غدا يعود الماضي

[احكي يا شهرزاد]

هذه بدايه قصتي الأولى وهي أول شمعه تضئ كتاباتي في عالم الروايات وأرجو ان تنال اعجابكم :yaaaaaarb:

لا احلل اي شخص ينسخ قصي



تتمنى منى ان يعود قلبها الذي ذهب بذهاب مشعل ذلك الحب الصادق الذي كان بينهما ولكن مشعل لن يعود ومع بدايه فجر جديد تتمنى ان يعود الماضي, فهل يعود الماضي كما تتمنى منى؟

 

[عديلة^الروح]

يالله ناطره روايتج شكلها حلوه مااعتقد يعود الماضي والله انا ودي يعوود الماضي لان ادا في مااصي حلو كل بنت تتمنى هلشي وانا اول وحده اتمنى يعوود الماضي لو يعوود مااضيع منه ولا ثانيه اخ اخ بس​

 

[احكي يا شهرزاد]

مشكوره حبيبتي هذا من ذوقج الحلو وان شاء الله راح انزل اليوم بارت الأول

 

[برنسس أوراق]

وااااي شحلاة العنوان يشوق..عفيه بسرعه نزلي بارت..الليله لازم اقرا شي..ناطرتج لوووووووول

 

[احكي يا شهرزاد]

البارت الأول ​

منى : عمرها 21 سنه طيبه وحبوبه ورومانسيه لابعد الحدود
قامت منى من النوم كعادتها فتحت الدريشه وكان الجو حلو :rerrerek: راحت تغسل ويها وتوضت وصلت, تريقت وللحين الساعه 6 استغربت انها قايمه ممجر العاده توصل شوي متاخره البست وراحت الشغل , كانت الساعه 6:30 لان مافي زحمه ما شاء الله شوارع الكويت مو زحمه :krkrkr:
يوم وصلت الدوام شافت شويه موظفين, راحت قسمها ما لقت احد بعد نص ساعه وصلو الموظفين واحد ورا الثاني ويت رفيجتها عايشه
عايشه : نفس عمر منى بس اهي شوي بطوطه وتحب الطلعات والمطاعم
استغربت عايشه لان منى يت مجر قبل عايشه
عايشه : ها وصله ممجر شنو القصه
منى : اي قمت ممجر شنو يعني تبين الصج الجو عاجبني
عايشه : اي والله الصراحه مو مال دوام شرايج نتريق بره ونقعد باي مطعم على البحر وفتك من حنه رئيس القسم اوامر اوامر ويع
منى: يامعوده لاحد يسمعنا وتصير مصيبه فكينا من المشاكل بروحه شراني :rgewrg:ويحب الهوشات

مرت ساعه من الدوام وكان تلفونها يرن رقم مو معروف ما ردت عليه يمكن دق بالغلط , بعد ربع ساعه رن التلفون ونفس الرقم طلعت من القسم وراحت ترد على التلفون تبي توقف صاحب الرقم عن الدق
منى : الو نعم
صاحب الاتصال : السلام عليكم
منى: وعليكم السلام خير اخوي
صاحب الاتصال: ما عرفتيني
منى: نعم اخوي انت داق وتقول ما عرفتيني صج ما تستحي :rgewrg:ترى انت غلطان بالرقم ولو سمحت لا تدق مره ثانيه .
سكرت التلفون وردت مكتبها واهيه معصبه حدها :rgewrg:
عايشه: شفيج معصبه
منى: بعد ما تعرفين حركات الشباب يبي يتعرف والله فراغه من الصبح مغازل:eh_s(4):
عايشه: ووووواي هل شباب ما يصدقون يسمعون صوت بنت وما يهدونها يامعوده انسي ولاتفكرين وايد يالله خلصي الشغل قبل نهايه الدوام مالنا خلق رئيس قسم يصارخ علينا
منى :اي والله صاجه
انتهى وقت الدوام وردت البيت دشت وما لقت احد بالصاله هذا شي عادي بالنسبه لها لان عايلتها مفككه كلت غداها بدارها وعقب الغدا صلت ونامت بعد يوم طويل لها

