غريبه بديرتج يا كويتيه

[سلمى83]

بنات اليوم بتكلم بموضوع حساس شوي
و ما اتمنى انفهم غلط


لكن صار شي الصراحه ملاحظ

مو ملاحظين التالي

ان الكويتي صار بديرته... غريب!!

الغير كويتي - مع كل الاحترام لهم- بس صارو اهم اهل المكان و احنا اللي متفضلين علينا ضافينا!!؟


يعني امور وايد يا بنات وقصص!!

خل اقولكم قصص بسيطه منهم

دكتوره كويتيه حامل بشهرها الاخير.. ياها الطلق واهيا بالشفت بالمستشفى راجت الولاده تخيلو ما ستقبلوها
يقولوها انتاي تابعه الفروانيه و المره تطلق ليما توصطتلها سستر هنديه " كانت مساعدتها هالدكتور بيوم من الايام " و دخلتها!!

انا يوم كنت ابي انتقل كان يقولي مسئولي " اللي مو كويتي" ماكو مجال!! اكتفاء اروح اطالع المكان القاه كللللللللللللللللللللللللللللللللللله وافدين!! و مو كويتين و مايبي يشيل احد و يحطني انا الكويتيه!! يقولي انتاي اذا تبين روحي المكان الفلاني! والمكان يا بنات والله رياييل مايشتغلون فيه مكان بعيد و كله عزابيه و خايس تخيلو انا الكويتيه البنيه اروح اشتغل هناك و الماني قايله يحطونه بأحسن مكان خلاص ديرتهم!!


رفيجتي ! تبي تتوظف بمكان يوم قابلت المسئوله الكويتيه قالتها مايصير عندنا اكتفاء.. يوم قعدت مع واحد مصري يعرف الكويتيه هذي راح توسطلها و صج شغلوها!!


يعني والله شي غريب

الكويتي صار يعسر على اخوه الكويتي

ليش!

ليش لازم كلشي واسطه!! لازم كلشي بالغصب! حقوقنا ناخذها بطلعت الروح مع انها من حقوقنا!! صرنا أغراب بديرتنا والله

والفساد دار ما دارنا! عشان جذي مايبون الكويتين يمسكون شي ولا يقضبون شي يبون الوافدين لانه مهما شافو ما يتكلمون ولا قلبهم على الديره يايين جم سنه و بيردون ديرتهم


الصراحه هذا رايي مع انه ادري اكو وافدين والتعم فيهم انا ما أشكك بنزاهتهم لكن اللي اقصده انه صارت الكويت ... صوره ما اتمنى اشوفها أبد بالتعاســه!!

واسطه واسطه واسطه! والله ترا حتى بره تدرون شيقولون عنا الاجانب!

اللي بيي الكويت لازم يحفظ كلمتين راح يسمعها وايد
1- ان شاءالله
2- واسطه

:eh_s(14): تعبت منهم ابي الكويت حقي انا بروحي !! ممكن!! اروح القى الشوارع فاضيه

المطاعم طبيعيه
الاسواق طبيعيه
تكفون ابي اروح الواجهه البحريه القى الوضع طبيعي!! شايفين الوضع بالويك اند شلون صاير!! ماكو رقعه خضره مو مسوين عليها غزو!! استغفر الله ما احب اقول هالشي بس والله جنهم جراد!!



و عسى ربي يحفظلنا هالديره

 

[بنت السلاطييين]

رد : غريبه بديرتج يا كويتيه

,

الله يحفظ ديرتنا

بس الحمدلله عايشين بخير ونعمه والله لايغير علينااا

,

 

[pretty sarona]

الحمدلله عايشين أحسن عيشه ,, بس ماكو ديره بالعالم ما فيها غربه و يقوون من اقتصاد البلد

 

[أليين]

لااء وازيدج من الشعر بيت تخيلى رفيجه اختى مدرسه كويتيه وخبره المسكيينه وتشتغل بكل تفانى واخلاص شالوها من مدرستها وقطوها مدرسه بعيييييييييييييده عن بيتها ومدارس اعيالها وحطوا مكانها وحده من الجنسيات العربيه توها تعيين يديد لييش ؟؟ لان الموجه متوسط لها ومن نفس جنسيتها امااال ايييه هى كده يافندم ههههههههههه يعنى الحين اذا تبين واسطه يبيلج وافد علشان تمشي مو كويتى من اهل الديره لان للاسف واسطااتهم تمشي انتى شوووفى حلقه طاش ماطاش لما القصبى كان وافد ويعاملونه معامله الملوووك بالشركه ولما استذبح وحصل جنسيه البلد اللى يشتغل فيها وصار مواااطن عسروا فيه وحولوا حياته جحيم ليش لانه مواطن عسى الله يحفظ الكويت واهلها قولوا امين

 

[كويتية من قدى]

رد : غريبه بديرتج يا كويتيه

اى هاذا الحجى من زمااان شوى شوى كرامه الكويتى بتختفى حسبى الله على الى قواهم علينا

 

[استكانه1]

الله يعين هالديره والله

 

[عاشقه مودي]

رد : غريبه بديرتج يا كويتيه

الحمد الله على كثر مافيها من عيوب هالديره تظل بعيونا أحلا ديره وأهي الديره الي رزتنا وعشنا بخيرها الي مغرقنا والحمد لله

 

[كويتية و لكن]

اللي مو عاجبة يطلع منها والله لا يغير علينا حتي اللي مو بمكانه عايش احسن عيشة وش هالدلع ؟؟ مع احترامي للجميع

الكويت فوق راسي وبفلبي وعلي عيني وراسي