عيالي ماكو شخصيه تكفون الحل عاااجل

[ريح قهوه]

السلام عليكم

بدش بالموضوع

بنات انا عيالي تعبوني مع اني حيل اتعب بتربيتهم تخيلو اذا نزلنا تحت وجو عيال حماتي عيال حماتي يطقون عيالي وحماتي ماتقول شي عشان عيالها يطقون ماتبي تكسر شوكتهم واذا عيالي طقو عيالهم حماتي وامها اللي هي جدت عيالي انجنو اف تعبت وفوق هذا عيالها علي قلبب واحد واحد يفزع لثاني ويموتون بختهم اصغر منهم ويخافون عليها مع ان اعماهم 7 و6 ويدافعون عن اختهم عيالي فاطسين يطقون بنتي ماتفزع لها اختها اقول ليش تقول اخاف يطقوني وعيال حماتي يحبون التحرش يحرشون علي عيالي طول الوقت لو يركب ولدي فوق الدريشه ركضو لامهم وخالتهم وجدتهم قالو ركب فلان علي الدريشه لو ينكت ماي ركضو علمو لو يطيح قرطاس ركضو علمو لدرجة قامو يتبلونهم يعتب الخدامه اكسرة قلاص اركضو قالو بنتي وهذولاك يصدقون ويقعدون يهاووشون عيالي واذا هاوشو عيالي هم استانسو انغثيت ولاعت جبدي وزوجي مايساعد حاولت اقعد عند اهلي جم يوم اريح منهم بس ماكة اابو طبيع مسكت عيالي هاوشتهم اللي يطقكم طقوه اللي يطق خوانكم طقوه بس ماكو بحكم انهم ينزلون ومحد يدافع عنهم اذا انا موموجوده لاتقولون لاينزلون الا معاج لا انا ابيهم اقويا بدوني ابي اقوي شخصيتهم

 

[أم حسوون]

عليكم السلام ، اللي تسكن مع الحمولة توسع صدرها شوي ، لأن هذا حال الجهال في كل مكان خناق وبعد شوي يلعبون مع بعض ما جنه بينهم شي ، وأنت اذا تدخلت بيقولون عوبة وعقلها صغير ، وحاولي عيالج ما ينزلون طول الوقت لأن ما حد يتحمل الصغار ، الا اذا فيه حديقة أو سرداب يلعبون فيه ، وطوفي كثر ما تقدرين ، وسالفة عيالج مو على قلب واحد يمكن توهم صغار .

 

[Miss Basma ..}]

حبيبتي ، عيال حمولتج أقويا لأن حمولتج قاعد تساندهم و تبرر أغلاطهم ، لو مو هذا جان ما استقوا أصلا ، و طبعا زوجج ما يبي يساعدج ، ما عندج غير تبعدين عيالج عنهم ، خليهم يقعدون عندج أحسن ، بعد شتسوين :/ ، هم أطفال لا تتوقعين يردون على عيال حمولتج و تجي جدتهم و عمتهم تزفهم ، طبيعي بيخافون ، بس هذا ماله شغل بأن ما عندهم شخصية

 

[ريح قهوه]

امً حسون
مس بسمه

الله يوسع صدوركم وسعتو صدري والله ماقصرتو

وينكم بنات محتاجه بعد ارشادات ونصايح

 

[بحور العنا]

حبيبتي هذيلااا جهال لاتغرسين فيهم الكره والحقد من الحين حرااام
خليهم هم يدافعون عن انفسهم انتي لاتدافعين عنهم وبعدين توهم صغار صح انج من داخل تنقهرين بس لاتبينين لا لعيالج ولا لحمولتج علشان ماياخذ ن عنج فكره
بس صدقيني مصيرهم بكره يتعلمون وبعدين ترا مو في مصلحتهم انج تعلمينهم على الطق والقوه والكره من الحين صدقيني برد لهم عكسيه فـ خليهم على فطرتهم هم من كيفهم بتعلمون
وموفقه خيييير حبوبه

 

[بحور العنا]

حبيبتي هذيلااا جهال لاتغرسين فيهم الكره والحقد من الحين حرااام
خليهم هم يدافعون عن انفسهم انتي لاتدافعين عنهم وبعدين توهم صغار صح انج من داخل تنقهرين بس لاتبينين لا لعيالج ولا لحمولتج علشان ماياخذ ن عنج فكره
بس صدقيني مصيرهم بكره يتعلمون وبعدين ترا مو في مصلحتهم انج تعلمينهم على الطق والقوه والكره من الحين صدقيني برد لهم عكسيه فـ خليهم على فطرتهم هم من كيفهم بتعلمون
وموفقه خيييير حبوبه

