عيوبي اعرفهم و ابي اعدلهم !

[sh_mashael]

السلام عليكم

اشلونكم بنات



عندي عيوب و اعرفهم و ابي اتعدل بس الجو المحيط مايساعدني


اتنرفز على اتفه الأسباب و بالي مو طويل
عصبيه
شايفه روحي بس ما اقصد اشوف روحي ,, امي و خواتي يقولون جذي


واي بنات شالحل
اكون زينه و خوش وحده و شحليلي بس ابسرعه اقلب
اكثر شي ثلاث ايام و تالي انقلب


انا احب اتناقش و انتي قولي رايج و انا ابي اقول رايي

بس دايما اتهاوش مع اخوي على هالسالفه

اهو ع باله انه كل اللي يقوله صح
و مايرضى يسمع كلام احد

انا اقول رايي بدون عصبيه بس ردة فعل اخوي على رايي
تميل الى العصبيه و يبدا يسبني !

خواتي مايتناقشون معاه

انا اكبر منه ب سنه

و هم عندي مشكله مع اختي اللي اصغر مني

اهي مو مرتبه كلش
لا ترتب اغراضها و لااتهتم بشكلها
و هالشي ينرفزني

راح اتقولون نصحيها راح اقول لكم نصحتها وايد
و ماشالله عليها بالها طويل
اتقول لي انزين
و النتيجه صفرررررررررررررررررررر


يقولون مالج شغل بأي احد بالبيت عشان ترتاحين

انزين اشلون؟؟
دام انا عضو فعال بالبيت فـ لازم يتحملوني


الموضوع ملخبط السموحه

 

[ام الدرر]

وعليكم السلام ورحمة الله


اتنرفز على اتفه الأسباب و بالي مو طويل
عصبيه
حبوبة حاولي تتحاشين المواقف او الاشياء اللي تنرفزج مثل المناقشات او الجدال ودايما احسني الظن بالناس وطوفي

شايفه روحي بس ما اقصد اشوف روحي ,, امي و خواتي يقولون جذي
ساليهم شنو اللي يوحي لهم بهالشي وحاولي تغيرينه




انا احب اتناقش و انتي قولي رايج و انا ابي اقول رايي

بس دايما اتهاوش مع اخوي على هالسالفه

اهو ع باله انه كل اللي يقوله صح
و مايرضى يسمع كلام احد

انا اقول رايي بدون عصبيه بس ردة فعل اخوي على رايي

تميل الى العصبيه و يبدا يسبني !

خواتي مايتناقشون معاه

انا اكبر منه ب سنه

انتي فوق تقولين انا عصبيه وبسرعه اتنرفز
والحين تقولين هو مايحيد عن رايه وبسرعه يعصب ويسب
طيب ليش تحطون نفسكم بهالموقف اذا الجدال عقيم ويسبب زعل وهواش تجنبوه لان الظاهر انتو الاثنين وايد تعصبون

و هم عندي مشكله مع اختي اللي اصغر مني

اهي مو مرتبه كلش
لا ترتب اغراضها و لااتهتم بشكلها
و هالشي ينرفزني

راح اتقولون نصحيها راح اقول لكم نصحتها وايد
و ماشالله عليها بالها طويل
اتقول لي انزين
و النتيجه صفرررررررررررررررررررر

حياتي صعبة تغيرين طبع الناس على كيفج انتي نصحتيها يمكن باسلوب انتقادي
حاولي تغيرين من طريقتج مثلا اذا مو مرتبة اغراضها قولي لها شرايج نغير من شكل الغرفة وتشترون كونتينرات لترتيب الاغراض وتساعدينها
واذا ما تهتم بشكلها بنفس الطريقة قولي لها تصدقين لو تلبسين هالبلوزة بتطلع جسمج احلى ولا هالبنطلون بيخليج مانيكان
يعني باسلوب مدح اكثر منه انتقاد


يقولون مالج شغل بأي احد بالبيت عشان ترتاحين

انزين اشلون؟؟
دام انا عضو فعال بالبيت فـ لازم يتحملوني
حبوبة انتي تهتمين باللي حولج وهذا شي وااايد حلو بس يمكن طريقتج بالااصلاح غلط
حاولي ترققين اسلوبج
وان شاالله مع تحسن اسلوبج تتحسن علاقتج باللي حولج
​

 

[Dr.Nouf]

^^

اتفق معاها ..

