عيش التموين

[mrs.shah]

السلام عليكم
بنات منو تعرف شلون تطبخ عيش التموين ويطلع نثري ومو مكسر
انا ما اعرف اظبطه بالمره ياليت تساعدوني بطريقته للمجبوس والمشحول
ومشكورين بنات
​

 

[@شمس الضحى@]

غسليه عدل بس موتفركينه بيدج ويتكسر وبعدين نقعيه بماي حااار لمدة ساعه ويطلع نثري وحبته طويله بس مايشرب ماي واجد قللي ماي الطبخ هذي طريقتي

 

[أحلى همبه كويتية]

طريقتي
اغسله واحركه بالملاس عشان ما يتكسر وانقعه نصف ساعه بماي دافي مو حار واحط معاه شوية ملح خشن​

ولما اسويه حق المجبوس ما أحط ماي وايد وازيد الزيت شوي
يطلع ايهبل ​

احلى عيش بالكويت​

 

[M!SS.LOBY]

بالعاااااااااافية

 

[$قطوه$]

هلا حبيبتي

اول شيء غسليه بماي دافي وبعدين نقعيه بماي دافيء على الاقل نص ساعه

وطريقه طبخه سهله تطلع لج الحبه طويله ونثري


حطيه في ماي الجدر بس لا تكثرين لان انتي من اول منقعته ومتشرب ماي وبعدين خليه على نار عاليه وخليه يطبخ خمس دقايق جذي وبعدها قصري النار على نار هاديه عشان يتشرب البخار ولا تحركينه بالملاس ابد لان راح يتكسر ويخترب وبس

بالعافيه

 

[فرفورة2]

حبيبتي من خبرتي غسليه بماي دافي بدون ماتلمسينه ثلاث اربع غسلات وينظف وبعدين نقعيه بماي دافي ربع ساعة كافي مو اكثر بعدين يتكسر بالطبخ ومايتحمل وضيفي الزيت اثناء مايطبخ العيش انا اضيف من زيت قلاي الدجاج يطلع صج مجبوس خنين وناطع على قوله امي فديتها

وهني وعااافية

 

[mrs.shah]

السلام عليكم
مشكورين خواتي عالردود ما قصرتوا
انا مشكلتي احركه وايد يمكن هذا السبب انه يتكسر
وما اعرف اضبط كمية الماي مرات احس اني ازيده يصير العيش رخو
​

 

[@أم يوســـف@]

للرفع

 

[M!SS.LOBY]

هني وعافية