عيالنـــــــا أمانــــه.....ما هــم مهــــــــانه!!!!!!!

[سبائك]

السلام عليكم


يااااااااااااااااااااوزارة التربيه ترى عيالنا أمانه ماهم مهانه


ياجماعة الخير آنا من حر مافيني كتبت لكم هالموضوع

نبي نسوي حملة

نبي نوصل صوتنا للقاصي والداني

ياجماعة الخير كلكم عارفين عيالنا نقطهم يوميا بهالمدارس 7 ساعات امانه بهالمدرسه

ويمرون بمواقف وقصص وبلاوي مع ربعهم والصبيان أو البنات الي وياهم


وفوق هذا كله بعض المدرسات أو المدرسين(بصراحه الابلات الوافدات بشكل خاااااااااااص بنات الديره ماقط شكو منهم عيالي) حاطين عيالنا الظاهر تنفيس حق ضغوطاتهم واعصابهم!!!


يعني اليوم بس قريت قصتين بالمنتدى وليات امر محترين على بناتهم وآنا ثالثتهم محترة على ولدي من معاملة أبلته

شنو يعني الأبله تهين الولد جدام الصبيان وتاخذ مقلمته وتقطها عالأرض وتنثر أغراضه على كبر الصف وتصارخ عليه بس لانه حط المقلمه بينه وبين رفيجه وقت الامتحان!!!!!يعني زين بالله عليها هالأبله ولدي باجر يكره الماده من ورا اعصابها
ويوم صار اجتماع اولياء الامور رحت سألت الأبلات عن ولدي قلت يمكن اهو حركي وياذيهم وينرفزهم ولاوحده فيهم اشتكت وقالت انه شيطان!!!!!!




وطبعا ماخفي أعظم هذا الكلام الي قاله لي ولدي أثناء التدريس ومايندرى بعد شقاعد يصير بهالصفوف من اهانات وصراخ وتقليل شأن وانا متاكده اغلبية وليات الامر كل وحده عندها سالفه صارت حق ولدها او بنتها مع الأبلات


الهدف من هالموضوع يابنات بطلع الي بقلبي بحاول اوصل صوتي وماعندي الا هالمنتدى احاول ابتدي فيه.........


ياناس عيالنا امانه عندكم حافظو عليهم

لاهم منفس لكم علشان تطلعون مشاكلكم على شكل صراخ عليهم

ولاهم طوف مايحسون بتقليل الشأن الي تمارسونه عليهم


ترى آنا مو نوعي اشيش عيالي على أبلاتهم بس كل شي له حد

وايد ايوني عيالي يتشكون من الابلات واقولهم زين يسوون فيكم انتو صبيان اكيد متشيطنين ومأذين الأبلات

بس اتفاجأ أن حتى أمهات البنات يشتكون وبناتهم شايفين الهوايل( زف وتدقر وطراقات وتمجع شعر) لييييييييييييييييش كل هذا شالسبب!!!!!


شاركوني بنات بهالموضوع شرايكم؟؟

 

[زيـنـه]

سبوج .. صاجه الله يحفظ العيال من هالنوعيه من المدرسين او المدرسات .

و الاهل المفروض ما يسكتون عن حق عيالهم .. يشتكون لو وين توصل الشكوى .. لان من امن العقوبه اساء الادب .. لو في شي يردع هالنوعيه من المعلمين و المعلمات جان ما فكروا يسوون جذي .
و لو كانت معاملتهم مع عيالهم بهالطريقه فالمفروض ما يفرضونها على عيال خلق الله .

 

[أم عبووووود]

حسبي الله ونعم الوكيل في كل ابلة تظلم ياهل
والدنيا دين وكل قوي فوقه اللي اقوى000

الله يحفظ عيالي وعيالكم من هالاشكال المريضة والمعقدة

 

[اشراقة الحياة]

اي واللله صاجه .....

صج صرنا انقط عيالنا واحنا حطين ايدنا على قلبنا على ما يوصلون ......

