غرفتي مافيها دريشه شنو الحل؟لحقوني

[% الريم %]

شنو الحل مع الغرفه اللي مافيها دريشه ؟

انا غرفتي مافيها دريشه شنو الحل يابنات اهي كبيره بس بدون دريشه وااعاني من ريحه الغرفه لان مافيها دريشه وانا تعبت ابخر واعطر واحط فواحه

 

[aengineera]

في فواحة عند بوتس عالكهرباء حطي فيها بس معاي تجدد الهواء اللي بالدار او زيت عطري تعطر الدار وخليها شغالة اكبر فترة ممكنه

 

[كندريه حلوه]

حبيبتي دوم خلي الغرفه مبطله لا تسكرين الباب لان لازم الهوى يتجدد بالغرفه تخيلي بخور وقمته وعطورات لا امبيه تصير الدار حدها خنقه واذا في مجال شيلي الطوفه وحطي دريشه ولا هالخنقه الله يعينج والله

 

[دانه الرياض]

فيه طريقه القص يعني يقصون لك الجدار مربع وبشكل مرتب مو معقوله مكان بدون تهويه

 

[حروف من ذهب*]

انا صالتي بنص وما فيها دريشه ودايم ريحه الطبخ ولا تهويه تدرين شنو اسوي فيها
كل صبح افتح الشفاطات ملوت الحمامات والمطبخ وافتح الدرايش في الغرف الثانيه واخليها تتهو كل يوم لمده 3 او 4 ساعات عقبها اجيب سطل احط فيه ماي وكلونيا من الحواج وداوني والخدامه تمسح احط بخور واخليه يعج عج مثل الدخان طبعا اكون مسكره الشبابيك والشفاطات هذا كل يوم وصدقيني بتكون ريحتها حلوه

 

[نورا84]

نفس معاناتي الله يعينا

 

[حصووونه]

الله يعينج احس معاناه

 

[غروري بطيبتي]

غرفتي ايام قبل كانت جذي
وكنت افتح الباب والمروحه كانت ماساه ابخر واعطر واعدل لا واذا طلبت مطعم تخيلي الريحه :krkrkr: :krkrkr:
والحين غيرت الغرفه وصار عندي دريشتين واول ماسكنتها لزقت بالدريشه اكسر الخاطر جني اول مره اشوف شمس
ويوميا ابطلهم ويمكن انام واهم مبطلين <<~~ محرومه سنين هههههههههههه
والحين اخوي سكن فيها وصدره قام يعوره

الله يرزقج بغرفه فيها درايش هذا اللي اقدر افيدج فيه لاني مريت بمعاناتج :krkrkr:

 

[استبرق أم علاوي]

على طول خلي الباب مبطل واذا مافي فوق غرفتج طابق سويلج فتحة تهويه بالسقف

 

[باربيه قطوه]

خلي الباب امبطل على طول وحطي الجهاز المعطر

 

[باربيه قطوه]

خلي الباب امبطل على طول وحطي الجهاز المعطر

 

[لياااالي نجد]

نفس معاناتي
لا انا يمكن زود عندي غرفتين بيت حمولتي وكلهم بدون دريشة
(اذا شفتي مصيبة الناس تهون عليج مصيبتج)
عايشة مع الوضع شنو اسوي

 

[قطوه سعوديه]

غريبه اول مره اسمع انه غرف من غير درايش@@
اشلن مستحمله ؟
حبيبتي لازم تفتحين لج دريشه
بقص لجدار جيبي عامل وخليه يقص لج لجدار

 

[Ms.PeRFeCT]

نفسي بس انا داري لها 3 ابواب لووول مسوين شغل

 

[لياااالي نجد]

ههههههههههههههها
انا بعد غرفتي فيها ثلالث ابواب
الحال من بعضة

 

[ياحلاتي قمر]

امبي معاناة الغرفة لازم يدخلها ضوا شمس علاقل

خلي اهلج يفتحوله دريشة حتى لو صغيره

 

[عبق البنفسج]

خلي أهلج اييبون ريال عشان يسويلج دريشة ..

 

[نــوي]

لازم دريشه لان ضوء الشمس يقتل الامراض والجراثيم ( هذا الضوء ) يعني مو سالفه هوا يدش و يطلع و بس
لازم دريشه

 

[cat^q8]

واي اثاااري مو بس اناااا

بس انا الحمدلله ماكو ريحه

بس تصير قمته ابطل الباب و كل درايش البيت تتهوا يصير جوها زين

 

[% الريم %]

واي بنات مشكورين عالردود

بنات انا تعبت مافيها تهويه وبعدين اللي يقولون جيبي واحد يسوي لج دريشه ما يصير دريشه لان موقع الغرفه مو شي ومستحيل تنفتح دريشه لان بانين شقه اخوي وتسكرت الدريشه مالتي . واللي تقول سوي تهويه بالسقف شلون ؟ والامطار والغبار مايدش علي شلون على المطر والغبار؟؟؟؟؟؟؟؟؟؟ فيدوني يا قلبي