عيالكم وغرفة نومكم

[أم الشيخ 2010]

السلام عليكم ورحمة الله وبركاته...

عندي موضوع وبشوف أرائكم فيه..

أتوقع أغلبنا ساكن بشقة أما مع حمولة أو منفصلة ..وتعرفون الشقة صغيرة فيادووووب تكفي حده حده..

طيب..

سؤالي متى تبدين تعزلين بنتج/ ولدج عن غرفة نومكم .. وشلون نظامج اذا ماعندج مكان زايد..

ووقت ( الشيسمونه) عادي يصير هالشيء وبغرفتكم عيالكم أقل من 3 سنتين... ماأدري احس حتى اللي أقل من 3 سنين يستوعبون لو قاموا وشافوا (مصيبة)

 

[ام شووووق]

رد : عيالكم وغرفة نومكم

لازم من عمر 3 شهور

 

[zaina alotibi]

رد : عيالكم وغرفة نومكم

الأفظل انه من عمر السنة ماينام نهائيًا بغرفة نوم الزوجين مو بس عشان مايشوف شي عشان بعد تكون لكم استقلاليتكم وتاخذون راحتكم بدون ما تزعجونه ويقعد ويخرب الدنيا ويقطع حبل الأفكار

 

[أم الشيخ 2010]

رد : عيالكم وغرفة نومكم

لازم من عمر 3 شهور

أتوقع صعبة..

البيبي بهالعمر يبيله مجابل وعناية وراقبة..

 

[أم الشيخ 2010]

رد : عيالكم وغرفة نومكم

الأفظل انه من عمر السنة ماينام نهائيًا بغرفة نوم الزوجين مو بس عشان مايشوف شي عشان بعد تكون لكم استقلاليتكم وتاخذون راحتكم بدون ما تزعجونه ويقعد ويخرب الدنيا ويقطع حبل الأفكار

ما أدري أحس بعد سنة عمر صيغر يتخلى بروحه:bbbiu:

 

[أم الشيخ 2010]

رد : عيالكم وغرفة نومكم

طيب بنات شرايكم ألعيال عادي يكونون معانا بالغرفة إلى عمر أقل من 3 سنين

ويتم تخصيص غرفة(مثلا غرفة جلسة) بشرط تكون مقفلة وقت الرغبة؟

 

[a7la MUM]

رد : عيالكم وغرفة نومكم

انا ولدي عمره 10 اشهر ومايصير الشيسمونه الا واهو سابع نومه ومافكر اخليه بغرفه بروحه الا بعمر 3 او اكثر مومضايقني ولا شي

 

[ديانا سبنسر]

اب اب

 

[زوجة عزيز]

للاسف ماعندي خبره لان ماعندي اعيال بس اعتقد من 3 سنوات اصغار بعدهم

 

[فنكيه]

عيالي من اول مايمشون انومهم بغرفهم اول اسبوع يبجون بس اطنش لمن اهمه تعودو

 

[كنديه]

انا بنتى من 6 اشهر واهى بروحه اريح مانزعجها ولا تزعجنا بغرفتها احسن لها

 

[أم الشيخ 2010]

رد : عيالكم وغرفة نومكم

والله حرام تخلونهم بغرفة بروحهم واهم أقل من سنة

 

[الأميرة جوري]

رد : عيالكم وغرفة نومكم

انا بروحي بس عيالي من سنه خلاص براااااا ..بس لازم اطل عليهم تالي الليل .......ومرات واحد من عيالي يخاف ..وينام عندي بس لي نام خذيته وديته صعب نسوي شيء واهو موجود ...

 

[tmtmt]

عمرها سنتين اسم الله عليها
ولي الحينها عندي

ان شاءالله هالايام بعودها تنام بدارها
معنى صعب علي وعليها

بس احسلها واحسلي

 

[KOKO_284I]

رد : عيالكم وغرفة نومكم

من عمر السنهاوو سنه نص

ولا يجوز شرعا ان يشوفكم الياهل ابدا لا من ناحيه الدين ولا العلم لان عقل الولد الحين صفحه بيضه واي تشوفه عينه يتسيف طول عمره

ويصير عنده نمو جنسي مبكر وهالشي غلط

اذا ما في غرفه ثانيه بنفس الغرفه بس غطي سريره كله عشان لمه يقوم يمديكم اتغطون . وما يشوف شي وطبعا بدون صوت

 

[لهفة المشتاقه]

اب
اب
اب
ان شالله يفيدونا البنات

 

[G!RLooNa]

لا من صجكم تنطرون لما 3 سنين !!

تعالوا شلعوهم من الغرفه بعدين

مادري شنو العمر المناسب بس بالكثير سنه مو اكثر اتوقع 6 شهور زين

تحطون هذا جهاز الصوت و تفتحون الباب و اذا في ممر تبطلون ليته عشان ما يخترع الياهل لي قعد و بس سهالات اول جم يوم صعبه بعدين تتعودون

 

[AL-7Oo0b]

رد : عيالكم وغرفة نومكم

لا فديتج اذا كمل سنة حاولي تحطينه في غرفه بروحه واذا ما هان عليج اشتري البارتشن او الحاجز وحطي بينه وبين سريركم عشان تا خذون راحتكم

 

[Tutti-Frutti]

رد : عيالكم وغرفة نومكم



شنو 3 سنين من صجكم !! واايد كبير الياهل بهالعمر

انا مو متزوجه بس اعتقد لازم ينفصل الياهل بغرفه بروحه اقل من سنه

واكيد الغرفه بتكون يمج يعني مو بقلعه وادرين وتقدرين تطلين عليه بين فتره وفتره

 

[لامـــــار]

انا غرفة عيالي بيني وبينها باب واحد عرفتو ؟ فا لمن اعزهم من الشهر السادس احس فيهم حتى لو كحو

بعدين الجاهل من 6 شهور من ينام الساعه 11 بليل مايقعد الا الفجر يبي رضعته ويرد ينام حطيه بروحه وبطلي ليت خفيف