غرفتي النووووم

[عآشقة زوجهآ]

مرحباا حبوبات

انا مملجه مابقى شي على عرسي وزوجي صورة الاثاث وشفت ان الاثاث غريب شوي لونين البني الغامج والبيج او السكري وكله شغل وفيه ذهبي

قالي قوليلي رايج ومدري عادي الاثاث يكون دمج لونين؟؟

وقال اختاري كل شي من صبغ وغيره وانا محتاره مو خبره حيل بهالسوالف
بليز ساعدوني ابي صبغه تكون هاديه مثل لون اوف وايت طيب مقدر اسوي ترخيم او شغل كثير لان الاثاث فيه شغل بليز شنو الصبغه الهاديه وشغلها ذرب وتناسب لون الاثاث؟

ساعدوني تراني عليميه
وربي يوفق كل من ترد علي او ترفع موضوعي

 

[فطووومة]

حبيبتي دشي على قوقل واكتبي غرف نوم او اللي تبين وان شالله تحصلين


ليش ما تروحين المحلات وتشوفين يمكن تشوفين شي احلى

والله يوفقكم

 

[عآشقة زوجهآ]

هلا ياقلبي..
المشكله هو بديره ثانيه مقدر اختار من اهني
بس ابي صبغات ذربه اللي تعرف تفيدني بليييز

 

[عآشقة زوجهآ]

وين البنات ؟

 

[بــروق]

حبيبتي عندج ورق جدران بيج بذهبي دشي قوقل وشوفي ،، يصلح حق غرفة النوم البيج بالذهبي
وعشان يصير تناسق بين غرف شقتج
خلي غرفة القعده يعني الصاله بيج بأبيض مع شوية ديكورات قواعدها ذهبيه يعني مثلاً طاولات ذهبي وقاعدة الكراسي ذهبي جذي ، هم دشي قوقل راح تتضح لج الرؤيه اكثر

واذا تبين تكسرين اللون شوي دخلي لون ليموني مطفي او اخضر فاتح مطفي مع البيج


ما أنصحج بالأسود ولا الأحمر ألوان غامجه وكئيبه ويقولون انها مساكن الجن وصارت متداولة بشكل مو حلو ..

المطبخ والحمام تكرمين ما يدوخ تروحين محلاتهم تلاقينه مركب وجاهز اخذي اللي يعجبج بس انصح ان تكون الأرضيه بيضاء بالمطبخ وكذلك الحمام أنظف وعشان يفتح النفس

بالنسبه للديكور أفضل اللون الأبيض الساده مع نقش بسيط ببرز الديكور فقط من غير اضافات ألوان وخرابيط

روحي الشويخ / محل العثمان / البيت الخشبي / أبيات << اذا شفتي هذول الثلاث يكفيج عن كل شي

ومو لازم تروحين وتاخذين من أول مره

روحي انتي بروحج مو شرط زوجج معاج اخذي فكره بس

سألني عن ورق الجدران عن الفايبر عن الرول عن البلاستيك عن الألوان الجديده واخذي افكار ولما ترجعين البيت راح تعرفين شلون تقررين




ابي أدور لج صور واحط لج نفس الألوان اللي قلت لج​

 

[بــروق]

عندج الصورة الأولى لورق جدران ذهبي ساده هذا غير مريح مع ان الذهبي حلو

الصورة الثانيه شوفي البيج لما دش على الذهبي عطاه لون وحياه على قولتهم

هذي ألوان بالنسبه لغرفة النوم واذا تبين تحطين غرفة النوم لون وغرفة القعده لون

جربي السلفر بغرفة النوم

طعبا السلفر الهادي الرمادي المطفي مو الفاقع اللي يلمع
صبغي الجدران كلها رمادي فاتح ماعدا جدار خلفية السرير حطيها ورق جدران أبيض منقش بسلفر راح تطلع راقيه وحلوة او العكس حطي الثلاث جدران أبيض والجدار اللي ورا السرير خليه رمادي فاتح وطبعات النقشه سلفر


بحط لج صورة مثال للسلفر //

​

 

[بــروق]

هذي صورة للبيج بذهبي لغرفة نوم كامله

​

 

[بــروق]

هذا لون البيج مع الابيض بس شوفي اللون بالصورة لأن الصورة فيها شكثر اثاث بس ركزي على اللون شلون بارد وهادي وحلوو


تخيلي لون الجدار ابيض والاثاث بيج وتحطين كوشيات ليموني او فوشي او بيج وابيض ولون ثالث مثل الاخضر او الازرق تكسرين اللون يعني وتعلقين لوحتين او مرايه مع كم ابجور والطاولة والستاره راح تصير توووب​

 

[بــروق]

هذا لون الليموني اللي اقصده شحلاته مع البيج والابيض ​

 

[عآشقة زوجهآ]

بروق مشكووووره ياقلبي وجزاج الله كل خير
شكلي بفكر بورق الجدران ومشكوره

 

[*مرايم*]

بروق ما قصرت

 

[ملواكي]

بروق ما قصرت

 

[عآشقة زوجهآ]

مشكووووووراااات

 

[عآشقة زوجهآ]

مشكووووووراااات

 

[F.L.O.N.A]

العزيزة برووق ما قصرت ..

بس يا ربي فيني شغف بهالسوالف لازم اتليقف واحط جم صووورة هههههههه

اول شي ابي اقولج ان ورق الجدران احلى شي ويبرز جمال الاثاث بس بشرط ما يكووون اووووفر ونقشات وايد .. كل ما يكون ناعم وخفيف احلى وارقى ... وبالنسبة للالوان دام الاثاث بني واوف وايد ... حلو يكون الصبغ بيج اغمج بدرجتين وذهبي ، او المنقش بنفس اللون

واذا كانت الغرفة صغيرة لا تحطينه على طووفة بالكامل .. لعبي فيه وبالصور راح اوضح لج شلوون

تفضي غلاتي .. وان شاء الله يعجبج ذوووقي

شايفة الطوفة البيج اللي عاليميييين ... واااايد ذربة وناعمة وبنفس الوقت فيها حركة مو سادة

شوفي الابيض او الاوف وايت مع الذهبي << رهييييييييييب

شايفة اهني شلون لاعبين بورق الجدران .. مربع بنص الطوفة بس والباجي صبغ عادي

حركة ثانية

هذا الستايل المفضل عندي بصراحه حق غرف نوم المعاريس << مثلج يا قمر :q

بغض النظر عن الالوان الموجودة بالصورة .. ممكن تسوين نفس الحركة لونين او لووون سادة من تحت ومن فوووق ورق جدران بس نصيحة لا تسوين العكس يعني ورق الجدران تحت والصبغ فوق لان مثل ما قلتي اثاثج فيه شغل وايد وجذي راح يصير فلم هندي لووووووووووول ... بس لما يكون ورق الجدران فوووق ما راح ياثر بس راح يعطي جمال ويبرزالاثاث

شايفة وين حاطين ورق الجدران بس بالنص ومخلي السرير يبرز اكثر من لو كانت الطوفة كللللها ورق جدران

هذي احلى الوان مع البني المحروووق السكري والابيض



يارب اكون افدتج وعجبج ذوووقي

واذا عندج اي اسئلة او محتارة بشي قووولي وان شاء الله ما نقصر معاج

والف مبرووووك مقدما وعسى ربي يسخر لج زوجج ويسخرج له ويطرح فيكم البركة والمحبة والتفاهم

 

[ميشووو]

ماقصررروا البنات

انا افضل البيجيات الفواتح للجدار عشان يكبر الغرفه بعد

 

[ezapel]

موفقه حبيبتي البنات ما قصروو..