 

[بحور العنا]

ماراح نخلص من تعليق هالمنتدى بالردووود كويتيييييات بليييييييز شوفولكم حل مايصير كل رد مايطلع

 

[ريح قهوه]

ردووو بليز

 

[نجمه السيد]

كأنك تتكلمي عن ولدي بالضبط تحت عند أهله اذا نزل ولد عمه يطقه طق ولدي رومانسي يحب يبوس ويحصن وهذاك يطقه ولدي مايجوز عن التبوس وإذا أمه موجودها ماتت تلح تقول عيب لاعاجبنه الوضع وزوجها نفس الشيء وعمته بعد ولدها اكبر من ولدي وشري ويضرب ودي أمسكهما ويضرب هم أني في بيت أمسك عيال خواتي وقول له اضربهم او اني إها وشهم بس بيت عيالي مشكله والله مدري شسوي تخيلو أمس نزلت تحت عند أهله ماجا عندي الا خده مشمخ قلت مافي الا ولد حميي شاق الارض وطالع

 

[اهذريبك~]

حبيبتي خلي زوجج يتدخل ويحط حد للموضوع طبعا من غير مشاكل وانتي فهمية انهم اطفال و هالفترة اصعب فترة
وخصوصا اذا الحق معاهم انتي كلش لاتتدخلين

و اكييد عيالج يخافون لان مو متعودين خليهم يلعبون مع بعض نفس المصارعه عشان اذا بغى احد يطقه يعرف يدافع عن نفسه ويكون كاسر حاجز الخوف اللي فيه

 

[Omhamood]

عندي وعندج خير ،،،،،

اعيالي كلش ماكووو شخصيه لدرجه اني ما افكر ادخلهم مدرسه اخاف عليهم

حاولي ادخلينهم نادي كراتيه خلهم يتقون وتقوى شخصيتهم ،،،،

ودي ادخل ولدي بس صغير وبنيته ضعيفه ماقبلوووه ،،،،

حاًولي بعيالج والله كريم ،،،،

 

[ملامح بريئة]

اقول هذي المشاكل عند كل الناس بس النوعيات هذي اللي تفزع لاعيالها ولاكانهم اعيال ولدهم طنشيهم بيطفرونك والجهال ابتعدي عنهم ينجازون مع اني من تجربه صارت هالمواقف معاي بس اشتري لاعيالي البلاي ستيشن ومااخلي عليهم قاصر عشان يحتاجون بعض واكسبي اعيالهم شتسوين لان الاطفال مايدرون شسالفة راح تتعبين نفسيا والله كنت اعصب قبل وانهاوش عشان جهال والحين تندمت حسيت ان هالامور سخيفة والجهال بينسون وطاف والمدرسة ماراح يضيعون استودعيهم الله ومالهم شر خليهم هم يكونون شخصيتهم والله كل اللي تقولين مريت فيه لا وانا زوجي صاحب البيت بس تالي قمت انعزل وكيفهم الجهال هم ينزلون بروحهم مو انا معاهم يتهاوشون قولي روحو لابوكم طوفي وبيكبرون انشالله ويصيرون ربع

 

[sharshora80]

امبيه رفيجتي تطلقت والسبه عيال حماتها المطلقه كانو نجره مع اعيالها وبالضبط بالضبط نفس حالتج اليهال يطقون واﻻم والجده يدافعون والريل ﻻهو اللي يكلم اهله عن الموضوع وﻻ هو راضي يستقل باروحه في بيت عاد طقت جبدها وعانت 8 سنوات لحد ماتطلقت وشرت راحت بالها والريل عقله صغير ضحه بسعادت مرته واعياله علشان العناد

 

[ملامح بريئة]

امبيه رفيجتي تطلقت والسبه عيال حماتها المطلقه كانو نجره مع اعيالها وبالضبط بالضبط نفس حالتج اليهال يطقون واﻻم والجده يدافعون والريل ﻻهو اللي يكلم اهله عن الموضوع وﻻ هو راضي يستقل باروحه في بيت عاد طقت جبدها وعانت 8 سنوات لحد ماتطلقت وشرت راحت بالها والريل عقله صغير ضحه بسعادت مرته واعياله علشان العناد

لهالدرجة العقول الصغيرة والله لمايكبرون الجهال ككل شي يتغير اذا متطلقة عشان اعيال حماتها المتطلقة ممكن تروح لاهلها واذا عندها مرت اخو بتتاذي او هي بتاذيها