عيوووووني واكياس الدهن...مأسآة

[عجميه COOL]

السلام عليكم ورحمة الله وبركاته

ان شاء الله طيبين وبخير

بنات الموضوع واضح من العنوان
عيوني فيها اكياس دهنيه حيل مضايقتني وشكلها في عيوني مقزز ومقرف حيل
قالوا علاجها عمليه بس ترجع مره ثانيه
وفيه وحده تقول حطي حبات رشاد في عينش وقت النوم.... يمه شلون اخاف تفقع عيني معروف الرشاد حار على المعده شلون العين حساسه

بنات امانه اللي عندها خبره والا تعرف احد صار فيها
ترد بلييييييز

 

[• قلبه نصيبي •]

حبيبتي الحل العمليييه وصدقيني ماراح تحسيين بشي ! اختي سوتها بس صج ترا بترد بعد العمليه بس بعد فتره طووويله !

ولا تلعبييين بعينج ترا كياس الدهن ماتروح الا بعمليييه وماتشوفيين شر غلاي :*

 

[ღ Mzajiya ღ]

انا بعد طاالعه بعيني حبة جيس دهن وقالو ماتروح الا بعمليه
الله يشفيناا يارب وترووح الحبوب بدون عمليه

 

[مروقه على الكوفي]

الله يعينيك
مالك الاالعمليه عاد قريبتي زيك تقولي عين الاكياس الدهنيه

 

[sowsan]

من شنو تطلع هالحبه؟

 

[%ورد طايفي%]

موضوعج مايحتاج تسالين البنات فيه لازم دكتور والعيون اهم شي حرام ساكته عليهم روحي وسوي العليه وافتكي ولازم تقللين اكل الدهون لان الي اعرفه ارتفاع الكلسترول موزين يسبب اكياس الدهن وسلامتج

 

[قمرq8]

الله يشافيج حبوبه
اللي سمعته انه الكيس الدهني علاجه العمليه توكلي على الله وسويها وتراها بسيطه وسهله
وحتى لو طلعت بعدين ان شاء الله يكون لها علاج

 

[عجميه COOL]

الله لايهينكم ماقصرتوا فديتكم

اي الاكياس عين لما اقرا تخف بس لازم تنشال بعمليه شكلي بروح اسوي موعد واشيلها ارحم من التوتر اللي انا فيه والمحاتاه
الله لايهينكم بنات
واللي فيها ... الله يشافيكم يارب

 

[randomy]

انا طلعتلي وحده صغيييرة من زمااان والدكتور قال ماتحتاج عمليه بس كمادات ماي دافي

وراحت الحمدلله

 

[(كويتيه عسل)]

الله يشافيج حبيبتي ماتشوفين شر

 

[غلا منار]

انا طلع بعينى وسويت العمليه عند الدكتور مبارك العجمى ماطولت 5 دقايق والحمدالله ماردت مره ثانيه ولالها اثر ماتشوفين شر

 

[miss t]

حبيبتي انا شلت ثنتين بنفس العين وحده فوق والثانيه تحت بطرف العين من جدام

والي فوق كانت كبيره تفشل

وكنت خايفه وماطلت لاني قلت شالفايده اسويها وترد مره ثانيه

والحين من سويتها تقريبا سنه والحمدلله اريح لي بوايد والله

ورحت عند طبيب ثاني قالي مسامات رموشي ماتفرز الدهن عدل فتتكون الاكياس الدهنيه

فقالي اغسل عيوني بشامبو بيبي جونسون لا دموع بعد اليوم بالصبح والليل واستخدم قطره ترطيب لا حسيت بجفاف

والاكل من المطاعم والوجبات السريعه لها سبب بعد

وان شاء الله ماعليج شر

 

[miss angel]

والله ما عندي فكرة حبيبتي بس حبيت ارفعلج الموضووع

والله بشافيج يا قلبي

 

[puppet]

سبحان الله .. انتي تبين تشيلينه

والبنات يروحون دكاترة تجميل ينفخون عيونهم من تحت

عشان يعطيهم شكل بيبي ..

 

[~Princess~]

طلع لي ٣ مرات.

اول مره شلته بعمليه سويتها عند سامي الربيعه.

ثاني مره بمكان غير و راح بروحه.

ثالث مره اعتقد نفس مكان ثاني مره وشلته عند سامي الربيعه.

وصار لي الحين ٦ سنين الحمدلله ما رجع. ذيك الفتره كان يمكن من العدسات الشهريه. الحين كله يوميه.

العمليه بسيييييطه بنج موضعي وما فيها لا خياط ولا شي وما تاخذ الا دقايق.

بس يسكر العين يوم واحد وبعدين عشر ايام بدون عدسات.

توكلوا على الله وسووها ترى اذا تركتوا راح يشوه الجفن مو زين. ولا تخترعون من كلمة عمليه ترى اهي شغله بسيطه.

ما تشوفون شر