عيش مع فلوس حديد عند خدامتي !!! محتاااره

[shai6ona19]

السلام عليكم بنات

اليوم لقيت عند خدامتي شوية عيش مع فلوس حديد ( عمله معدنيه ) مربوطين مع بعض وخاشتهم

صراحه انا خفت

مادري شنووو هذا

طبعآ ماقلت لها خفت لا تنحاش او تخاف

ومن اليوم افكر شنووو هذا ؟؟؟!!!!!

حدي خايفه

بنات اللي تعرف شنو هذا او مر عليها بليز تطمني !!!!

وشكرآ:eh_s(2):

 

[رزه وكشيخه]

شلون مربوطين ؟ على شكل حجاب أو تميمه يعني ؟؟

وليش تخافين امسكيها وقولي لها هذا شنو ؟ واذا في اي شي غيب لا تعطينها ؟

واسإلي أي شيخ يعرف بأمور فك السحر

 

[زوجة حياتي]

ديري بالج منها وراقبيها حتى تتاكدي من نواياها

 

[shai6ona19]

المشكله انه الخدامه حييييل زينه
ومو مبين عليها شي

 

[ReD&FoSHia]

سالي شيخ اكيد يعرفون

 

[دايم على البال]

الله يهديج وبس
اذا مربوطين جنهم س ح ر ولا شكلهم يخرع هذي تخافين منها لو شغلها زين سفريها لا تسوي لج شي ولا تسوي لريلج شي
الله يكفيج شرها

شنو جنسيتها ممكن نعرف ..

 

[shai6ona19]

مشكورين بنات

جنسيتها نيباليه

 

[شقاوتي غير]

عيش وفلووس !!

غريبه الاحسن تتصلين على شيخ وتسألينه

 

[شموع الكويت]

السلام عليكم بنات

اليوم لقيت عند خدامتي شوية عيش مع فلوس حديد ( عمله معدنيه ) مربوطين مع بعض وخاشتهم

صراحه انا خفت

مادري شنووو هذا

طبعآ ماقلت لها خفت لا تنحاش او تخاف

ومن اليوم افكر شنووو هذا ؟؟؟!!!!!

حدي خايفه

بنات اللي تعرف شنو هذا او مر عليها بليز تطمني !!!!

وشكرآ:eh_s(2):

مرحبا


اول شي لاتلعبين فيه ماتدرين شنو نيتها


ولاتبين لها شي عطيه لزوجج يوديه لشيخ دين يفهم بالسحر



ولاتثقين واجد بالخدم نيبالية رفيجتي مافي احسن منها وتمدح فيها


وسبحان الله طاحت عليها عندها كيس فيه شعر وطلع *** لها

ودته لشيخ فتحه وسفرتها

 

[M!SS.LOBY]

دربالج منها خلي ريال يتدخل بالموضوع والخادمة لا تحس بشئ

 

[فازلين اخضر]

العيش عندهم معتقد
انه يحميهم من الاذا والشر
بس الفلوس مادريً

 

[زهور المحبة]

هذا *** كانت عند اهلي اندونيسيه اتسوي جذي
اخذيه ووديه لابو مصعب او احد ثقه وسفريها بملابسها

 

[Ranoon]

الحين شنو مافهمت *** او شنو ليش ما تتكلمون ؟؟؟

وليش تكتبون **** !!!!!!!!!!!!!!!!!!!!!!!!!!!!!1

وين لقيتيهم بأغراضها او خاشته بالبيت ؟؟

 

[كويتيه شماليه]

العيش بعني الرزق
والفلوس المشاكل

فهل هي ببالها تحمي نفسها بجلب الرزق لها والبعد عن المشاكل
ام تقطع رزقكم وتجلب عليكم المشاكل

الله اعلم وكل شي جايز لاتثقين فيها حتى لو تشوفينها زينه الله يعينا على هالخدم شر لابد منه

 

[الحسن كله]

السحر موجود ومذكور بالقران بس مو معناة هذا انج تقطعين رزقها عشان شك ..حرام بنات قطع الاعناق ولا قطع الارزاق يمكن يكون مجرد معتقدات وخرافات عندهم وكل واحد وثقافته مو كل شي نقول سحروسحر ونقطع ارزاقهم ..سالي شيخ افضل .. وانا لو مكانج اسالها عادي يمكن يكون شي عادي وتقولج شنو نيتها ..والله يحميكم يارب

 

[منال $]

الافضل عشان لانظلمها تسالي احد بيفهم بهالامور