عيدميلاد بنتى

[meen_ana]

بنات حبيت اسئلكم بسوي عيدميلاد حقي بنتى ودي اسويه بالبيت

وراح يكون بينها وبين ولد اخوي

ودي اييب شركه تزين البيت سئلت بارتي لاند قالو لي الحفله كامله راح تكلفج 350 بدون الكيك والوجبات


وسئلت بارتي هاوس عندهم وايد عروض حلووة بس حبيت اسئل منو مجربهم

يعني عندهم 11 نموذج حف الحفله انا اختار النموذج المناسب
ييون البيت قبل الحفله بساعتين يرتبوون المكان ويزينونه
ييون 2 منظمات حفله
مسابقات
جوائز 25جائزة
موسيقى خاصه للحفله
كيكه على النموذج
وجبات الاطفال ومشاريب من بيرجر كنج
تلوين وجوه
زينه الحفله
وهديه للطفل

شرايكم بالعرش يسوي كل هذا اذا باخذ حق 50 طفل يطلع علي 180دينار

 

[صمت مشاعر]

الله يخليها لس ان شاء الله ويطول بعمرها
كل عام واهي بخير وعقبال المليون سنه
<< عاد عزميني انا اول وحده ترد ههههههههههههههههههه

اممممممممممممم امممممممممممممممم اتوقع زين السعر

 

[๓ίşś зśŏłả..!]

رد : عيدميلاد بنتى

حبيبتي انا اشوفه انه زين
بدال ما اتيبين الجوائز بروح والزينه بروح والتلوين والموسيقى والوجبات كل هذا بروح
اتوقيع بيطلع اكثر من 180

وكل عام وفطومه بألف خير مقدما

 

[meen_ana]

تسلموون ياحيااتي يعني برايكم اتوكل على الله واحجزهم انزين محد مجربهم شلونهم بالحفله يسوون ولالا


ودي اختار الكراكتير التنكري شرايكم وشنو البس بنتى بهذا الكراكتر وحياكم الله


وان شاء الله اذا انجحت الحفله بحط لكم الصور

تراني وايد مستعيله عيدميلاد بنتى تاريخ 1-12

بس لازم استعد عدل

 

[๓ίşś зśŏłả..!]

رد : عيدميلاد بنتى

وي حبيبتي الايام تمر بسرعه
اذا عن التنكر ليش ما تسوين لبنتج لبسين
اول لبس تستقبل الناس فيه
وثاني لبس لما بتقطع كيكتها
يعني مثلا
مثل هاللبس وايد حلو

بس مع تغيير الالوان دخلي الوان تلفت النظر يعني الاضفر ولاخضر والوردي
وكبري اجنحه الفراشه بتكون وايد احلى
ولا تلبسينها لبس فيه قبعه او قناع من هالحجي بتتضايق واسم الله عليه بنوتج صغيره وايد وتأذى

 

[meen_ana]

والله بشووف لها لبس حلوو وزين يمكن اشتري لها جناح الفراشه الانه بسم الله عليها اخاف ماتخلي شي

وان شاء الله تستانس ماتتعسر علينا

 

[so salt so sweet]

رد : عيدميلاد بنتى

جربي اطلبين التزيين من معشووقة السفر عندها بالونات 97491213 وانتي طلبي لهم عشى من برجركنج وجهزي لهم هدايا مايكلفج 180 دك

 

[دلع الكون]

ترى وايد زين

انا عيد ميلاد بنتي يبت بس اللي يسووون مسابقه مع هدايا 50 هديه ورسم للوجوه

وشخصيه ب 70 دينار وانا يايبه الكيكه ب 22 والوجبات طالبه 37 وجبه وغير البالونات والزينه وهالتناتيف

والله مكلف على وايد

 

[كـ غلا ــلي]

رد : عيدميلاد بنتى

اذا تبين سالفه اوفر وارخص تسوين عيد الميلاد برجر كنج نفسه ال 25 شخص اب 100 مع هادايا اليهال والكيكه


خبري هالحجي قبل 7 سنين مسولفه لنا عمتي مسويه لبنتها والمعازيم فقط اطفال من عمر بنتها

 

[كويتيه ذربه]

