عيد زواجي

[عاشقة-الكفيل]

اللهـم صل على محمد وآل محمــد



السلام عليكم شلونكم بنات ..؟؟

بنات بعد جم يوم باذن الله ذكرى زواجي
وطبعا تدرون هاليوم لازم يكون سبشل وانا مجهزه الهديه حق زوجي ..
بس مو عارفه اشلون اقدمها له ..
لان باذن الله بنكون بالعمره بهذاك اليوم ..
يقول حق البركه لان كنا ناوين نروح اول زواجنا بس الله ما قسم ..

الحين ساعدوني بنات اشلون اعطيه الهديه ؟؟
هل اسوي جو ثاني قبل او بعد مانرد من العمره ..؟؟
انا ودي اسوي جو والبس واكشخ بس ماينفع ويا اجواء العمره والعباده ..

 

[الـوايـلـيـة]

عطيه الهديه
بس أجلي الكشخة والحركات والسوالف بعد ما ترجعووون أحسن
وتتهنووون ان شاء الله

 

[عاشقة-الكفيل]

رد : عيد زواجي

مشكوره الوايليه عمري
يعني ينفع بعدين اسوي جو عقب ماتخلص المناسبه ..؟؟
احس حلاتها بنفس اليوم محتاره

 

[كوستا]

عادي قومي قبل لا يقوم من النوم ولبسي وكشخي .. بس خليج كيوت ماله داعي الاوفر يعني

وبعدين قوميه من النوم بدلع وبوس والذي منه وقوليله كل عام وانته حبيبي

( وتقدرين اتييبين له الريوق بالسرير بعد بيتانس و يحس انه ملك )

عقب عطيه شوية رومنسيات ومقدمات والذي منه .. وبعدها فجأة .. وخري عنه بدلع ودلال

خليه يستخف شفيج .؟ .. اهو يبي يكمل ..

انتي عاد بكل دلال طلعي الهدية من مكان قريب كنتي خاشتها فيه

وتمخطري جدامة بغنج ودلال

وقوليله بعيون كلها رومنسية .. ابيك تشوف هديتك بالاول يا روحي

بيقولج انتي هديتي وماله داعي ويا حياتي والذي منه

ووووو الله يتمم عليج يا عمري

 

[الـوايـلـيـة]

لا عادي أنا جذي
كنا بالعمره
وعطيته هديته...
ولما ردينا انا كنت معطيه مفتاح شقتي لاختي
وضبطتلي كل شي
وم وصلنا بدينا الاحتفال... لان الواحد رايح عمره ومو كل يوم يحصلنا نروح نبي نستغل الوقت عباده واستغفااار

 

[حربيه وبس]

رد : عيد زواجي

حبيبتي انا اعتقد انج ماتجيبين طاري انج بتسوين له جو بعيد زواجكم
لين تردون من العمره انشالله
بعدها سوي اللي تبينه عشان تكون مفاجاه له

يعني لو تعطينه الهديه بس راح تروح حلاوة احتفالج بعيد زواجكم
راح تصير السالفه بارده خلاص

نطري لين تردين وبعدها سوي احلى جو وخليه ينصدم
وموفقه حبيبتي

 

[3sho0o8a]

رد : عيد زواجي

مشكوره الوايليه عمري
يعني ينفع بعدين اسوي جو عقب ماتخلص المناسبه ..؟؟
احس حلاتها بنفس اليوم محتاره[/quote
بالعكس وراه احلاااااا وموشرط:33_1185028183: يوم زواجكم يكون بنفس اليوم

 

[:: Diva ::]

لما ترجعون ان شالله
لان العمره فيها مجهود و تعب
الله يتقبل منكم صالح الاعمال يارب
و ترجعين بالسلامه

 

[رووووفان]

رد : عيد زواجي

شوفي حبيبتي أنا أشوف عادي تلبسين وتكشخين وعطيه الهديه هناك موبنية عيد زواجج بس راح يكون لها قيمه أكثر وبيستانس
حبيبتي أنا كذى مرة أروح عمرة عقب مانعتمر ثاني يوم عشان تعب عقب صلاة العشاء لما نصلي بالحرم ونفتر شوي بالسوق أقوله تعبت ودني الفندق وروح جيب عشا والله أرد واستشور شعري والبس قميص وتمكيج وأفوله البانيو ماي وأتسره شموع أكون ماخذتهم معاي من الكويت ولما يجي يشوفني يستانس ونريح وع الساعه وحدة ونص ننزل نصلي القيام وأنتي موقاعده تسوين شيء حرام والهديه حطيها بالصوب اللي ينام فيه تحت الكفر لما يرفعه بشوفها وبينصطدم
سورري طولت عليج لأن توه عيد زواجي كان تاريخ 23 وكنت بدبي وسويت تقريبا نفس جذي قتلج قصة حياااتي

 

[عاشقة-الكفيل]

رد : عيد زواجي

جزاكم الله خير بنات ساعدتوني مشكورين وعطيتوني افكار حلوه