غرفة النووم خاصه ام عامه !!!

[UM M&M]

قوه بنات اشلونكم

غرفتج النوم ترضين احد يدخلها ولا بس لج انتي و زوجج ؟

خالتج ؟
حماتج ؟
امج ؟
اختج ؟

خدامتج ؟؟؟؟؟؟؟

و شنو وجهة نظرج بصراحه ؟

 

[كلي ثقه و سنع]

رد : غرفة النووم خاصه ام عامه !!!

محد يدش و حتي عيالي يمكن مع الوقت ما اخليهم يدشون الا للضروره

يا حلو الاستقلاليه

 

[الابرار75]

هلا اختي

انا اعتبر غرفة نومي شي خاص جدا ما احب احد يدخلها حتى عيالي

عوتهم على الاستأذان قبل يدشونها


ولما كنت مع حمولتي عودتهم على هالشي

بس فيه بعض الاستثناءات مثل لما اكون مريضه

خالتي ادش علي بعد ماتستاذن طبعا

ومرات ادرعم ياحليلها تبي تشوف الدار مرتبه ومسنعه ولا العكس

اما بالنسبه للخدامه من عاااااااااااااااااااااشر المستحيلات تدخلها

مستحيييييييييييييييييييييييل اخليها تدخل تحت اي ظرف من الظروف

حتى لوكانت وصخه ويبيلها تنظيف

انا انظفها واغسل >تكرمون< حمامها واغير الكفرات والمفارش وامسحها

وبث >>>>>>>>>> سوري على القرقه >>>>وحده ودها تنسأل

 

[مسك وطيب]

رد : غرفة النووم خاصه ام عامه !!!

الخدامه مستحيييييل تدخل لو شنو ... وحمواتي مايدخلون الا بإستئذان واذا انا طلبت منهم يساعدوني بشغله معينه ..
اما بناتي صغار بس هم معلمتهم لازم يطقون الباب قبل لايدخلون ,,, وعلى طاري غرفة النوم ,,, تصدقين زميلاتي بالدوام يقولون عادي خل تدخل الخدامه تنظف وتمسح وتغسل الحمام << لحد هني شي معقول بس اللي صدمني كلهم اتفقوا ان الخدامه تسوي الفراش عادي و تغير الشراشف وتبدلهم وتبدل الكفر << امبيه هالدرجه عجز او ايدج مكسره ماتسوين فراشج وفراش زوجج ,,,, ويقولون لي انتي مهوله الامر عادي شفيها دام انا واقفه على راسها ,,, وواااااخزياه بس

 

[UM M&M]

رد : غرفة النووم خاصه ام عامه !!!

والله زين تسوون حلو المكان يكون فيه خصوصيه و ماله داعي كل من هب و دب يدخل الغرفه و يتفرج
ماله داعي يشوفون فراشي و مكاني

 

[tbola]

رد : غرفة النووم خاصه ام عامه !!!

انا احيانا ادخل الخدامه واكثار شي اناا وخالتي عادي اخليها تدش لانها حسبت امييي

وانا مو نوعي احط اشياء الغالي ولا قمصان النوم كل شي مخشوووش وذهبي بتجوري ف حدي عادي ماحس شي كبير

 

[!الجادل الصعب!]

رد : غرفة النووم خاصه ام عامه !!!

شي خصوصي و آحب خصوصيتي فيها .. الا من ولدي الي يدرعم ولا يحب آسكر الباب .. يتآزم وبخآطري آعلمه مع الوقت مآيدشها ..!

 

[هيا البرقاوي]

رد : غرفة النووم خاصه ام عامه !!!

غرفة النوم بالنسبة لي شيء خاص فيني انا وزوجي اكيد ما احب احد يدخلها حتى لو اجيب بعدين شغالة مستحيل تتدخلهااا ...

 

[tmtmt]

الخدامه تنظفها ... عادي
بس ما احب اليهال يدخلوون
واهم شي عندي الفراش ما احب احد بقعد عليه

وخالتي من نفسها ما تدخل الا عاد اذا في شي تدخل اكيد
وامي نفس الشي مثلا سافرت تسويلي مفاجأه تغير البرده او الزوليه او اي شي تدخل

شدعوه غرفه خو محد بيتعبث باغراضج

 

[ftana]

رد : غرفة النووم خاصه ام عامه !!!

امبييييييييه انا مستغربه من شغله ..


شدعوه مكبرينها ... الخدامه مادش حتى وانتوا موجودين بالغرفه !! شبتشوف اسرار دوله !!! ...

كلها فراش وكمدينتين وتسريحه وكبت شنوو الشي الي ماتبونها تشوووفه !!! انتوا واقفين عند راسها يعني مهيا بايقه منكم شي !!

وانتوا لابسين هدوم مو مفاصيخ !!