والله انا انتلفت اعصابي من مدرسة العربي

كتابها ودفترها كل نجوم ومممتازه اروح اسال عنها عند ابلتها تقولي اهيا ضعيفه

اقولها اخاف مضبعه بحد ثاني تقولي لآ بنتج و سببب التافه

والله ما تصدقون .........ما ادري شنو يبون الابلات

.....بنتج خجلها وأدبها زايد...كل تستحي وما ترفع صبعها ...... والله بقيت ابجي جدامها

عفيه هل هذا عيب بنتي....؟؟؟؟؟

 

[ريماا]

انا ولدى خواف وعاقل بالمدرسة بس كنت حاسة فية يكرة حصة العربى على فكرة اهو ب kg2
ولما جرجرتة بالحجى فهمت منة انة ابلة العربى تصرخ عليهم انا مالومها 7ساعات تشوف اشكال والوان بس قالى انها تمسك بيدها لعبة على شكل ايد وتطق بيدها الثانية وكأنها تهددهم انها تطق فيها فولدى حيييل خاف وكرة الحصة
بيوم اللاجتماع كلمتها اهى موكويتية قتلها ترا ولدى ذكى وكل شى يصير بالحصة يقولى عنة فبليييز لاتخرعينة اهو الحين يكرة حصتج شنو استفدتى؟ وشنو استفدت انا منج؟ قالتى انها مضطرة تصرخ عشان الاطفال يخافون قتلها نظام المدرسة مايعتمد عالصراخ فى طريقة عقاب واهى الكروت تنعطى الطالب طول اليوم الدراسى 4الوان اخر لون الاحمر اللى اهو طرد من الفصل ويعاقبونة انهم يخلونة فى فصل بروحة مع مدرسة تشرحلة غلطة وتفهمة الصح من الغلط وينحرم من فرصة اللعب او الطلعة لسينما المدرسة
ومن يومها صارت تمشى عدل الحمدالله وتقول لولدى انا صديقتك واحبك وتعطى استكرات واتشجعة والحمدالله رد يحب حصة العربى
هذى تجربتى صراحة المدرسة هذى خافت يمكن لااشتكى واقطع رزقها الان تدرى وراها ناس يحاسبونها لكن مدارس الحكومة بعض المسؤلين مايحاسبون معلماتهم ولاجنة هالاطفال امانة لازم يتحملونها والحكومة ماتعطيهم رواتب الا لعيون هالاطفال عشان يوفرون لهم جو دارسى وبنفس الوقت يكون مرح
الله يحفظ عيالنا ويوفقهم

 

[السنعة2]

صراحه صاجين كلكم في كلامكم انا بنتي بثانية ابتدائي يوم درت ان باجر عندها حاسوب
ضاق خلقها وقالت انا اكره ابلة الحاسوب كله تصرخ علينا ولاتخلينا نسوي شئ بالحصة
بس نسكت بدون ولا كلمه!!!!!!!!!!!يعني الظاهر حتى الدرس ماينشرح والكتب عندهاولا نشوف شئ

الله يعينا ويصبر قلوبنا ويرزق عيالنا المدرسين الي يخافون الله فيهم

 

[أمانيQ8]

اللي انا وغيري وانتي ذكرنا اشويه ...عاللي قاعد يصير ..
شوفي بنتي الصغيره باولى ابتدائي تقول يمه اليوم لعبونا العاب اخيرا استانسنا بس الابله وايد اتزفنا
قلت لها اشلون ؟؟؟
قالت صديقتي اركضت وايد واتعبت واهي واقفه قامت اتنافخ من التعب جان تقول لها الأبله انتي هييييييييييييييييييييييييييي اشفيج اتنافخين اشفيج هيلقيه!!؟؟؟ قووولي هيلقيه ؟؟؟ تقول تنادي البنات بالشواذي وياجلاب ويا حمير الله يعزكم!! تصوري هذا اسلوب مربيه فاضله؟!!هذا اسلوب معلمه محترمه؟؟ ماقول الا الله يعينا بس

 

[السنعة2]

اليوم بنتي قايمه الصبح تبجي بجي ماتبي تروح المدرسة
ياربي متى تصير مدارسنا بيئه جاذبه للاطفال

 

[رفرف]

سباجة انتي صاجة بكل كلمة قلتيها ..

الصراحة اللي ما تبي تصير مدرسة مهي ملزومة انتي تتعاملين مع اوادم وارواح ونفسيات مو مع اجهزة خل تروح اي وزارة تقعد على مكتب اريح لها ترتاح وتريح هاليهال ..


انا مدرسة واشوف شوف عيني في مدرسات فعلا المدرسة المرة العودة قلييييلة أدب مع اليهال ..!!!
انا مدرسة حالي من حالها والله ودي اشتكي عليها اقول جان زين اولياء الامور يشتكون ليش يسكتووون ؟؟؟
اسلوب تعيس .. صراخ وزف وتنزر .. واحيانا سب وطق .. واهانات مالها والي ..
ماكو ابتسامة ماكو ضحكة ليش يبا بايقين حلال ابوج اليهال ؟؟

وترى انا مدرسة بنات يعني بنات حرام شنو اقصى شي بيسوونه ؟؟

وفي مدرسات يهبلون عسل حابين المهنة والبنات يعاملونهم جنهم بناتهم وهذا المطلوب ..
الياهل هاد اهله وياي المدرسة يتعلم والا ينهان ويتهزأ ؟؟ عساه ما تعلم زين بس ما ينهان !!