قامت من النوم قبل وقت المغرب قامت من السرير وجيكت على موبايلها ولقت رساله كان من اللي دق عليها اليوم
( انا اعرفج عدل واعرف كل شي عنج وانا مو غلطان بالرقم الله يخليج ردي علي في شي مهم ابي اقولج الياه الله يخليج دقي علي )
​

 

[احكي يا شهرزاد]

افا عليج حبيبتي يا غالي وطلب همبه
انطر ردودكم الحلوه

 

[احكي يا شهرزاد]

سامحوني على البارت القصير بس البارت الياي راح يكون اطول وفي احداث حلوه

 

[برنسس أوراق]

لا لااااااااااا لاااااااا كملييييييي عفيهواتوقع اللي يدز لها له دور كبير بالقصه..بسرعه لووووووووووول..لا تطولين

 

[عديلة^الروح]

شكلها لبقصه حلوه ناطرينج قلبو

 

[احكي يا شهرزاد]

البارت الثاني ​

عصبت منى ومسحت المسج بسرعه
منى: صج قليل الأدب شفيه هذا ما يفهم
سمعت منى صراخ امها وابوها راحت الصاله ولقت اختها هيا .

هيا: عمرها 18 سنه في الثانويه مملوحه بس مو مثل منى .

منى: شنو صاير ؟
هيا: بعد ما تعرفين امي وابوي دايما يتهاوشون على اتفه الأسباب .
منى: صج انا مليت من هل الوضع بروح داري ليما يخلصون .
هيا: وانا بعد بروح داري


مرت ساعه وما سمعت صوت امها وابوها راحت الصاله وفجت التلفزيون وقاعده تشوف مسلسلها المفضل وفي هل الوقت يت ام الصاله .

ام منى: مره وووايد طيبه وتحب بناتها وايد .

منى: يما ليش انتي وابوي تتهاوشون شل سالفه؟

الام : قلت حق ابوج ابي اسافر من زمان ماسافرنا وقال لا؟

منى:هذي عاده ابوي بس يقول لا صج متسلط بس ليش ما وافق ؟

الام: لاني قلت بسافر مع خالتج عبير وانت تعرفين ان ابوج متهاوش مع زوج خالتج .

منى: ما تعرفين ابوي دايما يتهاوش مع الناس مو بس ريل خالتي خلاص انا اروح اكلم ابوي وان شاء الله يقتنع .

الام : اي والله ابي اسافر وارتاح من ابوج شوي .

ام منى دايما سلبيه امها تزوجت ابوها عصبن عنها لان اهل ام منى اجبروها على الزواج .

محاولات منى خذت اسبوع علشان تقنع ابوها بالسفر وبعد عناء طويل وافق بس اهو ما يبي يسافر معاهم منى فرحت لان ابوها ما راح ايي وراحت قالت حق امها وفرحت وايد :eh_s(9):راحت ام منى ودقت على اختها وقررو انهم يروحون لبنان .


قدمت منى اجازه ومدتها اسبوعين وسألتها عايشه

عايشه : منى متى السفر ؟

منى : ان شاء الله اسبوع الياي انا وايد مستانسه من زمان ما سفرت تبين شي من لبنان .

عايشه : مشكوره حبيبتي والله صراحه ابي حلو حلوهم ما يتطوف .

منى : هههههههه ان شاء الله حبيبتي .

عايشه : استانسي بالسفره .

منى: ان شاء الله ما راح اطول .

وسلمت على رفيجاتها ورجعت البيت وقالت حق امها انها خذت اجازه من الدوام وبدت العاليه تستعد حق السفر وفرحتهم ما تنوصف :ggdw:.


وصل يوم السفر ركبت العايله السياره ووصلو المطار ولقو خالتها وعيالها وشخص ما تعرفه
كانت تقول منو هذا كان انسان وايد حلو راحت حق بنت خالتها امل .