واذا على اختج .. مردها بتتسنع خليها

 

[ŦSЩД3УФИУ]

وعليكـم السلآام
م قصـرٺ ام الدرر
مـووفقــــۃ

​

 

[Patcholli]

مع ام الدرر صج كلامها درر واحب ازيد على كلام ام الدرر من واقع تجربتي الشخصيه واللي طبقته وساعدني على التغيير
اولشي لايزعلج ولايظايقج وضعج
مشكلتج اغلبنا عانينا منها
بس مو اغلبنا حسينا بعيوبنا والمشاكل اللي نعاني منها ولا اغلبنا نوينا نتغير ونحسن من انفسنا ونعالج هالعيوب
هاذي اهم خطوه ولازم تركزين عليها مع اصرار بالتغيير بدون احباط وبدون يأس
في بنات من اول محاوله او من ثاني محاوله تغسل ايدها وتقول خلاص ماكو فايده
لأ اكو فايده بس يبيهلها صبر وبالتدريج راح توصلين لهدفج ..
اولشي حبيبتي لازم تعرفين ان انفعالج يضر بصحتج قبل اي شي ثاني
سواء كان صداع او قولون او اعصاب ..
تدرين اني كنت مثلج بالظبط ما اتحاجى على طول اعصب واتنرفز وازعل اللي جدامي وهالشي كان يتعبني نفسيا
ونويت مثل ما انتي نويتي اني اتغير
لان فعلا نفسيتي تعبت وثاني شي جسمي
حاشني قولون حاد تعبني وبهذلني بسبة انفعالاتي ونرفزتي
من اهني نويت ابدي اتغير
اولشي تحتاجين خلوه بينج وبين نفسج
ونقاهه روحيه تقدرين تستجمعين فيها افكارج وتركزين على النقطه اللي راح تبدين منها
لما تعيشين بالخلوه راح تحسين بقيمة الهدوء والصفاء الذهني اللي راح تحسين فيها والنتيجه لهالشي راح تحسين ان النرفزه شي سلبي وراح يظايقج قبل لاتبدين فيها عكس وضعج الحين تبدين بالنرفزه وبعدين تتحسفين .. اذا عشتي الهدوء راح تنفرين من النرفزه قبل لاتطيحين فيها ..
ثاني شي كثري قرآئه خصوصا الحكم
اقري من الحكم وحاولي تطبقينها بحياتج وتفهمينها يعني لاتقرين وتحفظين لا اقري وفهمي وتعمقي باللي تقرينه ..
ثالث شي لاتكثرين النقاش خلي كلامج مختصر وبنفس الوقت حكيم و عطي الكلام من الاخر بدون شرح ونقاش ومتى ماحسيتي ان الكلام بدا يحتد وبدا يصير في نقاش وقفي ولاتكملين
..
رايع شي كثري من القرآن لانه في راحه وطاقات ايجابيه على النفس بشكل ماتتصورينه وينزل على قلبج السكينه والهدوء وراحة البال ..
وارد اكرر اهم شي اصرارج على التغيير وعدم الاحباط واليأس من اول محاولات .. استمري

 

[blue ocean]

