عيد ملاد حبيبي

[وردة^الكويت]

السلام عليكم

شهر 11 ان شاءالله عيد ميلاد حبيب قلبي بوأحمد..

و خاطري بحركة حلوووة

السنه اللي فاتت كنت حامل بالخامس و مالي خلق

هالسنه ودي بشي حلووو

و عطووني افكارللهدية

جبت له (بوك - انعال - ايفون - لاب توب - عطر - سبيكر للكمبيوتر- هدفون)
الساعات مايحب ...

صحيح الوقت طوييل بس ابي افكار عشان يمديني الحق

 

[خالف تعرف]

حجزي فندق واخذي قميص حلو وهديه تليق فمقام بو احمد

 

[هموووم]

يوم ميلاد مو عيد

 

[t o o t]

شفت مره موضوع حق وحده اعتقد سعوديه او قطريه حلوو

بس قديم

اخذي له طقم فوط وروب حماام

وحطيهم بكرتون هداايا ((علبـه)) حوااف الصندوق من داخل ورد جوري << مادري شلون اشرح لج ؟

ولا تغلفين الكرتون؟

سكريه بغطاته وحطي عليهم شرايط لونهم احمر مع كرت

وحطي العلبه بنص السرير وحطي شموع اللي بالقلاصات لونهم ابيض على السرير

وخلي الفراش لونه ابيض

ونثري بتلات ورد جوري احمر

واشتري بالوناات اللي يطيرون بالهوى على شكل قلوب وحطيهم فوق السرير طبعا لهم خيوط عرفتي؟

واممممممممممممم بعد << تعصر مخهاا ؟ :080402ask_prv:


خلي الغرفه هاديه كل شي ابيض ومرتب

بس حتى علبة الهديه ابيض بس الورد والشرايط والبالونات احمر

وجيبي طاولة صغيره عليهاا شرشف ابيض وحطي كيكة على قلب صغيره حق نفرين

طبعاً لا تكثرين اكل ع الطاولة لانه ذيك الساعه محد يبي ياكل لوووول


اي والملابس لبسي قميص ناعم نظام نفنوف استرج << مادري شلون تشرح خخخ

وسوي شعرج استريت يحبونه جذي

ولبسي احجول وكعب

واعلمج عن الكريماات والشور جل لووول

شوفي يختي

تسبحي وتفركي بأي خلطه صابونيه بعدين سنفره بعدين صابونة كركم

بعدين عاد الشور جل مالج

واذا طلعتي ادهني جسسمج كله بزبدة الجسسم ورشي لين تقولين بسس بدي سبري

وانصحج بالبدي سبري مال التااجره شهـودة اسسمه عطر الاثارة بالفيرمون الوردي الفراوله

يهبــــــــــــــــــــــل رشي كل مكان :eh_s(22):


لوووووووول قلتي ابي هديه وانا سويتلج ليلة كامله :krkrkr:


بنات اللي عجبتها فكرتي بس تدعي لي بظهر الغيب دعوة حلوة ولها بالمثل :*

 

[iLLuMinaTion]

الف مبروك

حبيبتي شوفي الهدايا اللي عندي

67679571

 

[FeShinGoOo]

اخذيله قلم ماركه وميداليه يديده حق سويجه

 

[كـ غلا ــلي]

شوفي لا تكررين نفسج بالهدايا انا عندي لج حل وايد حلو الله يعافي الجزيره التذاكر اب 18 اقل ما فيها

توديج البحرين او تاخذين دبي تطلع بال 40 حق الشخص واهناك طبي وتخيري فنادقهم احلا وايد من فنادقنا

وسوي ليلتج هناك منها سافروا ومنها غيرتوا جو والوناسه لج وله وبتم ذكرى حلوه وما بتكلفج غير 100

او 150 واسمها سفره اهم شي تختارين التاريخ اللي التذاكر فيه طايحه ومو شرط تسافرين بيوم ميلاده

ممكن تعطينه بطاقه دعوى بتاريخ ميلاده وتحطين فيها تاريخ الرحله

 

[سمراء كالخمري]

ماشاءالله عليج انتي شهر 11 مناسبتكم انا باخر رمضان وصراحه فكره اسويله بالبيت
اهيا شموع وبالون احمر وعشى رومانسي والهديه على السرير مغلفه وعلى السرير ورد وهلحركات
اهم شي تونسينه بهليوم مو شرط هديه غاليه وتخبين روحج
انا خذيت له نظاره وبووك عشان السنه الياايه مااتوهق اقدر اهديه عطر شي ثاني ماهديته له هههه
بالتوفيج وسالفه السفره حلوه سويها ويمعي من الحين

 

[محتارة وبصيح]

الهدية اممم حجز يومين فندق

 

[انا لحبيبي .]

خديله بوك للمفاتيح ،

واحجزيله بمطعم

 

[جولينار]

ماقصرو الصبايا

 

[Gifts&Occaions]

سويله ليلة رومانسية او حجزيله بالفندق

 

[لمى...]

طقم بدلة كشخة

 

[اميره1980]

اذا تقدرين سافري سفرة سريعة لدبي او لجز المالديف على حسب ميزانيتج حبيبتي
او اذا تقدرين تحجزين شاليه هني بالكويت مدة يومين او 3 ايام تستانسون
و اذا تبين هدية حجزي حقه ليلة سبا و شوفي الاماكن الحلوة اللي يسوون فيها للرياييل انا ما عندي فكرة
او عطيه اشتراك بنادي رياضي مثلا
تقدرين بعد تشترين حقه طقم عطور شتوية لان عيد ميلاده بيكون تقريبا بالشتا داش علينا و يحتاجهم