امل: عمرها 23 سنه انسانه مرحه ووووايد وتحب الغشمره وتحب منى وايد وجنهم خوات

منى: امون منو هذا ؟؟؟؟
امل : اي شي ما عرفتيه هذا مشعل رفيج اخوي خالد تذكرين سفره الامارات من عشر سنين هذا اهو وصار مهندس .

منى: صج تغير وايد عشر سنين تغير اللي ما يتغير .

مشعل: عمره 27 سنه طويل وعريض المنكبين وابتسامته وايد حلوه جنه امير قصص الخياليه

ما قدرت منى تشيل عينها من مشعل صج تغير وايد كان اهو قاعد يقرا كتاب واهي انتهزت هل الفرصه وقاعده تطالعه بحب وموده بس من غير ما يحس :eh_s(7):

 

[احكي يا شهرزاد]

حبايبي والله ابي ردوكم ناطرتكم

 

[احكي يا شهرزاد]

البارت الثالث​

بدت منى تتكلم مع البنات وفجاءه حست ان احد قاعد يطالعها تلفتت يمين ويسار ولقت مشعل يطالعها صار ويها احمر وسمعت موعد اقلاع الطياره دشوا الطياره وقعدت يم الدريشه طبعا هذا مكانها المفضل وشافت السما شلون حلوه وامل ما خلت احد بالطياره ما علقت عليه :krkrkr:
امل: منى شوفي هل اثنين جنهم مسافرين قصب تصدقين ما تكلمو ولا كلمه ولا اللي جدامهم يموتون مو الضحك قاعدين يصارخون جنهم اول مره مسافرين .

منى: ووووووواي امون شعليت منهم اهم يهال مستانين.

امل: هاهاها اقول قعدي طاعي الدريشه احسن .


منى كانت منصدمه وبنفس الوقت مستانسه لان مشعل كان موجود بس للاسف اهو ورا وياولد خالتها .


وصلو مطار بيروت وركبو الباص اللي مأجرينه منى كانت حدها دايخه ونامت بالباص ومحست بنفسها .


وصلو الفندق وعلى طول منى حطت راسها ونامت كانت امل وهيا يحطون اغراظهم وبدو يشوفون التلفيزيون .


صار بليل وقعدو باحد كافيهات السوليدير راحو الحريم السوق وقعدت منى بالقهوه وتقرا كتاب اهي ما تحب التسوق رجعو حق منى وبدو يخططون شنو بيسون باجر .


امل: شوفو عندي اقترح .

الكل: شنو ؟

امل: اول 5 ايام كله سوق وباجي الايام نسوي رحلات شرايكم علشان اخر ايام مانقول حسافه ما سوينا شي .

منى : فكره حلوه علشان نخلص بسرعه من سالفه التسوق .

امل : انتي شنو وووواي احلى شي بالسفر السوق ؟


منى: بصراحه الكويت كل شي فيها والسفر حق الوناسه هذي قاعدتي .


امل: خليج ام القواعد انتي عكس هيونه تحب السوق نفسي .


هيا: اي والله احلى شي السوق في هل الدنيا .


وكانو خالد ومشعل توهم اقعدو معاهم .


خالد : ها يا صبايا شنو قررتو؟

امل : شوف اول خمس ايام كله سوق وباجي الايام كله نخليه رحلات شرايكم ؟

خالد : والله خوش اقتراح شرايك مشيعل او ميشيل .

مشعل: والله اقتراح حلو يا خلود.


الكل : اوكي كلنا راي واحد اول مره نتفق هاهاهاها .