بفهم شنو الشي الي ماتبونها تشوفه @@


لا والله انا لو عندي خدامه اخليها ادش وتغسل حمامي وتمسحلي ارضيت داري وتمسح الكمدينات .. بالصابون وعقبها بالمعطرات .. وتشبلي فحم وانا اخر شي ابخر كفري وابخر غرفتي واسكرها .. شصااار بدنيا @@

واذا على خالتي وحمواتي مايدشون داري كلش ملش ...

واذا على اهلي لمن زاروني انا دخلتهم داري ..
واذا اختي يت شقتي عادي تقعد بداري وانا اتمكيج ونسولف شفيها؟؟؟؟؟؟؟؟؟؟ @@

 

[احلى ـآ وحده]

رد: رد : غرفة النووم خاصه ام عامه !!!

امبييييييييه انا مستغربه من شغله ..


شدعوه مكبرينها ... الخدامه مادش حتى وانتوا موجودين بالغرفه !! شبتشوف اسرار دوله !!! ...

كلها فراش وكمدينتين وتسريحه وكبت شنوو الشي الي ماتبونها تشوووفه !!! انتوا واقفين عند راسها يعني مهيا بايقه منكم شي !!

وانتوا لابسين هدوم مو مفاصيخ !!

بفهم شنو الشي الي ماتبونها تشوفه @@


لا والله انا لو عندي خدامه اخليها ادش وتغسل حمامي وتمسحلي ارضيت داري وتمسح الكمدينات .. بالصابون وعقبها بالمعطرات .. وتشبلي فحم وانا اخر شي ابخر كفري وابخر غرفتي واسكرها .. شصااار بدنيا @@

واذا على خالتي وحمواتي مايدشون داري كلش ملش ...

واذا على اهلي لمن زاروني انا دخلتهم داري ..
واذا اختي يت شقتي عادي تقعد بداري وانا اتمكيج ونسولف شفيها؟؟؟؟؟؟؟؟؟؟ @@

اي والله انا اللي عندي جذي يقولون انتي من صجج اتخلينها تدش

شدعوا ياحافظ ادفع لها معاش وانا اللي اكرف :080402ask_prv:

 

[باربي للابد]

​

غرفتي شي خاص ماحب احد يدخلها الخادمة ما تدش الا من فترة ليه فترة عشان تنظف الدرايش بس

اهلي واهله ما يدشون الغرفه الا لضرورة ساعات اكون مسوية يمعه ولا حفله يدشون يتعدلون وهم مو دايما

حتى زوجي ما يب احد يدخل الغرفة مو عشان فيها اشياء غالية لا لان فيها خصوصيات

تكونين مسوية فيها حركات او شغلات معينة ما تحبين احد يشوفها ​

 

[FeShinGoOo]

رد : غرفة النووم خاصه ام عامه !!!

مافيها شي ..!!
اساسا الاشياء الخاصه كلها داخل الكبت
واللي بيدش داري ماراح يشوف غير فراش وكبت ومستواليت لوول شنو الخاص بالموضوع ؟؟
حتى الخدامه اخليها كليوم اتدش اتنظف الغرفه بس طبعا اكون قاعده ماخليها بروحها لان في فلوس وذهب ما أأمن
والادراج اللي فيها اشياء خاصه اقولها هذا لاتبطلينه وانتهى الموضوع ..

 

[ريماس77]

رد : غرفة النووم خاصه ام عامه !!!

عادي خوشنو فيها كل شي مخشوش ===اما حماتي انا ساكنه بروحي وماتييني مفتكه اما خالتي فتبارك داري لمن تدخلها بالعكس اهي تغير ديكور غرفتي لمن تي

 

[انكسر خاطري]

رد : غرفة النووم خاصه ام عامه !!!

اسكن بروحي مع زوجي بشقه خاصة وماعندي احد يدخل غرفة النوم غيري انا وزوجي

 

[DooLy88]

ماحب

الا وقت ماكون تعبانة او الي خلق من الدورة
اخلي الخدامة ترتب - بوجودي طبعا

 

[Tom ♥ Jerry]

.


عيالي أوكي بس مو آنه ينبشون !
لا بس ينآمون عندي اذا حبو مره مرتين يقعدون عندي شوي و بس @ !
آمآ آمي و خالتي و حماتي و الخدآمه شكو :/
لا طبعا خآصه و مآ آحب آحد ينظف غرفه النوم آحب آعدلها بنفسي
و لا حتى الخدآمه تدخلها :/

 

[Al-RoRo77]

رد : غرفة النووم خاصه ام عامه !!!

ماحب احد يدخلها واحب انا اللي انظفها وارتبها وبس
واحيانا خالتي ادش بس طبعاً قبل لاادش تستأذن فديتها

 

[UM M&M]

رد : غرفة النووم خاصه ام عامه !!!

بعد شاركونا خنشوف الاغلبيه عادي عندهم ولا ممنوع

 

[اشتياق]

اللي بيدش وانا موجوده حياه الله ما أرد أحد