البدايه الصحيحه لتقويم العيوب في نفس الانسان ​

اهي انه يعرفها .. وانتي بديتي صح بحثتي عن عيوبج وحطيتي ايدج عليها​

وكل شي مع الايام والتجارب يبين ومن نفسج احيانآ تلاقين حلول​

وصدقيني ماكو حل يتطبق تلاقين نتيجته دايركت​

اول شي حاولي تغيرين ردة فعلج للاشياء اللي تضايقج وتحسين ان بالج ضيج تجاهها​

يعني فكري عقب راح تكون النتيجه عكسيه عليج وتضايقج ..​

يعني مع اخوج حاولي تاخذينه بالزينه وقنعيه بهداوه .. واغلب الشباب ترى ينعمون وقت الحوار​

وحتى لو رايه خطأ يعاند .. يعني سوي اللي عليج ولاتعبين نفسج ​

نادر اشوف ناس تقتنع براي اللي جدامها حتى لو كان صح تعاند وتكابر​

ونادر اشوف ناس ماتعصب وقت الحوار لي احتدم .. يعني انتي سوي اللي عليج​

ولاتحرقين اعصابج .. حاولي بأوقات الهدوء تبينين وجهة نظرج ..​

انا كنت عصبيه وبالي ضيج مع الايام حيل تغيرت وعرفت شلون اتحكم بانفعالاتي وارتحت اكثر​

وبالنسبه لأختج على حسب عمرها واييلها يوم اتعدل .. اذا كنتي يائسه منها كلش اخذيها بالهداوه​

وفهميها ان اللي قعد تسويه مو حلو لها .. وان شالله تتغيرين للأفضل يارب​

 

[afaf]

اععععععععععععععععععع

 

[ΒŖǾĶĚŅ 02]

بالنسبه للعصبيه


اقتبست لج مقالة الدكتور جاسم المطوع ::

30 فكرة عملية للتخلص من العصبية



استوقفني شاب يسأل عن كيفية التعامل مع سرعة عصبيته وكثرة انفعالاته، فقلت له: دعنا نعرض سؤالك للمتابعين في «الفيسبوك» والتويت لنستفيد من تجاربهم العملية في إدارة الغضب بشرط أن يكون العلاج قد جربوه ونجح معهم في إعانتهم على الصبر، وإدارة الغضب وقد وردتني ثلاثون فكرة عملية سأعرضها عليكم بشكل مختصر وهي على النحو التالي:
(النوم كما يقول المثل نام نار تصحي رماد، كثرة الاستغفار، والتزام الصمت وكظم الغيظ، وقيام الليل يزيل العصبية، وترك ما لا يعنيني، ترديد أعوذ بالله من الشيطان الرجيم وقت الغضب والوضوء، وقول لا حول ولا قوة إلا بالله، وغسل الوجه وتغيير المكان، تغيير وضعية الجسم فإذا كان واقفا يجلس وإذا كان جالسا يقف، فسماع القرآن، وصلاة ركعتين، إحضار ورقة وقلم وكتابة المشاعر والانفعالات وقت الغضب، وضع اليد على الصدر والدعاء: اللهم اذهب غيظي، عمل تمارين التنفس، العد من الواحد للعشرة، اتخاذ قرار بالتوقف عن العصبية، تغيير نوعية الغذاء ففي بعض الأنواع تثير العصبية، الابتعاد عن كل ما يثير العصبية، الذهاب سريعا لأخذ (دوش) ماء بارد، الابتعاد عن الصديق العصبي، التوقف عن تكرار كلمة أنا عصبي، واستبدالها بأني هادئ وحليم، أن تكتب لمدة 21 يوما كلمة أنا لن أغضب وتعلق الورقة بالغرفة، الدعاء كل فجر بأن يبعد الله عنك كثرة العصبية، أن تشرب سفن آب، المعالجة بالطاقة، وقالت إحدى المشاركات: إنها عندما تغضب تأخذ المكواة وتكوي الملابس فتفرغ طاقتها، وأضافت أخرى أنه بعد وفاة أغلى إنسان في حياتها صارت لا تغضب كثيرا وشعرت بأن الدنيا لا تسوى شيئا، وقال آخر إنه أوصى شخصا بتصويره وقت الغضب فلما رأى نفسه توقف عن العصبية).

