غرفة مساج

[donat]

السلام عليكم

عندي غرفة بالسرداب و ابي اسويها غرفة للمساج و ابي اشتري سرير المساج اللي يصير محفور من عند الراس ... عرفتوه؟ ياريت تدلوني من وين ممكن احصله بالكويت

و ابيكم تشورون علي بلون الصبغ؟ ودي اسويها غرفة ريلاكس و احط شموع و هالسوالف وابي اراءكم

 

[أنيقة بدفاشة]

والله السرير ما ادري من وين
سألي ملوت المساجات
واللون طبعا بنفسجي فااتح لانه يرخي الاعصاب
وجيبي نافورة او شلال حطيه عند المدخل
وشموع معطره اترسي الغرفه منهااا
روحي سنتر بوينت منزلين تشكليه رووووعه
وطبعا ماتنسين الفوط البيضه والشرشف الابيض
وفصلي لج لبس خاص للمساج
وصوب سوي فيه كاونتر حطي غلاية ماي حق الشاي الاخضر والنعناع وثلاجه علشان العصاير
وقصصي جزر وعنب بصحن جذي كانوا يحطون لنا لما نروح نسوي مساج
وموفقه يالغلا

 

[donat]

وناسة حسستيني بجو السبا

انا قلت بصبغ يا بنفسجى فاتح او سماوي او فستقي

وومكن ادمج الثلاث الوان يعني كل طوفه لون وووووو مادري ابي بعد افكار و اهم شي السرير وين احصله مادري

 

[Q8 New Style]

وناسة والله حلوة الفكرة

بس ما ادري وين ينباع السرير

 

[بنت الفوزان]

رد : غرفة مساج

مادري

 

[ساره 101]

رد: رد : غرفة مساج

حلو خوش فكره اسأليهم عاد سرايرهم اسخيفه ما اشوفها بسوق اكيد ينباعون في مكان خاص لهسوالف
بس منو يسويلج المساج ؟ << ​

 

[فطووومة]

اتوقع في محلات الرياضة

 

[جروووح88]

حلو تكون الوان فااتحه وسالي محلات المسج من وين او الصالونات

 

[بنت النوخذا]

بالتووووووفيق يا قلبي

السرير ممكن تفصال

و تسوينه علي كيف كيفج

اقصد تتحكمين بالارتفاع و بالطول و العرض

وممكن انج تسوينه جلد او قماش

و الجاهز عند محلات تجهيز الصالونات

مجمع الاذينه او الجوتن و ممكن طلبيه

بس ترا اسعارهم وايد غاليه

و ممكن تسالين عن المستعمل بعد يفيدونج


و الوان البنفسجي الفاتح مع و رق جدران

او ازرق نيلي او اخضر مع التلاعب باللوان و ورق الجدران

و انصحج في ارضيه باركيه بتكون روعه

و انصحج استغني عن الشموع لانها تسحب الاكسجين و تخنق المكان

بالعكس انصحج بالزرع الطبيعي البسيط اللي يغني المكان بالاوكسجين

انصحج في شموع اضائه تلاقينهم في مجمع بحولي اسمه الرحــاب

و عندج ديكورات محلات مجمع التلال

تقدرين تاخذين افكارهم بعد


بالتوفيق​

:eh_s(15)::eh_s(17)::eh_s(15):

 

[بنت النوخذا]

ممكن جاكوزي بغرفة المساج

و الافضل انج تختارين السبا

علي اي تصميم عربي او اوربي

انصحج بالستايل المغربي روعه

 

[بنت النوخذا]

هههههههههههه

واذا تبين بعد دلع زاااايد

و ريلاكس زايد

خلي يكون عندج كورنر علي جنب

حطي كرسي هزاز

ديـــرفه صغيره شخصين

او

حطي فيه سرير مائي

بعد او قبل المساج

او بدون مساج ممكن انج تنامين عليه

و جنج نايمه فوق موج البحر

 

[chakletaA]

ماكو احلى من تحت دش
وعطورات زهور الريف
عالم جمييييييييييييييييييييييييييييل

 

[بنت النوخذا]

 

[^نوف^]

رد : رد: غرفة مساج

واااااااو روعه

 

[ملح الدنيا فيني]

حبيبتى هذى فكرتى وايد عندى افكار روعه عنها

السرير طلبيه من امازون بيكلفج تقريبا 200دك


الارضيه باركيه

الطوفه لون عودى


الشراشف بنى محروق

دخلى فيه فوط برتقالى هادى


ونحاسيات رووووووووووووووووووووووعه يطلع

 

[ملح الدنيا فيني]

 

[ملح الدنيا فيني]

 

[نور بوبيان]

الله ذكرتيني بمساج الهند

تنسدحين وتطلين على النهر والخضرا .....آه ....أيام ....

لو شايفه مساجهم ....أخيييييه ....

الغرفه لونها مثل إللي حطتها ملح الدنيا .....العودي والفوط البرتقالية

ما أنصحج بورق الجدران....خليها لون واحد من الصبغ ....

كان السرير اللي عندهم من الخشب الطبيعي البني الغامج وملبس جلد أسود ....

ليش ماتطلبينه أحسن أو مستعمل بس لبسيه ....

عليج بالعافيه....وهننيج فيها

 

[donat]

مشكورين بنات ما قصرتوا والله صج عطيتوني افكار حلوة
بس بالنسبة للسرير لو بطلبه من امازون اتوقه يطلع علي الشحن غالي
بشوف محلات تجهيز الصالونات يمكن عندهم