انا ماقولج ما ازف ولا اصرخ .. بلى والله ..
ازف واعاقب وكل شي ووالله الامهات ايون المدرسة يقولون بس بنتشكر منج شمسوية ابناتنا ؟؟ البنات يموتون عليج مع اني والله شديدة معاهم ..
حتى اللي توصيني على بنتها اقولها حالها من حال بناتي والله لا تحاتين وفعلا هذا الصج ..
في احيان تحتاج المدرسة ترفع نبرة صوتها علشان تضبط الصف ..
احيان تحتاج تشد على طالب معين علشان ينتبه او يكون كثير الحركة او مشاغب ..
مثل ما نشد على عيالنا بالبيت ونخاف على مصلحتهم نفس الشي ..
بس الموضوع مو فشة خلق ..
ولا حساب شخصي ..
ولا يوصل للإهانة !!

مثل ما اعصب عليهم واعاقبهم مرات .. هم اضحك معاهم .. والممهم .. وابوسهم .. ونتغشمر .. واعطيهم هدايا
بنفس الوقت حازمة معاهم حق مصلحتهم ..

الحين المهم ..
اللي تلاحظ سوء سلوك معلمة مع عيالها لااااا تسكت ..
طبعا بالاول تتأكدين من عيالج وربعهم انهم مو مبالغين او مكبرين السالفة او موصلينها بطريقة ثانية ..
تالي اللي بتشتكي من حقها ..
وخل تاخذ حق عيالها مو بشريعة الغاب احنا ..
هالمدرسة عيب عليها تستقوي على ياهل صغير وبدون اهله !!
اشتكو .. ومن حقكم .. والكل بيوقف معاكم ..
شفتو رد الناظرة سلبي اشتكو عند اللي اكبر بس لا تسكتون خل يتأدبون هالنوعية ..
انا احتر اكثر منكم واحتر اذا ولي امر سكت عن حق عياله اذا وصل الموضوع للطق والاهانة يعني مو عقاب عادي ..

 

[om al ghaleen]

صاجه والله

<<<<<<<<< حدي منقهره وقاعده على اعصابي منتظره يوم الاحد




سبائك اكيد مدرسه ولدج (( عثمان ))<<

 

[ReeMaN]

واااااااااي بسراحه خرعتونى من سوالفكم عن المدرسات وهالشي انشالله بعد في المدارس الخاصه والا بس بمدارس الحكومه ؟؟؟؟ اللي عيالهم بالمدارس الخاصه هم دافعين فلوس وهم ينطقون ؟؟؟ وبصراحه شي ماينسكت عنه نفس ماقالت الاخت سبائك لازم انسوي حملة اضراب اى شي المهم يوقفون هالموضه اللي قاعده اتصير بالمدارس موضه الطق بصراحه شي ماينسكت عنه :0bee2e8d89:

 

[سبائك]

ياجماعة الخير الله يرحمها (( الطفله شهد )) اكبــــــــر مثال على كلامي

والله قاعده أطالع قناة الوطن ومتقطع قلبببببببببببببببي عليها

الله يرحمها كانت ضحيه لتسلط الابله عليها

وشوفو بعد موضوع الاخت اماني اهو الي شيشني على هالسالفه.....شي يقطع القللللللللللللللللللللللب

الأبله تصرفها مع بنتي

 

[محبة الاستغفار]

صحت يمناج اللي خطت هالموضوع اللي بخاطر اكثر اولياء الامور

والله كل يوم استودع الله عيالي من اللي راح يشوفونه من هالابلات والي قاهرني لما الابله تهين الولد ارحموا من في الارض حرام عليكم هذول اطفال

ايدنا بيدج شنو الحل ؟

 

[أمانيQ8]

وااااي سبائك شفنا مساع الوطن عن الطفله شهد سكتي والله مت من البجي وعليه عليها راحت من جيس اهلها ما اقول الا الله يكون بعون امها وابوها يارب ويعوضهم بضنا يخفف عليهم حرة بنيتهم مع ان ادري هالحره مافي شي يطفيها ,,,لا حول ولاقوة الا بالله امسيجينه الأم ماعندها غير شهد يالله يارب تمسح على قلبها بالصبر

