عيشي حياتي صح

[~~AlOotus~~]

بسم الله الرحمن الرحيم

السلام عليكم ورحمة الله وبركاته
:stars:


بنات حبيت اقولكم عن كتابين قريتهم ويهبلون والله يابنات انج بتغيرين حياتج من الصفر

اول كتاب اسمه

اهوال القبور
واحوال اهلها الى النشوز
تاليف
الامام الحافظ ابي الفرج عبدالرحمن بن احمد بن رجب الحنبلي

لاتخترعون بس الكتاب حلو ومفيد وصغير بيوم واحد تخلصينه
محتوى الكتاب عن االانسان اول مايموت والسؤال في القبر
وعلى شنو يتحاسب
وانواع العذاب
وكيف انج تعيشين حياتج بطاعته علشان الله ينور قبرج

والله يابنات يقيد حيل في معلومات تقرينها ماتعرفينها وتنصدمين لان احنا وايد مانفكر بالعذاب نفكر بالدنيا وشنو نسوى فكروا بالاخره وخلوا اعمالكم لوجه الله

والكتاب الثاني

اسمه
ماذا يحب الله وماذا يبغض؟؟
تاليف
عدنان الطرشه

الكتاب مقسوم نصين مثل ماهو بالعنوان
قسم للاشياء اللي يبغضها ربنا
وقسم للي يحبها

تدرون شنو هالاشياء؟؟

الكتاب من اول الى اخره كل عن صفات وطبع االانسان
مثال
الكذب.... صفه مذمومه وايد ناس ماخذينها ضحك وغشمره وبنات ترا حتى النكت نوع من انواع الكذب والكذب من الاشياء اللي يبغضها ربنا..وكلنا نعرف الكذب حلال في حالة الصلح
ثاني مثال صفة المنان.... وهو اللي يسوي شي او يعطي احد شي ويقول انا سويت وعطيت ويتمنن ويطلب ينرد له الشي
وهذي صفه يبغض ربنا

ومثال
الحياء والستر.... من الصفات اللي يحبها ربنا وايد بنات بهالزمن رايحة منهم هالصفتين وعندهم الجرأة هي حياتهم.. الله يهديهم
الشكر...شكر الله على النعم اللي يعطينا اياها واللي موجوده فينا في وايد تشكر الله على اشياء معينه بس لكن الشكر لازم يكون بكل شي

عطيتكم امثله بسيطه لكن الكتاب بحر من الصفات
وطبعا كل صفه مكتوبه فيه شرح لها شنو جزاءها وعقابها عند رب العالمين

تقولين شلون يفيد هالكتاب
راح تستفيدين انج راح تلقين فيج صفات موجوده طبعا اذا من الاشياء اللي يبغضها ربنا لازم تغيرينها
واذ امن الاشياء اللي يحبها ربنا هني تشكرين ربج وتدعين ان الله يثبتج..

الكتب موجوده بمكتبة جرير والمكتبات الاسلاميه

وشكرا لكم
:eh_s(17):​

 

[~~AlOotus~~]

رد : عيشي حياتي صح

بنات اسفه العنوان المفروض يكون

عيشي حياتج صح

ماقدرت اعدله
:ssssso:
​

 

[اسيرة زوجها]

مشكوره وجزاج الله الف خير

 

[عاشقهH]

جزاك الله خير وجعله في ميزان حسناتج..

 

[الغــلآ]

ربي يجزآج آلف خير ^-^

 

[~~AlOotus~~]

رد : عيشي حياتي صح

اسيرم زوجها
الغلا
عاشقه

ان شاء ربي يجعله في ميزان اعمالي واعمالكم الصالحة
ونورتوا صفحة بوجودكم

وشكرا لكم