عيد ميلاد بنتي

[^ دانة الزين^]

السلام عليكم


انا انشاءالله ناويه اسوي عيد ميلاد بنتي بيصير عمرها 8 سنين الله يحفظها حبيبتي بس هالمره صراحه بسويه بالبيت ملينا من ماكدونالدز و ربعه كله نفس الشي

فكرت أحط لها نقازيه بالحوش و بالونات هيليوم وشعر بنات ونفيش وطبعا الكيكه و العشا

شرايكم شنو أحط بعد؟

وبلييييييييز اللي تعرف أرقام تأجير نقازيات والبالونات و شعر البنات لا تبخل علي :eh_s(9):

 

[انا لها شمس]

حبيبتي كل عام واهيا بخير
بس مادري احسها كبرت عالنقازيات
يعني ٨ سنين ماشالله ماراح تلعب بنقازيات
انا اقترح
تسوين بطاقات دعوه حلوه لرفيجاتها والبنات اللي بعمرها
تسوين النافوره اللي من كاكاو وانتي تسوين لهم هالسوالف بالبيت
واذا حابه تحجزين البوب كورن وشعر البنات حجزيه عادي
وتشترين اللايتات الفسفوريه اللي تشب بالظلمه وتخلينها حفله مناسبه لاعمارهم
وهالسوالف كلها موجوده بالانستقرام
وانًشالله تحتفلين فيها دكتوره يارب

 

[عاشقة الككاو]

66207294

ساميل فيس


وكل عام والامورة بالف خير

 

[طيبة83]

شوفي دام ام 8 سنين يبي وحده تسوي مسابقات لليهال

ووحده تسوي حنة او تاتو ملون

وخلي الحفله على شخصية او ثيم معين يناسب سنها او تحبه

اذا تبين صور قوليلي الالوان او الشخصيات اللي تحبها

ولا تنسين الهدايا او التوزيعات اللي بتزوعينهم على اليهال اخر الحفله

بس ديريبالج تشترين شي غالي

اخذيلهم اشياء بسيطه من طيور الجنه او رامز او سنتر بوينت او جيان بحد اقصى دينار واحد!! لاني يوم عيدميلاد بنتي شريت توزيعات غاليه ع اساس العدد قليل وبعدين زادوا اليهال وتكلللفت والله