عيد الام قرب

[beealh]

عيد الام قرب شنو بتشترون هدايا حق امهاتكم ؟؟ خنبوق افكاركم:eh_s(22):

 

[غآب نورك ~]

ماخبر عندنا عيد اسمه عيد الام

 

[beealh]

غآب نورك ~ يا حبج حق التفلسف اشعليج ليش اللقافه ..!
احد طلب رايج و قالج حللي وحرمي عندج كلمه سنعه قوليها ما عندج وفري كلامج لنفسج :")

 

[Ro7_alwfa]

مهما هديتي احد هديه مافي أحلى من هديه الوقت
فأفضل حجز في شاليه أو عزيمه في مطعم راقي
أو حتى ترتيب عشا في البيت الحين ما شاء الله
واجد أفكار وترتيبات نشوفها في الآنستغرام يرتبونها لج

والهديه شوفي ستايل امج شتحب ولا تحتاين الحين كل
سنه ينزلون ستايلات جديده مجوهرات

والله يخلي لنا أمهاتنا صج إحنا ما نعترف في ها لعيد بس فرحه الأم تسوي الدنيا وما فيها
والقصد تغيير الروتين لا أكثر

 

[ام هيا العلي]

متى بيكون التاريخ..علشان اشتري هديه للوالده فديتها ولام زوجي والله يستاهلون

والله ماعندي افكااار مثلج

 

[wajan]

احلى هدية تحجزيلها رحلة للعمرة عمرها ما راح تنساها ومنها فيها خير للكل ربي يحفظ كل ام

 

[لذه السكر]

لووول امي ويدتي ناطرينه من الحين وحددو شنو يبون خخخخخخ

امس يدتي تقولي مابي جناط لاحد ايبلي ولا عطور ولا بخور

بوديلها قطع خام صيفيه وخاتم ذهب

وامي بنعطيها فلوووس

وخالتي للحين مادري بس على ولدها اهو يشتري

 

[الشهد كله]

شكلي بحجز لها عمرة

إجازة الإسراء والمعراج يايه بالطريج

26/05/2014 ​

 

[Pinky -cat]

والله صح حلوة افكاركم انا اتوقع الوقت احسن شي ، مشكلةا مي لمن اعطيها فلوس ما تصرف فالافضل ايب لها شي
تلبسه تستفيد منه احسن

 

[dodo-lebnan]

انا عن نفسي رح يكون التاريخ يوم الجمعة وهاليوم جمعة اهل ريلي ونطلع فيه باربيكيو او غدا برة ورح انتهز الرصة واسوي مفاجاة واييب كيكة وورد واعطي حماتي فلوس وامي فلوس ونستانس باليمعة ونونسهم .. مع العلم كليوم عندي عيد ام مو شرط هاليوم بس رح اونسهم فيه اكثر باذن الله

 

[رشا الهواء]

محتاره يابنات عطونا أكثر وأكثرررر
قاعده افكر ابشتري للوالده خاتم ذهب >>>> مسباح اصلي للاستغفار <<<<

 

[Dalal.E]

يمكن احجزلها Spa

مادري ششتريلها محتاااااااااااره

 

[فوفو22]

فكره السفر وحجز الشاليه حلوه

عجبتني

فوفو

 

[ام اغلى الناس]

في بالي افكار واجد ومحتاره
باقولكم عشان تختارون اللي يعجبكم
الدله الكهربائيه بانستجرام ب35د
ساعه استيكر ب30د
المطبقيات اللي عليها الاسم
ديباج سرير كشخه
فوط استقبال كشخه
تقدرون تجيبون شي ناقصها للبيت مثلا مكنسه كهربائيه او ثلاجه او فريزر او تلفزيون او فيديو
الهدايا اللي جبتها لهم قبل؛
خام
ساعه
صندوق عطور
فواحه كهربائيه
مايكروويف

 

[صبرا جميل 2012]

نبي بعد افكار


لان انا اقدم لهاهديتين وحده مني وحده من ولدي

وحق يدتي نفس الشي يعني اربع هدايا


عشان جذي لبي بعد افكار اكثر



يعطيكم العافيه

 

[حرم صاحب السمو]

حنا بنححز لها شاليه ليلتين بتكووون كلها مفاجاات ان شالله تعجبها

استبعدنا الهداياا القيمه لانه كل شي اهديناها حنا اكثر من 6 بنات
اهديناها خام وطقم ذهب وبخور وعطور وواحات احس كل شي اهديها نبي ننوع

افكر نتقاطط نجيب لها طبااخه بس المشكله ابويي بيوافق على طبا لخدامه خصوصا خواني مايحبون اكل الخدم او الخدم تطبخ لهم

 

[حرم صاحب السمو]

نبي افكاااار بعد

 

[~ بنت الهدى ~]

كل مره شناط و سااعات و ذهب و هالهدايا المعرووفه


بس هالمره بشتري لها ديباج من زمان في نفسهااا :* و باقة ورد و بارتي في بيتنااا و شكرا

 

[المحاميه ن]

اهدي لها اغنية فائزة احمد
ست الحبايب