انا من رايي حلو السعر
واااايد واذا عندكم حوش ولا حديقه ييبوا نطاطيه

حلو بعد حجزي اللي يسوون شاورما حق الامهات او صاج وفطاير

لبسيها شي مريح اذا صغيره
بدله حلوه اذا ماركه وبس حق الكيكه لبسيها شخصيه ولا نفنوف حفله
لان اذا صغيره بتمل وتحن اذا تضايقت من لبسها

والله يخليها لج يااااااااااااارب وتحتفلون بعرسها ياااااااااااااااااااااااارب

 

[ZajiL]

كل عام واهي بخير والعمر كله

 

[eman84]

كل عام واهيا بالف خير

اتوقع السعر زين دام مع وجبات الاطفال بس هم انتي قعديلهم قعده و شوفي شلون البالونات وجم عددهم ؟

المداخل من ضمن السعر ؟ والا مافي ؟

طقم الشوك و الملاعق و الصحون الورقية و غيرها ؟

يعني قبل لا توقعين معاهم اخذي كل التفاصيل لانهم شطار بسالفه ماتشمل وماتشمل

 

[meen_ana]

رد: رد : عيدميلاد بنتى

جربي اطلبين التزيين من معشووقة السفر عندها بالونات 97491213 وانتي طلبي لهم عشى من برجركنج وجهزي لهم هدايا مايكلفج 180 دك

مشكورة ياحيااتي باخذ رقم معشووقه السفر وجم اسعارها ولا عليج امر

 

[meen_ana]

كل عام واهيا بالف خير

اتوقع السعر زين دام مع وجبات الاطفال بس هم انتي قعديلهم قعده و شوفي شلون البالونات وجم عددهم ؟

المداخل من ضمن السعر ؟ والا مافي ؟

طقم الشوك و الملاعق و الصحون الورقية و غيرها ؟

يعني قبل لا توقعين معاهم اخذي كل التفاصيل لانهم شطار بسالفه ماتشمل وماتشمل

تسلمين ياحيااتي ومشكورة على النصيحه




انا فكرت الكبار اشتري لهم فطاير مشكله وصحن كبير ورق عنب
والبيبي للي يكون حجم صغير


بس لي الحين جاري البحث شنو راح البس فاتي ودي شي حلوو وبنفس الوقت مريح ماتتضايق منه

 

[eman84]

هههه ياحلاتي وانا اكتب لج الملاعق يعني كلش مو قفااش توني انتبه

او ليش ما تييبين باربيكيو يسوونه لج في البيت حق الكبار

هذا سايتهم وفي صور ورقم تلفونهم بالذات اذا عندكم حوش او حديقه راهيه (للامانه انا ماجربته بس مبين ان نظيف وحلو)

http://somecontrast.com/2010/06/bbq-home/

 

[{}{}{ سكرة }{}{}]

يحليلهاااااااااااااا فطامي

تقول شدي حيلج وعزمينا هههههههههههههههههه


والله انا اشوووووووف وايد زين السعر


والشخصيات من الشناكل يبيهم دورا وبارني اشهر شخصيتين

 

[meen_ana]

حياج الله ياحيااتي
اكيد تنورين اهو الشخصيات من ضمن العرض بس راح اكنسلهم الانه عندنا يهال يخافوون ومالي خلق يبجون وتنعفس السالفه


وان شاء الله يطلع عيدميلاد زين

 

[meen_ana]

هههه ياحلاتي وانا اكتب لج الملاعق يعني كلش مو قفااش توني انتبه

او ليش ما تييبين باربيكيو يسوونه لج في البيت حق الكبار

هذا سايتهم وفي صور ورقم تلفونهم بالذات اذا عندكم حوش او حديقه راهيه (للامانه انا ماجربته بس مبين ان نظيف وحلو)

http://somecontrast.com/2010/06/bbq-home/

حسافه ماعندنا حوش ولا جان يبت وناسه بس يالله مو مشكله اييب فطاير وورق عنب وسوالف مثل جذيه

 

[janoona]

والله خوش سعر عطيني رقهم بليز عالخاص

انا عيدميلاد بنتي الشهر الياي وماسويت لها شي ليلحين

 

[eman12]

الله يحفظها يارب صديقة بنتى
والله العرض حلو ويسوى