السلام عليكم ورحمة الله وبركـاته
أولا: أسأل الله العظيم بإن يختم الله شهركم بالمسرات وغفران الزلات وقبول الدعوات
وكل عام وانتم بالأف خير
وعيـــدكم مبــاركـ
ثانيا : خواتي انا سجلت علشان اطرح مشكلتي ولعل وعسى الاقي عندكم من بعد الله تعالى شفائي ..
انا بنت ولله الحمدالله أمتلك قدر من الجمال والحمدالله حمدا كثيرا على ما أنعم به علي من نعم..
مشكلتي أني احس صايبتني عيـــــن والمشكله كل ما يقرأعلي شيخ يقول انتي فيج عين وغير هذا يا خواتي
انا في شي داخلي احس انه مو بس في عين احس فيني نفــــــس موقفه نصيبي بكل شي ؟؟
سبحان الله واللهم لا اعتراض بس كل ما أبدأ بمشروع يديد بحياتي بالبدايه اكون سعيده وكل شي ماشي تمام
بس سبحان الله بالنهايه يتفركش كل شي
يعني اي ان كان المشروع سواء زواج دراسه مستقبل سبحان الله العلي العظيم مايتم ماادري شنو السبب ؟؟
البنات اللي بعمري كلهم كملوا دراستهم تبارك الرحمن الا أنــــا ماادري شفيني مرتين تكون الفرصه بيدي واكون واثقه منها بس سبحان الله يتوقف نصيبي منها
يعني ما أدري شقولولكم صراحه والعبره خانقتني أبي أبني حياتي المهنيه مو قادره مالي نصيب ياربي شسوي
هذا غير حتى أقرب البشر أحسهم ينظروا لي بنظره الفاشله أنا الحمدالله مو ناقصني لاذكاء ولا استعياب
ولله الحمدالله ادخل الامتحان وأجاوب بكل ثقه بس أنصدم من النتيجه في ناس أقل من بكل شي وسبحان الله تبارك الله أهم كملوا حياتهم الدراسيه الا انا ؟؟
ثالثا: بكل خطبه ييون ناس يخطبوني بعضهم ما أوافق عليهم والبعض لا وافقت عليهم بس سبحان الله مايتم النصيب
وللعلم لما أوافق يكون بيني وبين نفسي حتى أهلي مايعرفون بردي على الموضوع لاني التزم الصمت بهالمواقف
انا عادي مو مؤثر علي موضوع الزواج لاني الحمدالله بعدي صغيره والكل يتمناني بس مو بكثر موضوع الدراسه وشكثر شاغلني ومتعبني ؟؟
بنات طلبتكم اللي عنده معرفه بأمور النفـــس والعيــن وشلون تعالجت منه تبلغني يعني اقصد من رقيه التزمتي عليها وتشافيتي منها
لان شيوخ الدين قرووا علي وعطوني سدر اتسبح فيه لمده 7 ايام وزيت مقري وماي مقري بس احس ماكو نتيجه شافيه بهالموضوع ؟؟
ما أدري ما أدري شسوي بعمري نصحوني قولولي شسوي علشان أتعالج من النفـــس والعيــــن ؟؟
وأخيـــــــــــرا :
أبي منكم دعــــــــــوه بظهر الغيب أنه الله يشافيني وييســـــــر أموري
اللهم ييســـــــــر أموري اللهم ييســـــــر أموري اللهم ييســـــــر أموري يارب ياكريم ..
التعديل الأخير:
