطبخج دخلي اماااانه

[زينة الخشة]

:q8:السلام عليكم ورحمة الله و بركاته
غسالتج في مطبخ
من متى ؟
شنو ايجابياتها اذا مقتنعة؟
و شنو سلبياتها اذا مضايقتج؟
وشكرررررررررررررررررا:denya:
:q8:

 

[Love \ Hate]

انا غسالتي بمطبخي للأسف :d

بيني وبينج اول مادشيت شقتي ؟؟ وشفت الغساله بالمطبخ ؟؟ انبهرت @@ ماكنت مستوعبه شلون غساله بالمطبخ ؟؟ لوووول !!!

بس ترى عادي ماكو لاسلبيات ولا ايجايبيات الوضع حلو لانه يوفر مكان خصوصا للي مكانها صغير ...

بس انا غسالتي لها مكان بالمطبخ يعني مكان مخصص والانابيب مااشوفهم مع البنيان واحد يدخل ماي وواحد يطلع الماي بعد الغسيل

يعني العمليه كلها مااشوفها مجرد احط الهدوم واضغط ستارت الغساله تشتغل ويدخل الماي النظيف وتغسل الهدوم وبعدين توقف

وادوس ستارت للنشافه مره ثانيه وبعدين اطلعهم مغسولين ناشفين بس للاوتي سيده عرفتي ؟؟ يعني مافيها مشكله كلش ..

وانا حاطتلي الكبت اللي يم الغساله الصابون والكومفورت وهالامور عرفتي وبس

بس ترى انا ماعندي طبخ يعني الخفايف غدانا ما نطبخه يمكن اذا تخافين من الريحه مااقدر افيدج بالموضوع ...

حبيبتي اذا عندج غرفة غسيل خلي الغساله بغرفه الغسيل واذا مظطره خليها بالمطبخ ماكو مشاكل وانشالله اكون فدتج

 

[الجوريه الحمراء]

لما كنت بشقه كان لها بيبات مخصصه لها بالمطبخ بس لما سكنت بالبيت الجديد محطتنها بالحمام الكبيرلين اسوي لي غرفه غسيل

 

[الغاليه نونو]

انسب مكان للغسيل المطبخ خصوصا حق اللي قاعدين بالشقق انا وجهة نظري جذي لانه الحمام تكرمون نيس ومرات تطبح قطعه من الثياب بالارض وتردين تغسلينها مره ثانيه بعني السالفه حووسه بحوووسه بس بالمطبخ احلا شي اذا كان المطبخ كبير واذا صغير وعندج بالشقه اكثر من حمام استغني عن واحد لا تستعملونه خلوه حق الغسيل
واللي عندها بيت كبير اكيد غرفة الغسيل شي ضروري

واللي مثلي ماعندها غرفة غسيل سويت لي غرفه ورا المطبخ حق الجيل وحق الغسالات وانتهت المعانات

 

[أم@الحلوين]

انا غسالتي بالمطبخ بالعكس وااايد اريح

قبل كانت تكرمين بالحمام اولأ تاخذ مكان وثانيا احس لووويه

نصيحه حطيها بالمطبخ وارتاحي

 

[دلع خـالد]

رد : غسالتج في مطبخج دخلي اماااانه

شكوو تحطين الغساله بالمطبخ المطبخ للطبخ مو لغسيل الملابس بصراحه شكل المطبخ خايس مايمديني انظف الملابس واطلعهم الا انترسو ريحه طبخ صرااحه على بالي غشمره بس لو احطها بالشارع ولا احطها بالمطبخ

 

[نور النـور]

احنا مطبخنا ما شاء الله كبير
وفيه مثل غرفه على جنب بس مافيها بااب
لأ صاير مفتووح وحاطين فيها الثلاجه والفريزر وغسالة المواعين وغسالة الملابس
بس مايبينوووون اول مادشين المطبخ لانه شكل المطبخ مايصير حلوو
لأ صااير مثل غرفة داخل المطبخ بس مفتوووحه على المطبخ (لووول فهمتووا على وصفي )
وانا ما انصح ان الغسالة تكون بالحمام كلللللللللللللللللش مو شي , لازم تخصصين مكان لها بالمطبخ
واذا شكلها مو عاجبج لبسيها في شراشف حق الغساله بالغانم او ايكيا جنه ويصير شكلها مرتب وحطي فوقها مزهريه ولا سله او شي
ومشكوورة

 

[زينة الخشة]