فهذه ثلاثون فكرة عملية نجح أصحابها في تجاوز مشكلة العصبية وبعض المقترحات وخاصة الصحية مثل تناول الغذاء أو شرب السفن آب تحتاج لبحث، وبعض الأفكار الواردة مقتبسة من الهدي النبوي وبعضها من علماء النفس وبعضها من ابتكار أصحابها، وقد حرصت على كتابة هذا المقال في رمضان لأن شهر رمضان فرصة لنا جميعا لتدريب أنفسنا على حسن إدارة الانفعال، فالعصبية ليست كما يظن الكثير بأنها وراثية أو لا نستطيع التخلص منها وإنما الصبر وعدم الغضب هو اختيار شخصي ولهذا اقترح النبي الكريم سلوك الصبر على المرأة المريضة فعن عطاء بن أبي رباح قال: قال لي ابن عباس: ألا أريك امرأة من أهل الجنة؟ قلت: بلى. قال: هذه المرأة السوداء أتت النبي صلى الله عليه وسلم قالت: إني أصرع وإني أتكشف فادع الله لي قال: إن شئت صبرت ولك الجنة وإن شئت دعوت الله أن يعافيك قالت: أصبر، قالت: فإني أتكشف فادع الله أن لا أتكشف فدعا لها فاختارت الصبر.

فضبط النفس والصبر يحدث بإرادة الإنسان وهو رزق من الله ولهذا حكى ابن أبي الدنيا عن شريح أنه قال: (إني لأصاب بالمصيبة فأحمد الله عليها أربع مرات وأشكره إذ لم تكن أعظم مما هي وإن رزقني الصبر عليها وإذ وفقني الاسترجاع لما أرجوه من الثواب وإذ لم يجعلها في ديني)، فالصبر رزق من الله ونستطيع أن ندعو الله تعالى أن يرزقنا الصبر كما دعا جيش طالوت عندما برزوا لجالوت وجنوده (قالوا ربنا أفرغ علينا صبرا) ثم أنه ليس كل غضب سيئا، فالغضب انفعال وقد يكون ايجابيا لو كان في الوقت الصحيح كأن يغضب الإنسان عندما تنتهك محارم الله ولكن العصبية التي نناقشها هنا هي العصبية السلبية، وهي أن يكون الإنسان عصبيا دائما في كل موقف أو ردة فعل وقد نجحت مع رجل عصبي في التخلي عن عصبيته من خلال عمل جدول يسجل فيه كم مرة يغضب باليوم ثم وضعت له هدفا أسبوعيا بأن يقلل العصبية بنسبة 20% وكانت النتيجة بأنه سيطر على انفعاله بعد شهرين وصار يتحكم بانفعالاته وكان سعيدا بهذه النتيجة

إن الإنسان يتكون من أفكار ومشاعر وسلوك، فإذا تحكم بأفكاره استطاع أن يسيطر على مشاعره وسلوكه ووقتها سيعيش سعيدا بعيدا عن العصبية.

إن شاء الله تستفيدين منها



وبالنسبه لأختج خليها على راحتها

مردهااا راح تحس وتتغير بنفسها

 

[ŦSЩД3УФИУ]

اععععععععععععععععععع

!

شفيج ي الطيبــۃ !؟

 

[sh_mashael]

وعليكم السلام ورحمة الله ​

اتنرفز على اتفه الأسباب و بالي مو طويل
عصبيه
حبوبة حاولي تتحاشين المواقف او الاشياء اللي تنرفزج مثل المناقشات او الجدال ودايما احسني الظن بالناس وطوفي ​

شايفه روحي بس ما اقصد اشوف روحي ,, امي و خواتي يقولون جذي
ساليهم شنو اللي يوحي لهم بهالشي وحاولي تغيرينه​

