عيالنا وعيال الاجانب!!!

[شوكلاتة سويسرية]

السلام عليكم

اي وحدة راحت اوربا اوحتى راحت مكان وكان قدامها بالمطعم طاولة فيها عايلة اجانب مع عيالهم بتعرف اللي اقصده.
عيالهم هادين - مايصيحون ويزعجون الناس بالمطاعم والاماكن العامة - تلقينة عمره سنة وياكل لحالة ومايصيح لا وياكل باحتراف مويكبب ويحوس الدنيا - باختصار مؤدبين.
عالاقل قدام الناس
شلون يربون عيالهم ان يكونون هادين ومش مزعجين وقاعدين وساكتين كذا
اتذكر كذا موقف احب اشاركم فيهم:
* مره كنت استنى دوري بالحمام تكرمون بدزني لاند وطبعا قدامي مليون طفل انتظر وقلت بخاطري وع وش بيطلع الحين خصوصا اغلبهم من غير امهاتهم بزران , يوم دخلت الحمام تكرمون الا ونظيف والله والله ماكن احد استخدمة.
* الموقف الثاني كنا مرة ماشيين باكواريوم ولما طلعنا نهاية الاكواريوم جدار كلة حلاو اللي تاخذين كيس وتغرفين اكيد عرفتوه شكله يشهي احنا حريم وقفنا وخذينا لنا الا وحده معاها بنت عمرها يمكن سنتين ااو ثلاث بالكثير قالت لامها ماما واو ابي قالت امها كلمة وحده بس no ومشت الام والبنت وراها حتى ما التفتتت البنت لورا او وقفت مصره ولا شي مشت ورى امها
انا اتخيل لو طفل خليجي وش بيسوي بامة (لان صج منظر جدار كلة حلاو جدا مغري حتى كسرت خاطري)
شلون يربون عيالهم باختصار
اللي عندها افكار لتربيه راقيه وتشرف
او قرت كتاب وتحب تشاركنا فيه وتعطينا روابط او افكار
احب افتح باب المناقشه -جمله متعوب عليها -

شلون اخلي ولدي (اول طفل عشان كذا لي خلق :eh_s(22) شلون اخلي ولدي مايتفل مايقول كلام وصخ مايضرب الاطفال مايعاند ويصيح اذا يبي لعبه ويفشلني صياح قدام الناس
والاهم شلون اذا قدرت اربيه شلون مايخترب اذا وديتية لاهلج ولا اهل الرجل وشاف نماذج اللهم لاشماته :bbbiu:

 

[رووح ابووها]

ماحبيت اطلع بدون رد

بس ان شاءالله لي باك

 

[english muffin]

كل هذا يعتمد عالتربية
والا شكو ياهل يتفل ويقول كلام وصخ !! اكيد جايف في البيئة الي اهو فيها ان هالشي عادي فيقوم يقلد

 

[PinkLulu]

الأجانب ما عندهم خدم...يربون عيالهم بروحهم

ويعلمون عيالهم النظافة لأن ما عندهم خدم يرتبون وينظفون وراهم

وإذا طلعوا ياخذون عيالهم معاهم...فمتعودين عالطلعات

عندهم نظام واضح ومربين عيالهم عليه

 

[Combat]

اي النظام صح
ومايصارخون عليهم ومايطقونهم كلش لان المحكمه ممكن يسحبون الطفل من اهله لو انطق

 

[frfr]

تقدرين تسوين هذا كله

الامهات اهم اللي يخلون عيالهم يصيرون جذي لازم تثقفين نفسج بتربيه اليهال واحسن واحد بنظري اللي صج ساعدني

وعرفت شلون اتعامل مع اليهال اهو الدكتور ابراهيم الخليفي

بصدفه دخلت ولدي بحضانه تبع الخليفي اللي اهي حضانه افنان وكانو امسوين محاضره للدكتور الخليفي وحضرت وكان يشرح

لنا شلون نتعامل مع عيالنا ومنها تعلمت و كله اتابعه سوي سيرج باليوتيوب وتقدرين تشوفين فكره وطريقته

وحده من الشغلات اللي كان يقوولها وكنا نضحك عليه بس قال جربوها وشوفو
اذا بتمنعين ولدج من شي لميه قوليله انا احبك وانت حبيبي وادري ودك اب هشي بس انا ما راح اعطيك اياه ممنوع و لازم
تكونين حازمه حزم مع حب ومع الوقت راح يسمع الكلام بعدين تقولين لا بيفهم لا يعني لا بس هذا مو معناته انه امي ما تحبني بس قانون بيتنا يمنع

 

[Alias]

لان الام والأب ما يستخدمون اسلوب الضرب

 

[بنت الكويت &]

اهم شي تكونين حازمه بقراراتج وماتراجعين عنها
الضرب ممنوع يخرب الجاهل يخليه يعاند ويزيد بالخطا
تظهرين حبج له تحترمينه
امممم وبس اتمنئ يفيدونج البنات اكثر