وعقبها راحو الفندق وقعدت منى بابلكونه وهوا كان وايد حلو وبدت تسمع اغنيه فيروز(نسم علينا الهوا ) صج الاغنيه بمحلها
قعدت امل وهيا يلعبون اونو وقعدت معاهم منى وبدت تلعب معاهم وطبعا غلبتهم :ggdw:


منى: هاهاها غلبتكم هي هي هي :eh_s(9):


امل: اوووه ما يصير جذي :eh_s(14)::eh_s(14):

هيا: اي كله غالبتنا مصيبه :rgewrg:


الكل ضحك وعقب اونو قعدو يطالعون فلم وصارت ساعه 12 راحت منى حق فراشها ونامت اما امل وهيا كملو السهره .

 

[احكي يا شهرزاد]

ناطره ردودكم ​

 

[برنسس أوراق]

واااااي ‏

رووووعه رووووووعه البارتين

تسلمين قلبووو

بس لا تطولين بالبارت الياي بلييييييز

عشان ما انسى
شكلها الاحداث حمااااسيه بلبنااااان

ونبي بااارت

نبي باااارت

نبي باااارت

نبي باااارت

نبي باااارت


نبي بااااارت

نبي بااااارت

 

[احكي يا شهرزاد]

افا عليج علشان خاطرج بنزل بارت

 

[احكي يا شهرزاد]

البارت الرابع

​

قامو البنات من الصبح بكسل الا منى لانها نايمه قبلهم انزلو حق الريوق وكان فيه خليجين وايد واكثرهم كويتين شافت منى ناس تعرفهم من الثانويه ومن المتوسط ويه صج تغيرو وايد قعدت منى مع البنات .


امل: ووووووواي مالي خلق ليش من الصبح قعده مايصير وقت الظهر .


منى : علشان تفرين السوق عدل مو هذا اللي تبينه .


امل : علشان السوق كل شي يهون .


منى: هاهاهاهاهاهاهاهاها .


هيا : اه صج وايد ممجر خل اكل انا يوعانه حدي .



كانو يتريقون ويو خالد ومشعل منى ارتبكت وايد وحست انها شبعت بسرعه ومو قادره تكمل اكلها.



امل: شفيج ؟ كملي اكلج ؟


منى : لا حاسه اني شبعت .


هيا: اقول اكلي لان ورانا درب طويل .


منى : انزين بعد شوي اكل .



ما شاء الله الشباب خلصو الريوق بسرعه عكس البنات وطبعا امل ما خلت احد ما علقت عليه وشاركتها هيا بس منى للحين تفكر بمشعل وكملت ريوقها ويو ام منى وخالتها تريقو البنات قامو وراحو الغرفه يبدلون علشان السوق .


البنات البسو لبس مريح ومع جواتي رياضه (مكرم السامعين) .



راحو سوق الحمرا والفردان وشرو البنات اشياء وايد ونفانيف حفلات مع اكسسوارات
وعقبها راحو abc وشرو اغراض بعد منى راحت حق قسم الكتب لان منى تحب القراءه وايد وخاصه القصص الرومانسيه شرت كتاب وعقبها كملت التسوق معاهم وتغدوا هناك وعقبها ردت الفندق .


مرت خمس ايام على هل الحال منى اول يومين كانت معاهم واخر ثلاث ايام تعبت قعدت بالفندق ترتب اغراضها وعقب ما خلصت بدت تقرا القصه اللي شرتها وقعدت على البلكونه تقراها مع كوب من الشاي الأخضر وكان الجو وايد حلو .

 

[احكي يا شهرزاد]

ادري البارت قصير ومافي احداث وايد بس ان شاء البارت الياي في احداث وايد حلوه وتغير مجرى الروايه

 

[miss i]

عجييبه القصه...تقبلي مروري حبوبه..

 

[برنسس أوراق]

آآآآآآآآآآآآآآآآآآآآآآ

‏>‏>هاذا انا معصبه عشان خلص البارت

خخخخخ

كملي قلبووو ناطرينج

وبلييييييييييييييييز
نبي البارت الياي طويييييييييييييييييل

 

[احكي يا شهرزاد]

افا عليج miss i انا متقبله مرورج وهذا شرف لي واوراق خريفيه ياغالي وطلب رخيص راح انزل بارت علشانج حبيبتي

حبايبي والله