انا احب اتناقش و انتي قولي رايج و انا ابي اقول رايي​

بس دايما اتهاوش مع اخوي على هالسالفه​

اهو ع باله انه كل اللي يقوله صح
و مايرضى يسمع كلام احد ​

انا اقول رايي بدون عصبيه بس ردة فعل اخوي على رايي ​

تميل الى العصبيه و يبدا يسبني !​

خواتي مايتناقشون معاه ​

انا اكبر منه ب سنه​

انتي فوق تقولين انا عصبيه وبسرعه اتنرفز
والحين تقولين هو مايحيد عن رايه وبسرعه يعصب ويسب
طيب ليش تحطون نفسكم بهالموقف اذا الجدال عقيم ويسبب زعل وهواش تجنبوه لان الظاهر انتو الاثنين وايد تعصبون ​

و هم عندي مشكله مع اختي اللي اصغر مني ​

اهي مو مرتبه كلش
لا ترتب اغراضها و لااتهتم بشكلها
و هالشي ينرفزني​

راح اتقولون نصحيها راح اقول لكم نصحتها وايد
و ماشالله عليها بالها طويل
اتقول لي انزين
و النتيجه صفرررررررررررررررررررر​

حياتي صعبة تغيرين طبع الناس على كيفج انتي نصحتيها يمكن باسلوب انتقادي
حاولي تغيرين من طريقتج مثلا اذا مو مرتبة اغراضها قولي لها شرايج نغير من شكل الغرفة وتشترون كونتينرات لترتيب الاغراض وتساعدينها
واذا ما تهتم بشكلها بنفس الطريقة قولي لها تصدقين لو تلبسين هالبلوزة بتطلع جسمج احلى ولا هالبنطلون بيخليج مانيكان
يعني باسلوب مدح اكثر منه انتقاد ​

يقولون مالج شغل بأي احد بالبيت عشان ترتاحين​

انزين اشلون؟؟
دام انا عضو فعال بالبيت فـ لازم يتحملوني
حبوبة انتي تهتمين باللي حولج وهذا شي وااايد حلو بس يمكن طريقتج بالااصلاح غلط
حاولي ترققين اسلوبج
وان شاالله مع تحسن اسلوبج تتحسن علاقتج باللي حولج​

مشكوره اختي على هالكلام و ان شالله استفيد منه

بس بغيت اقول لج شغله

طبيعتي خارج نطاق بيتنا غير

رايقه وايد ,, و هاديه

و احسن الظن في الكل

بس اهي المشكله داخل بيتنا

لأنه أمون عليهم و هم اهلي

على سالفة المناقشات ,, هل يجوز ما ارد عليهم إذا كان عندي وجهة نظر مخالفه ؟؟

أصير سلبيه و مالي رايي


اخوي يعصب اذا اختلفت معاه بالرايي ,, ف ردة فعلي على طول أعصب
انا زينه معاه ,, اذا طلب مني شي او جيبيلي هالشغله او او او
بس من يكون قاعدين نتناقش و اختلف معاه بالرايي على طول يقلب للوجه الآخر
و انا ما اعرف اسكت
و ان سكت يعني ماراح اسويله و لاشي و اتحاشاه
و بعدين يبدا يساحلني

و ترد نفس السوالف


و اختي
و الله لدرجة اقول لها بطلي كبتج خليني ارتبه معاج و انشوف الملابس
و القدم خلنا نقطهم
عاد اهي ماترضى

و اذا كانت عندنا زواره او حفله إحنا نبدا من الظهر اللي اتسوي شعرها و اللي تطلع لبسها
بس اهي دايما تأخرنا و تطلع بالأخير مبهذله

صاجه يمكن اسلوبي انتقادي اكثر
مع العلم انا اقبل من خواتي انهم ينتقدوني لأنهم يبولي الزين

 

[sh_mashael]

^^

اتفق معاها ..

