غازات البطن للبيبي

[احلى من الحلى]

السلام


بنات انا تونى والده قبل شهر ورضعت ولدى طبيعى والحين قاعده اعطيه صناعى وطبيعى تمهيدا عشان يشرب بس صناعى

المهم وايد ااماذينى بالعازات كل شى سويه مميات دكتور براون جاز بيبى وينسون ونعناع بس هم يبجى ويمغصه بطنه


وحليبه اس 26 والله ماادرى شنو اسوى بعد

ابليز بنات اذا عندكم شى يوخر الغازات فيدونى

ومشكورين

 

[نو-من؟]

هلا حياتي حليب اس 26 ممتاز في بالصيدليه نقط للاطفال الرضغ للغازات وحده اسمها قاز والثانيه دفلاتين روعه بس دفلاتين السماوي ببابيش احسن من الباجي اسالي الصيدلي وهو بعلمج كمية النقط صراحه مره ممتازه وماتشوفون شر

 

[طبعي راقي]

رد : غازات البطن للبيبي

الحمدلله ع سلامتج...الله يخليه لج..نفس حالتي مع عيالي اخلط طبيعي وصناعي..كنت استعمل لهم بيبي غاز وخففت شوي من الغازات.لانه الاعشاب مانفعت..بس حاولي بعد كل رضعة يتجشأ(قلبت فصحى)..وتكررين بين فتره والثانية.بانج تطقطقين...خفيف ع ظهره من تحت لى فوق(انا طقت اصابعي ما باغيت اكتبها) ههههه.

 

[حبـ admant ـك]

رد: رد : غازات البطن للبيبي

انا استخدمت حق بنتي ماي غريب
خلاها ترتاح من الم البطن وترتاح

 

[ناتشوو]

أدوية الغازات اللي ذكرتيها كلها زينة
بس انت عطيها للبيبي أول بأول
مو تنطرين ينترس بطنه غازات وتتأزم الحالة
وحاولي تقلبينه على بطنه علشان تطلع الغازات بعد

زين مافكرتي بتغيير الحليب؟

 

[روعة الكلام]

رد : رد: غازات البطن للبيبي

عطيه ينسون وحبة حلوة وكراويه وبابونج انشالله يرتاح

 

[الأمل الباسم]

رد: رد : رد: غازات البطن للبيبي

حبيبتي انا ولدي كان نفس الحاااله وبطنه كان متفوخ وعلييه

وكنت أستخدم اس 26 وكان ناصحني فيه الدكتور

المهم لما وديته الطبيب عطاني ماي غريب وادول عشان الالم وقال بس استخدمي الادويه لمدة 3 أيام ولا تغيريله الحليب مره وحده لان

بستعسر عليج أكثر

فشسويت رضعته لمدة أسبوع من صدري تالي غيرلته الحليب والحمدلله ارتاح علييه وااايد لان اس 26 ماناسبه كللش

استخدمت سميلاك أخف من اس 26

وهالحجي من كان عمر ولدي شهر وطبعا الغازات كانت من قبل بس زادت عليه لما كمل الشهر...

والحين لما احس بطنه فيها غازات اسويله حبة حلوة والحمدلله تريحه وما استخدم لا ماي غريب لاني ماحس يسوي شي ولا أدوية كيماويه

 

[ام اغلى الناس]

شربيه بونيسان بالصيدليه
كل الدكاتره يمدحونه
ونقط دسفلاتيل

 

[احلى من الحلى]

مشكورين بنات ماقصرتو انا والله بحاول اغير الحليب بجرب سيملاك انشالله يكون احسن

 

[احلى من الحلى]

بنات غيرت حليبه سويته سيميلاك بس اتصدقون نفس الشى صج ماكو امساك بس غازات املعه جبده مسكين

 

[f-alkandri]

السلام عليكم اختي ....انا عيالي اسم الله عليهم توام جربت كل انواع الحليب لو بعدد لج اياهم اكيد اكيد راح تنصدمين وراح اكون ناسيه بعد نصهم ... جربت اس 26 وجربت سميلاك وابتاميل ونوفولاك وجربت قسما بالله كميه ماتتخيلينها لدرجة اني صرت مينونه من حجي الناس اللي ينصحوني ... وبالاخير زارتني بنت عمتي وكنت اشكيلها التعب اللي انا عايشه فيه وجان تقولي ليش جذي لعوزتي نفسج ولعوزتي عيالج حرام .... استعملي لهم اخف نوع حليب اللي اهو نان وفعلا مااقص عليج والله ان لي يومج الكل يسالني شنو الحليب اللي طاح على عيالج اقولهم نان ...( تدرين بعد صرت خبره لان عيالي صاروا فيران تجارب ) ومافي وحده من اللي قلت لهم غيرت حليب بيبيها من الولاده والكل مستمر عليه ... وعلشان ااكدلج اكثر انا اراجع عند دكتوره فوزيه القطان وسالت الدكتوره اللي عندها وقالتلي ان نان اخف حليب واهو الحليب الوحيد المقارب لحليب الام وحتى الدكتور محمد سعيد السيد قالي هالحجي ..... وسامحيني اذا طولت عليج بس انا عارفه وحاسه ابمعاناتج .. ومشكوره على سعة الصدر.

 

[ريمي وميمي]

اي والله انش صادقه يالكندري
انا ببنتي الاولى اول شي عطيتها ابتاميل بس بغت تموت منه وعلى طول غيرته لها لنان وحيل ارتاحت له والحين ببنتي الثانيه نان

 

[um 3li]

شوفي حبيبتي أخف حليب نان و ابتاميل

جربي واحد منهم

الشي الثاني عندج تنقعين علج لبان بماي حار ولما يدفا عطيه بالملعقه بحلجه او ضيفيه حق الحليب عشان يضيع طعمه كل يوم مرتين او ثلاث ما يضره بالعكس يريح بطنه وااااااااااااااايد
انا اسوي جذي لي اربع شهور والحمدلله
واضيف ماي علج اللبان على حليبة الليل والحمدلله

والشي الثالث عندج الديسفلاتيل تضيفين 10 نقط بالحليب وهم ماشاء الله يريح البيبي

عندج ماي غريب زين

وغاز بمبي

انا جربت كل هالأشياء حق عيالي اكثر شي فادهم اهو علج لبان + ديسفلاتيل + حليب نان

لأن حليب سيميلاك غازاته وااااااااااااااااااااااااااااااااااااااااااايد

وان شاء الله ماتشوفون شر