رد : غسالتج في مطبخج دخلي اماااانه

مشكورين حبيباتي على النصيحة
انا ناوية ابني شقتي
قلت خلنا نجط حمام صغييييييييييييييييييييييييييير حق الغسالة بس المطبخ يصير صغير بعد
قلي زوجي ربعي حاطين غسالاتهم في المطبخ احسن من يصغر مطبخج
على فكرة انا ما عندي طبخ كلش شي مع حمولتي
لا ريوقي
بس الحمام مال الغساله مستقبلا يصير حمام للخدامة
ولا مو شي جنه غسالتي في حمام الخدامة
بس انا خايفة من الريحة

 

[نور النـور]

حبيبتي لاتخافين لا ريحة ولا شي
شدعووه اهما بس يخلصوون على طول علا المنشــره صح ولا لأ؟؟
فا ماراح تصير فيهم ريحه
حتى لو خفتي لاتصير
ترا اهما مبللين وراح تشيرنهم على الهوا فا تروح ريحه (مع ان ماراح يصير ريحة ولا شي)
وعلا فكرة الريحه تصير بالهدوم اذا طولوا بالغسااله يخيسوون من الرطوبه
فلا تخلينهم وااجد بالغساله
واذا مالج خلق تشرينهم بنفس الوقت حطيهم بالسله وخليهم برا على الهوا وبعدين شريهم المهم مايبقون في مكان مقمووت
وبث
وادعيلي انجح بالدور الثاني

 

[زينة الخشة]

رد : غسالتج في مطبخج دخلي اماااانه

الله يوفقج حبيبتي
تصدقون ضحكت على زوجي يوم قالي عن الفكرة طلعت
مطبقه من زمان

 

[الجــادل]

رد : غسالتج في مطبخج دخلي اماااانه

اذا مطبخ تحضيري عادي

اما اذا مطبخ رئيسي حطيلج غرفه غسيل

 

[noo7a]

احنا مطبخنا ما شاء الله كبير
وفيه مثل غرفه على جنب بس مافيها بااب
لأ صاير مفتووح وحاطين فيها الثلاجه والفريزر وغسالة المواعين وغسالة الملابس
بس مايبينوووون اول مادشين المطبخ لانه شكل المطبخ مايصير حلوو
لأ صااير مثل غرفة داخل المطبخ بس مفتوووحه على المطبخ (لووول فهمتووا على وصفي )
وانا ما انصح ان الغسالة تكون بالحمام كلللللللللللللللللش مو شي , لازم تخصصين مكان لها بالمطبخ
واذا شكلها مو عاجبج لبسيها في شراشف حق الغساله بالغانم او ايكيا جنه ويصير شكلها مرتب وحطي فوقها مزهريه ولا سله او شي
ومشكوورة

احنا نفس النظام بعد
بس مطبخي على قدي صغير و اشوه ان فيه هالغرفه عشان احط فيها الغساله و غساله الصحون

 

[قطرات من الندى]

رد : غسالتج في مطبخج دخلي اماااانه

اذا شقه حطيها بالمطبخ وتوكلي على الله

 

[زينة الخشة]

رد : غسالتج في مطبخج دخلي اماااانه

يعطيكم العافية على المرور انا في شقة
او في بيت جان حاطة غرفة غسيل و خالصة
بس اتضح انه الناس كلهم في المطبخ

 

[فاقده حنان ابوه]

انا غسالتي بالمطبخ بالعكس ماكو ريحه ولا شي بالملابس والانابيب ما اشوفهم موصلين من وراهاااا

.........

 

[ام شملاني]

اختي انا كانت الغساله بالمطبخ و كان الوضع دادي لا ريحه ولا شي و هم النشافه بالمطبخ بس ماكنت اغسل الملابس و انا اطبخ لا العصر عقب ما انتغدا و نخلص اغسلهم و انشفهم و لاسمتج لاريحه ولا شي اصير فيهم

 

[حجيه هيونه]

كانت قبل بالمطبخ واحس مبهدله المكان

الحين طلعتها اريح وارتب

 

[زينة الخشة]

رد : غسالتج في مطبخج دخلي اماااانه

ما عرفنا ليش اريح يا هنونه

 

[هاديهـ&مطيعهـ]

رد : غسالتج في مطبخج دخلي اماااانه

آنا غسالتي أوتوماتيك مجكنمه وبالمطبخ بالعكس مو مضايقتني لها 4 سنين من زواجي آنا شقتي صغيره وأنسب مكان لها المطبخ والملابس ما تحوشهم ريحة الطبخ لأني أشغل الشفاط على طول

 

[أغلى حبيبه]

رد : غسالتج في مطبخج دخلي اماااانه

انا شغتي صغيره وغسالتي بالمطبخ