واذا على اختج .. مردها بتتسنع خليها

متى؟؟


ترا راح احرمها من الميراث ههههههه

سنعه بكل شي الا بـنفسها

 

[sh_mashael]

مع ام الدرر صج كلامها درر واحب ازيد على كلام ام الدرر من واقع تجربتي الشخصيه واللي طبقته وساعدني على التغيير
اولشي لايزعلج ولايظايقج وضعج
مشكلتج اغلبنا عانينا منها
بس مو اغلبنا حسينا بعيوبنا والمشاكل اللي نعاني منها ولا اغلبنا نوينا نتغير ونحسن من انفسنا ونعالج هالعيوب
هاذي اهم خطوه ولازم تركزين عليها مع اصرار بالتغيير بدون احباط وبدون يأس
في بنات من اول محاوله او من ثاني محاوله تغسل ايدها وتقول خلاص ماكو فايده
لأ اكو فايده بس يبيهلها صبر وبالتدريج راح توصلين لهدفج ..
اولشي حبيبتي لازم تعرفين ان انفعالج يضر بصحتج قبل اي شي ثاني
سواء كان صداع او قولون او اعصاب ..
تدرين اني كنت مثلج بالظبط ما اتحاجى على طول اعصب واتنرفز وازعل اللي جدامي وهالشي كان يتعبني نفسيا
ونويت مثل ما انتي نويتي اني اتغير
لان فعلا نفسيتي تعبت وثاني شي جسمي
حاشني قولون حاد تعبني وبهذلني بسبة انفعالاتي ونرفزتي
من اهني نويت ابدي اتغير
اولشي تحتاجين خلوه بينج وبين نفسج
ونقاهه روحيه تقدرين تستجمعين فيها افكارج وتركزين على النقطه اللي راح تبدين منها
لما تعيشين بالخلوه راح تحسين بقيمة الهدوء والصفاء الذهني اللي راح تحسين فيها والنتيجه لهالشي راح تحسين ان النرفزه شي سلبي وراح يظايقج قبل لاتبدين فيها عكس وضعج الحين تبدين بالنرفزه وبعدين تتحسفين .. اذا عشتي الهدوء راح تنفرين من النرفزه قبل لاتطيحين فيها ..
ثاني شي كثري قرآئه خصوصا الحكم
اقري من الحكم وحاولي تطبقينها بحياتج وتفهمينها يعني لاتقرين وتحفظين لا اقري وفهمي وتعمقي باللي تقرينه ..
ثالث شي لاتكثرين النقاش خلي كلامج مختصر وبنفس الوقت حكيم و عطي الكلام من الاخر بدون شرح ونقاش ومتى ماحسيتي ان الكلام بدا يحتد وبدا يصير في نقاش وقفي ولاتكملين
..
رايع شي كثري من القرآن لانه في راحه وطاقات ايجابيه على النفس بشكل ماتتصورينه وينزل على قلبج السكينه والهدوء وراحة البال ..
وارد اكرر اهم شي اصرارج على التغيير وعدم الاحباط واليأس من اول محاولات .. استمري

و الله حتى انتي كلامج خوش كلام و ان شالله استفيد منه ماقصرتي اختي


انزين هالخلوه اللي اتقولين عنها اشلون اسويها اخاف احس بالوحده,, انزين عادي اطول فيها ؟؟

بقولج شي انا قراقه و ما اعيش بدون لا اسولف مع الأهل

 

[sh_mashael]

البدايه الصحيحه لتقويم العيوب في نفس الانسان ​

اهي انه يعرفها .. وانتي بديتي صح بحثتي عن عيوبج وحطيتي ايدج عليها​

وكل شي مع الايام والتجارب يبين ومن نفسج احيانآ تلاقين حلول​

وصدقيني ماكو حل يتطبق تلاقين نتيجته دايركت​

اول شي حاولي تغيرين ردة فعلج للاشياء اللي تضايقج وتحسين ان بالج ضيج تجاهها​

يعني فكري عقب راح تكون النتيجه عكسيه عليج وتضايقج ..​

يعني مع اخوج حاولي تاخذينه بالزينه وقنعيه بهداوه .. واغلب الشباب ترى ينعمون وقت الحوار​

