عيد ميلاد ريلي قرّب .. شرايكم بهالهدية تهقون تصلح ؟؟؟

[بعدك طيب !]

مساكم الله بالخير يا حلوين

ماعليكم امر مساعدة بسيطة فديتكم انا ..

انا ريلي من النوع اللي يحب التكنولوجيا حيل وكل شي يديد ينزل يشتريه سواء تلفون ولا كمبيوتر ولا هالسوالف

اهو الحين منشغل تفكيره بسيارته الجديدة هاليومين بيشتري سيارة جديدة وعشان جذي ما عنده وقت لأمور التكنولوجيا

وعيد ميلاده ان شاء الله بيكون 23/8/ وقلت بما انه وقته هالجم يوم مو وقت تكنولوجيا فكرت لو اني اجيب له آي باد تو الابيض اهو بس مرة كان يكلم اخوه بالتلفون وسمعته يقول تبيع علي اي بادك وانا انتهزت الفرصه وقلت بجيبه له هدية عيد ميلاده وخاطري بعد بساعه شافها مرة بمحل ساعات واعجبته وقال برجع اشتريها

سؤالي بعد هالفلم الهندي الطويل

الآي باد يصلح كـ / هدية ؟؟

واللي تعرف الحين بجم سعر الآي باد تو الأبيض 16 قيقا / 32 قيقا تقولي الله يجزاها خير .... !

عشان احسب حسابي منيه ليوم عيد ميلاده

انا بإنتظاركم تكفون :eh_s(7):

 

[aloooya]

اي وايد حلوة

 

[عميمة]

اي تصلح

وادا عندج عنوان في امريكا اطلبيه من موقع ابل وتقدرين تكتبيه عليه اسمه وتختارين الكفر اي لون
تكون الفكره احلى

 

[فوز22]

ممممممم

 

[أنا الأنوثه]

حلوو الفكره ويصلح هديه

 

[قلبي ماركه]

ما ادري أعتقد 2600 درهم

 

[الأهداب السوداء]

الله روعه الأيباد كهدية انا اشتريته لولدي قبل ثلاثة اسابيع بالفين وثمان مية من جرير بدون الكفر

 

[كويتية نايس]

اب اب اب اب

 

[عسل مرت قيمر]

اي حلو انا شريته هدية حق ريلي بعيد ميلاده وصح طلبيه من امريكا يحفرون لج عليه اسمه ويكتبون اي عباره تبينها عليه


حييل حلو يطلع

 

[om MaRyooM]

اي خوش هدية وبيستانس عليها

 

[شيهانة مطييير]

حلوووووووووووو كهدية بلعكس راح يستانس لان هالشغله يحبها

 

[أحبج يمه]

حلوو كهدية

 

[انا لحبيبي .]

اكيد حلوه هالهديه ، خصوصا ميول زوجك تكنولوجيا

 

[داعيه إلى الله]

الله يتمم عليكم يارب
غاليتي تعلمين إن عيد الميلاد بدعه وكل بدعه ضلاله وكل ضلاله بالنار
احببت أن اشارك في هذهِ النقطه فقط لتذكير .
استودعكم الرحمن

 

[*الشيـــهـانـة*]

اشتريله بوقت غير وقت يوم ميلاده لانه حبيبتي مايجوز وقبل اسبوع شيخ دين على قناة الكويت يقول حتى لما نقول كل عام وانت بخير بيوم الميلاد ماايجووز, اشتريله باي وقت يعجبج
وبالتوفيق

 

[جوري 2007]

حلوة الفكرة بس ماله داعي الساعه خليها بمناسبة ثانيه الاي باد يكفي

 

[فلنتينو]

اي حلووو

 

[بعدك طيب !]

مشكورين حبيباتي وما قصرتو وعجيبه فكرة احط عليه اسمه

جزاكم الله خير خواتي

 

[Tom ♥ Jerry]

،


حلووو ماشالله
اي بآد و ساعه بعد شيبي


الله يتمم عليكم و يخليكم حق بعض .،
تتهنون .،

 

[MISS_PURPL]

مدام يحب التكنولوجيا اخذيله اي باد 2 ،، انا كنت قبل شهر بدبي وخذيتلي واحد وريلي هم خذاله بعد
انا مالي 16 قيقا وطلع علي مع الكفر تقريبا 220 دينار ،، وريلي 64 قيقا طلع عليه 300تقريبا ,, ماني ذاكره ، بس تر بالكويت اغلى من برا يعني 32 يطلع عليج بالكويت 300 وشي ال 3g