 

[PuPa^^SWeeT]

احنا يخرب علينا طريقة الخدم


يعني انا اقوول لا


الخدامة من وراي تعطي بنتي وانا مادري



و عندج طريقتهم اهن لا خدم ولا شي


فاا يعرفون انج انتي تسليتهم و وناستهم

 

[شوكلاتة سويسرية]

اب كلامكم حلو خل نستفيد بعد من وجهه نظركم

 

[modern]

اعتقد البيئة المحيطة، يعني احياءهم هادية و و هم بعد بتصرفاتهم و تعاملهم مع بعض هاديين فطبيعي اذا نشأ الولد ببيئة مماثلة رح يكون هادئ و نحنا لو حاولنا جاهدين نربيه على ان يكون مثالي ما رح يصير لنحضر له البيئة المناسبة

 

[شانيل نمبر 5]

علي الام نفسها
أنا الحمد الله عندي 5 تحت بعض .......و4 خادمات
و مشاء الله اتغدا او اتعشي بره من غير خادمات .....لانه اذا أخذت الخادمات عيالي راح يعتمدون عليهم
ومع التعود راح يعرفون يتصرفون....علشان اذا سافرت يكونون متعلمين
لا تعتقدين انه السبب الخدم....اهم شي الام نفسها

 

[%F&R%]

اول شي حبيبتي علاقتج انتي وريلج لاتزم اتكون راقيه جدام اليهال واهم شي السب ممنوع
انا بالبيت جذي ممنوع السب
انا عندي ٣ بنات اسمالله عليهم الكبيره عمرها ٧ والوسطيه سنتين ونص والصغيره ١٠ شهور
عندي الكبيره الحمدلله ماتسب بس الوسطيه الحين متعلمه من الحضانه بس ماتعرف شنو معنى الكلمه واذا البيت مافيه سب اليهال من وين بيتعلمون وصدقيني كل شي يعتمد على تربيه الام
انا مااقولج بناتي ملايكت بس لله الحمد وايد احسن من غيرهم ومادبات بشهاده الكل

 

[شوكلاتة سويسرية]

الله يعطيكم العافيه
وصج استفدت منك
واذا على الخدم انا ماعندي لي الحين

 

[ام ناصر 2009]

للرررفع موضوع حلو

 

[popa]

اسباب كثيره اول شي ان مايطقون ولا يزفون بس يعاقبون
ثاني شي كل واحد ينظف مكانه
حتى غسيل الاماعين كل واحد يقسل صحنه
والاجانب ناس مثقفه تقرا وتطبق
اما الخليجيين يفحط الولد واخر شي يحصل الي يبيه فراح يعين يتبع هالاسلوب كل ما بغه الشي

 

[انسام الكويت]

الاجانب فيهم ميزه حلووووه واايد

انه الام والابو اهم اللي يعتمدون على تربية الطفل

مو بس الام لا هم الابو يغير لهم يوكلهم اثنينتهم يكملون بعض

هاذا المجتمع نفسه يقدس التربيه والتعلم الصح اما احنا عندنا

نتعمد عالخدامه اول شي واخر شي والابو ماله دوره الا ماندر

فاكيد الياهل الاجنبي يطلع مؤدب ويسمع الكلام ويساعد اهله بكل شي

لانه ورا امه وابوه يربونه*

 

[قَلبڪْ صًخرْ]

حيل عجبني المو
صوع

 

[مهره بلا خيال]

ومنكم نستفيد...


موضوع جداً ممتااااااز...

 

[-MaYa-]

عيال الاجانب غير لان امهاتهم وابهاتهم اجانب بعد
شوفسي الفرق بين الام الكويتيه والام الاجنبيه .. الكويتيه لسانها يلعلع جنها دلاله .. اما اهما الاهل هاديييييين
فالولد يتعلم من البيئه اللي هو عايش فيها ..وماظن الخدم لهم تأثير
واهما عدد عيالهم شويه يعني يكتفون بطفلين او ثلاث.. اما احنا شوفي كل وحده تييب 5 و 6 ورى بعض
وغير جذي العائله كبيره يعني شوفي جم عم وخال وخاله عنده الطفل وكل واحد طبعا عنده عيال ..يتربى معاهم الياهل ويتعلم منهم الاشياء السلبيه
وعندنا زوارة الخميس والجمعه وشوفي جم نفر فيها
وعندنا بعد 5 في واحد يعني 5 عوايل عايشين في بيت واحد :eh_s(4):..فاكيد الولد بيختلط فيهم كل يوم ويتخانق معاهم ويتعلم منهم .. الاجانب حياتهم غير ماعندهم كل هالاشياء

تبين ولدج يطلع عاجل ربيه بعيد عن هالضوضاء:eh_s(17):