وحتى لو رايه خطأ يعاند .. يعني سوي اللي عليج ولاتعبين نفسج ​

نادر اشوف ناس تقتنع براي اللي جدامها حتى لو كان صح تعاند وتكابر​

ونادر اشوف ناس ماتعصب وقت الحوار لي احتدم .. يعني انتي سوي اللي عليج​

ولاتحرقين اعصابج .. حاولي بأوقات الهدوء تبينين وجهة نظرج ..​

انا كنت عصبيه وبالي ضيج مع الايام حيل تغيرت وعرفت شلون اتحكم بانفعالاتي وارتحت اكثر​

وبالنسبه لأختج على حسب عمرها واييلها يوم اتعدل .. اذا كنتي يائسه منها كلش اخذيها بالهداوه​

وفهميها ان اللي قعد تسويه مو حلو لها .. وان شالله تتغيرين للأفضل يارب​

شفتي كل اللي كتبتيه

هاذا انا اتبعه مع كل الناس

إلا مع امي و ابوي و اخواني و خواتي

عين العقل و تسلمين اختي

و بحاول اطبق هالكلام في بيتنا

ادعيلي

 

[sh_mashael]

اععععععععععععععععععع

واضح انج استفدتي

اللهم لا شماته

 

[sh_mashael]

بالنسبه للعصبيه


اقتبست لج مقالة الدكتور جاسم المطوع ::






إن شاء الله تستفيدين منها



وبالنسبه لأختج خليها على راحتها

مردهااا راح تحس وتتغير بنفسها

تسلمين اختي تعبتج معاي

يزاج الله خير

 

[black rose BH]

عيوبج نفس عيوبي بالضبط !!
من جذي بقرا ردود البنات جان يفيدونا

ههه

 

[الوناسة]

كتبي عيوبج بورقة

وبعدين دوري الحلول

مثلا إذا ما كان عندج ثقة بنفسج بحثي عن طريقة تعزيز الثقة بالنفس بالإنترنت
ونفس الطريقة حق كل شي
ويكون عندج يقين إنج ابتغيرين

وبعد شهر شوفي نفس الورقة وشوفي التطور إلي صار ونفس السالفة وكل شهر قيمي نفسج

 

[ملآمح . . !]

سبحان الله انتي مثلي !
انا حيل اتنرفز و اي شي ممكن ينرفزني ، و عصبيه حييييل
حتى ساعات اقط كلام و انــدم عليه ، و أظــل أحاسب نفســي
و اللي يشوفني اول مره يقول متكبره لكن الموضوع و ما
فيه اني اذا شفت بنات ما أعرفهم ما اروح و اسولف ســيدهـ
لان طبعي استحي ، و كل اقول بقلبي أخاف اني اثقّل عليهم


اما سالفه دار اختي ، كنت أنصحها بس لا حياه لمن تنادي !!
هي بعد مو مرتبه و انا طفارتي الحوسه ، لدرجه اني قمت
اصور حوستها و اراويها امي و امي تبدا بالمحاضــرات


امي تقولي ان تفكيري صح و عقلي يوزن بلد < قولوا ماشاءالله
بس تقولي مشكلتج انج ما تعرفين تنصحين مثل الناس ، على اي
شي تتنرفزين و تعصبين وتقطين حجي يرفع الضغط


انا اهم شي ودي اغيره بشخصيتي العصبيه والنرفزه و اقط حجي
مثل السم بدون ما احس !






سوري استحليت موضوعج

 

[روانتي 12]

سلام عليكم

تبين صراحه لا تدققين على كل الامور .. خليج بالوسط ..
اذا جوج و شكو لج عطيهم رايج اما انج تعطينهم رايج وهم ماسألوج مو حلوه بحقج .

 

[عسل حدي]

رب لا تذرني فردا وانت خير الوارثين