غرفتي ابي حل ساعدوني

[كتكوته امي]

مرحبا للجميع واسعد الله مساكم

بغيت مساعده صغيرونه بنات انا غرفتي الطوفه بيضا مافيها ولا شي والستاره بنيه والاثاث بعد بني والسيراميك بني على

عسلي خاطري اغيرها من زمان ودي بوردي او بنفسجي او سلفر او اسود او ازرق لاني احب هاللون حيل بس حلاته معاه

شي بناتي اي شي بس ابي اغير هالغرفه والله لايعه جبدي منها تخيلو ماادخلها بهالسبب كاشته فيها

واحس رابطني البني مابيه ومااقدر اغير الاثاث والارضيه انا اقول ممكن اغطيها بقطع سجاد عادي بس الاثاث

شسوي فيه لاتقولون صبغيه لاني مااقدر حرام جديد وحلو ابي حل رايكم شنو افكاركم شنو شنو اصبغ شنو الحركات

اللي ممكن اغير فيها الغرفه

 

[ابلة رسم كتكوته]

دخلي معاها بيبي بنك او بيبي بلو حلو مع البني
اذا تقدرين تغيرين ستارتج غيريها وغير الكفر وحطي سجاده كبير مشيره
وبتشوفين شلون تتغير الدار 180 درجه
واذا تقدرين تحطين ورق جدران
والبراويز والصور ولوحات ع الطوفه
او صبغيها وحطي بس استكرز بتطلع وايد حلوه

 

[شمس 20]

غيري الاثاث حبيبتي والسجاد بعد بس

 

[بنوته جامعية]

البني اذا دخل معاه اكثر من لون يطلع روعة مثل الوردي ( مللك ) . والفستقي والبيج

شوفي الصور وان شاء الله تاخذين فكرة حلوة

اللون والستكر



الستكر يغير شكل الغرفة واايد وحلوو





تلقين الستكرز بالمكتبات ومحلات ورق الجدران وايكيا .

و تقدرين تحطين سجاد قطع صغيرة بعيدة عن بعض والأفض ان يكون لونهم فاتح أو ملونين



http://www.up.fekrh.com/uploads/images/fekrh-comb20d6fcf49.png

وممكن تركبين على الستارة خرز او تحطينه بأي ماكن بالغرفة مناسب له












الحين الغرفة الاثاث مثل ما اهوا بني والطوفة بيضة و تغيرين الكفر و الزولية وتحطين الستكرز و ستارة الخرز ... وماراح تكشتين فيها مثل أول ... بتقعدين فيها على طوووول


ومبروووك عليج الغرفة اليديدة مقدما :33_1185028183:
:eh_s(17):

 

[shaikhat elbnat]

لا اتغيرين اثاثج .. البني يمشي مع كل شي و كلاسك و ارقى شي

انتي اول شي اختاري اي لون تبين اتدخلين على دارج
و اشتري قطعة سجاد صغيره .. سواء كانت مربعه او مدوره و فرشيها بالارض
و الطوفه البيضه الساده .. زينيها ببراويز فيها رسومات او مناظر حلوه حسب اللون الي اخترتيه
او حطي صوركم بالبراويز

تقدرين تحطين منظره طويله تعطي اتساع و على اطراف المنطره اتحطين هذيلا الحمالات الي تنحط عليهم تماثيل او ورود

و اذا ما تبين الدار اتكون ميته .. تقدرين اتحطين ورق جدران لطوفه وحده بس

حطي ورد بالدار يعطي حياة .. في ورود صناعيه حلوه اتكون جنها طبيعيه

 

[بَيّروتْ .!]

رد : رد: غرفتي ابي حل ساعدوني

لا اتغيرين اثاثج .. البني يمشي مع كل شي و كلاسك و ارقى شي

انتي اول شي اختاري اي لون تبين اتدخلين على دارج
و اشتري قطعة سجاد صغيره .. سواء كانت مربعه او مدوره و فرشيها بالارض
و الطوفه البيضه الساده .. زينيها ببراويز فيها رسومات او مناظر حلوه حسب اللون الي اخترتيه
او حطي صوركم بالبراويز

تقدرين تحطين منظره طويله تعطي اتساع و على اطراف المنطره اتحطين هذيلا الحمالات الي تنحط عليهم تماثيل او ورود

و اذا ما تبين الدار اتكون ميته .. تقدرين اتحطين ورق جدران لطوفه وحده بس

حطي ورد بالدار يعطي حياة .. في ورود صناعيه حلوه اتكون جنها طبيعيه

انا وياها ..

وانا اشوف انه لستكرزات والاكسسوارات وطريقت تنسيقها تعطي روح بالغرفه اكثر من الصبغ والوانه

وشوفي الاوان الي اتدش مع البني عندج الشذري مع البني حلو والفوشي والوردي مع البني حيل يمشي ..
واذا كلش كلش كرهتي البني ومالج خاطرفيه ما كو الا اتصبغين الاثاث ..
مع انه البني احلى شي :eh_s(7):

واهم شي نبي انشوف دارج بعد التعديل :sfg:

 

[كتكوته امي]

رد : غرفتي ابي حل ساعدوني

تسلمون بنات والله ماقصرتو وعطيتوني اكثر من راي والحين عندي استكرات وشريت بعد المناظر المفرقه من ايكيا وبغير الستاره بعد

واحط الزوالي القطع وان شاء الله بحاول اصبغ الغرفه وبعد التعديلات ان شاء الله بصورها قبل وبعد وتشوفونها ولكم الف شكر

بختار اللون الوردي الصور حيل اغرتني ومشكوره بنوته عالصور ماقصرتي