عيالي طولهم تحت الطبيعي اي دكتور اوديهم ؟؟

[ام الحلويين]

السلام عليكم

عندي اثنين من عيالي طولهم تحت الطبيعي بالذات الثاني

احسه يميل للقزم مو قصر يعني والاول هم نفس الشي لاوزن ولاطول

مع اني طويله وابوهم زين وودي اراجع فيهم قبل لايبلغون

واحد عمره 12 والثاني 11 واللي بسنهم بالمدرسه

القصار اطول منهم ومن كثر مايعايرونهم بالمدرسه

احسهم بيتعقدون وماابي اسكت عليهم

....ف شنو الدكتور اللي تنصحوني فيه

واللي عندها تجارب مع عيالها او احد تعرفه تفيديني الله يعافيكم

 

[بنات حواء2]

و الله حبيبتي انشاله بسألج و بردلج خبر بس اكيد المسأله لها علاقه بالهرمونات على حسب معرفتي اذا عالجوهم راح يصير نموهم طبيعي و انشاله مافي إلا كل خير بس مفروض كنتي تبلشين فيهم من زمان يعني لازم هلمساله تنحل قبل البلوغ و انشاله تلقين الدكتور المناسب في حل مشكلتج

 

[ام الحلويين]

مشكوره ياقلبي ...انا من زمان بعالجهم بس ابوهم الله يسامحه كل مااقوله

يقول مافيهم شي توهم صغار لابلغوا بيتغيرون ..وكبروا وماتغير شي

ومااابي اخليهم عقب اتحسف اني ماراجعت فيهم من اول

وانا محتاره اي دكتوره اروح لاني مااعرف بسالفة الطول والهرمونات

انطر افادتج حبوبه وباقي البنات اللي عنده فكره لايبخل علينا

 

[ii DareeN ii]

عندي صديقه اختي عالجت هرمونات بالصباح وبعد عالجت على كبر وطالت سبعه سانتي ياريت الوقت يرجع واروح اطول روحي اهم يسون لهم تحاليل ويعطونهم العلاج الي يناسبهم روحي المستوصف يسويلج تحويل

 

[BaiTotia]

والله ماأعرف

بس إن شاالله تلقين العلاج المناسب

بس ماأتوقع كل عيالج هرمونات.. مو بس ياهل واحد على كلامج

قبل لا تعالجين شي خصوصا الهرمونات تأكدي عدل يمكن وراثة في أحد منكم قصير

و أكيد مع البلوغ بيطولون إن شاالله لا تحاتين

 

[Japanese]

مافي علاج لي انا بعد عمري 19 بس سنفووووووووور

 

[*دبدوووبه*]

دبدوووبه ياقلبي دشي هالرابط واذا عندج فكره فيديني يادكتورتنا

http://q8yat.net/showthread.php?t=103434

هلا والله حبيبتي
قريت الموضوع

هالامر متعلق في دكتور عظام وهرمونات
ولازم تشوفون شجرة العايله
من ناحية الام والاب
وتشوفون بنية عظامكم بالعايله
لان ممكن يكون وراثي

في دكتور نعرفه بمستشفى ابن سينا للاطفال
خليني اسأله وارد لج الجواب

بس جيكي على هرموناتهم وبنيان عظامهم
وترى الامر يرجع ليوم الولادة
ان لم ولديتهم شلون صحتهم جم وزنهم
بس ان شاءالله اردلج بالجواب ومايصير خاطرج الا طيب

 

[ام الحلويين]

دارين مشكوره ع الافاده حبوبه بس ودي بخااص مالي خلق عبالة المراجعات الصبح

بيتوتيه ياقلبي انتي والله احاتيهم صج في قصار بعايلتنا بس عيالهم اطول من عيالي

يعني اقصرر من القصاار شكليااا يعني ابي شكلهم طبيعي مو لازم طوال وبسوي تحاليل واشوف شيصير حيااج حبوبه



جابانيززززززز 19؟؟؟؟؟؟؟؟ راجعي الطبيب يمكن في امل تطولين ليش لااا
ومني لج 7 سانتي هديه والله ماابيهم بوزعهم عليج وعلى عيالي خخخخخخخ



دبدوبه ياقلبي انتي رديت هناك على ردج ماتقصرين يالغلاا وانطر جوووابج حبوبه

 

[b6o6a]

انشاءالله مع البلوغ يطولون

لانه الطول يتوقف عند عمر 18

اهما للحين صغار

 

[ii DareeN ii]

تبين خاص روحي حق د عبدالناصر العثمان وايد زين

 

[Miss ksh5h]

رد : عيالي طولهم تحت الطبيعي اي دكتور اوديهم ؟؟

موضوع قديم جان زين صاحبته تقولنا اشصار على عيالها

يهمني الموضوع لو احد يعرف شي يساعدنا


واب لعيووووونج