 

[ضحـاوي]

اييييييييه سبوج انا ولدي بعد ابلته الرياضيات ( وافده )

يقول : ماما ما احبها لو سألتني سؤال تفتح عيونها حييييييييييييييييييييييييييييييييييل (يقصد تخزه )

يقول ليش تخرعني وتسوي لي حركات بعيونها انا ما اعرف اجاوب شسوي

واذا سوى شطانه اخذت مقلمته او قلمه وحذفته بالارض

والله ما يسوى علينا يدرسون عيالنا ويخرعونهم

عاد انا رحت و كلمت ناظرتهم عنها ومن يومها يقول صارت تدلعني وتحبني هههههه

والله حاله يعني بعضهم لازم (( ارصت ودان )) والا ما يعرفون من نفسهم

 

[sereen]

الحل ماكو الا تخاطبون الوزراة وتلمون تواقيع اولياء الامور علشان يحطون كاميرات داخل الفصول هذا الحل عشان لا المعلمات يتبلون على الطلبه بصراحه انا اعرف وحدة تصيرلى مدرسه قاسيه تكفخ عيالها من الطق فمابالكم باعيال الغريب احد يحط عياله تحتها غير الاعصاب والطناقير اصلا ماتحب التدريس ولا اليهال فمابالكم بعيال الغير ؟؟؟؟؟؟ لا والله عيالنا اولى ونفسياتهم فوق كلشى اذا حبوا المدرسه راح يفلحون فى الدراسه بس الله يساعدهم كل يوم يروحون المدرسه جنها سجن ولا معسكر ممكن يصير له اى شى والاهالى يداومووون وقلوبهم على عيالهم جنهم تاركينهم مع الشغاله والله امانه ومحاسبين عليهم الابلات
الباص مال العيال اللى اهو الباص فيه كاميرات عشان المشاجرات اللى تصير بين الطلبه وينكتب تقرير بالطفل الشيطان واالاطراف اللى تشاجرت
واذا كبروا اشوى وراحو امتوسط وثانوى فى بكل مدرسه مكتب من ضمن ادارة المدرسه حق شرطى يقعد فيه صار نجرة مشاكل مافى الا هالريال اللى يسجل المشاكل على الاقل فى حمايه عشان اللى مايحلل ولايحرم من هالابلات ينضبطون ..... االكل منضغط وله حياته ومشاكله والناس ماصارت مثل الاول الاغلبيه تبى فلوس وخلاص خلصنا مافى ضمير يراعى الله ولا يتقى فى اعماله ...... ولا انا اقول خل الوزراة اتخلى
العيال تدريس منازل وفكوووونا واللى يبى مدرسه ولا محتاج مساعدة اتصل عليها يتفقون كل اسبوع يجتمعون معها بالاسئله وهذا نظام بعد يسووونه بامريكا ..... نبى ح
حل ووقف العنف بالمدارس عيالنا يلقونها من المدرسين ولا العيال الشياطين

 

[القرآن ربيع قلبي]

منو يسمع؟

 

[اشراقة الحياة]

اي واللله منو يسمع ...................؟؟؟؟

 

[طير الحب]

وى المدارس يبيلها قلب اشكبره

والله الابلات مو مقصرين لا بالبنات ولا الصبيان

ذاك اليوم الابله قاله للبنات اللى تجيس الخزانه اكسر ايدها اشدعوه

فى اسلوب ممكن تقولهم فيها اشياء اذا ضاعت ما نقدر نفهم الدرس او اى شى مو تكسر ايدهم

اااااااااه لو تكلمتى عن المدارس ما نخلص بس منو اللى يسمع

لا وبنتى ابله العربى السوريه تقولها انا بروح الجنه وانت عكسىىىىىىى بنتى تقول ليش تقولى جذيه انا شنو سويت قهرتنى

 

[أحلى عيون]

ياربي والله شي يعور القلب انا بنتي بثانيه ابتدائي وكل ما تروح اوصيها يمه لا تصيرين مشاغبه ولا تركضين بالساحه ولا تاكلين حلاو صلب

وغير عوار الراس من المدرسات الله يستر على عيالنا ماادري وين نوديهم يعني لا الخاص ولا الحكومه

انا بنتي مره تهاوشت مع اخوها تقوله يا زباله يا زفت قلت لها شنو الكلام هذا تقولي ابلتنا العربي تقول جذي شنو تتوقعون من مدرست اجيال تقول لها جذي يعني شنو يقولون الابلات اليهال يحفظون


الله يحفظ عيالنا يارب