عيالج بخامس ورابع درسونهم او تخلينهم يعتمدون على نفسهم

[secret sauce]

السلام عليكم
عيالج بخامس ورابع درسونهم او تخلينهم يعتمدون على نفسهم
لاني ودي اخليهم يعتمدون على نفسهم:27d66a9c24b146327bf
وخليتهم يدرسون بروحهم وسويت لهم اختبار
اتضح لي انهم مو دارسين عدل
ضميري مانبني بس ابيهم يعتمدون على نفسهم لاني لما ادرس بذمه:j013: بس خلاص تعبت مالبيهم اتكالين
باجر يروحون متوسط هم بدرسهم انتوا شلو ن طريقتكم نفسي ولا انا حازمه معاهم ​

 

[meskq8]

حبيبتي حلو انهم يعتمدون على نفسهم بس مو فجاه تخلينهم يعتمدون على نفسهم

يعني بالتدريج ايام المدارس يحلون واجباتهم بروحهم يحفظون بروحهم وانتي عينج

عليهم ماتغفلين تراقبين من بعيد لبعيد وقولي لهم اذا احتجتوا شي او موفاهمين

يرجعون لج

والله يوفقهم ويبارك فيهم يا رب

 

[برونزيه شقرا]

رد : عيالج بخامس ورابع درسونهم او تخلينهم يعتمدون على نفسهم

والله اختي بصراحه لاااااااااااازم وجودج مهما كان المناهج صعبه ويبلها فهم ووجودج ضروري على الاقل تقعدين يمهم وتروحين ساعه وترجعين
بس مو هدد مره وحده

 

[أغلى حبيبه]

رد : عيالج بخامس ورابع درسونهم او تخلينهم يعتمدون على نفسهم

انا ادرسهم المناهج صعبه عليهم

الواجبات كل واحد يحل بروحه وانا اتابعهم

 

[أم حمد 4]

واي انا احس اني بموت من كثر التدريس وخاصة اني عندي بنتي مستواها ضعيف صج صعب ادرسين مر خلتين اللة يعينا يا رب

 

[الدلال]

والله انا ولدي بسادس وللحين اجابله وينشلع قلبي معاه

بس شسوي المناهج صعبه ومعقده والله يعينهم

 

[دو^ري^مي^]

انا بنتي برابع بروحها بس عيالي ب3 واولى ابتدائي معهد حتى واجباتهم يحلونها لهم مرتاحه قط فلوسك بالشمس واقعد بالظلال

 

[<<لمار>>]

انا ولدى برابعة ولو اخلية بروحة ماراح يسوى شئ

 

[جكورة]

رد : عيالج بخامس ورابع درسونهم او تخلينهم يعتمدون على نفسهم

ولدي بخامس وأدرســــه ضميري يأنبي لازم أشرح له كل شئ بالكتاب..

 

[الحراير]

انا ولدي بخامس وادرسه بضمير واحاتيه شلون اخليه يدرس بروحه اكيد ماراح يفهم لانه المناهج صعبه حيييييييييل

 

[Um Hasan]

ولدي بخامس ... ويعني قاعدة أخلي يعتمد على نفسه .. أخلي يدرس وانا أراجعه شوي ... لازم يعتمد على نفسه
الله يوفقهم يارب بامتحاناتهم انشالله

 

[أمواج البحر]

رد : عيالج بخامس ورابع درسونهم او تخلينهم يعتمدون على نفسهم

اذا قصدج بشكل عام انا ادرسه و اشرحله ... الواجبات بروحه

بس بوقت الامتحان اهو يدرس بروحه ... لاني اكون اساسا شارحتله و مفهمته المهم

ومحدده له النقاط اللي يبيلها حفظ ... واذا مو فاهم شغله يسألني

ادرس اللي بثالث و رابع

بس اللي بسادس اسم الله عليه بروحه يدرس

 

[secret sauce]

حبيبتي حلو انهم يعتمدون على نفسهم بس مو فجاه تخلينهم يعتمدون على نفسهم

يعني بالتدريج ايام المدارس يحلون واجباتهم بروحهم يحفظون بروحهم وانتي عينج

عليهم ماتغفلين تراقبين من بعيد لبعيد وقولي لهم اذا احتجتوا شي او موفاهمين

يرجعون لج

والله يوفقهم ويبارك فيهم يا رب

لي هذا الي سويته يحلون الواجبات ويظرون الجدول بس الامتحان اقوله ادرس واراجع لك بس هو الله يهيه برفع الضغط يتهرب شاركه مرورج حبيبتي

 

[hneen2]

وااااااااي انا عندي برابعه وعندي اولي ابتدائي وااااااي ما ني عارفه شبدي رابعه منهجها صععععععععب علي مخ ياهل برابعه واولي تأسيس ومنشلع قللللللللللبي ماني عارفه شبدي وغير هذا عندي مولوده صغيره واااق ووييييق وربي مهدود حيلي ومضغوطه مرت اخوي قالتلي عن معهد بحولي انهم ياسسون ويحلون وجبات الطالب وتمدحهم حيييل شلون رفعو مستوي بنتها شكلي بشوح وااحد منهم واركز علي واحد منهم وارتااااح

 

[secret sauce]

رد: رد : عيالج بخامس ورابع درسونهم او تخلينهم يعتمدون على نفسهم

والله اختي بصراحه لاااااااااااازم وجودج مهما كان المناهج صعبه ويبلها فهم ووجودج ضروري على الاقل تقعدين يمهم وتروحين ساعه وترجعين
بس مو هدد مره وحده

والله هذا اللي احاول اسويه صج المناهج صعبه شكرا على مرورج

 

[تاج الغلا]

ولدي بخامس انااا ادرسه وقت الامتحانات لما كان عنده امتحان قصير قلت له روح ادرس بروحك
اكتشفت انه ما درس شي ورديت انا درسته من اول ما يعرف يدرس بروحه منو عندها طريقة نخليهم يدرسون بروحهم

 

[secret sauce]

شكرا بنات لكم كلكم ودي ارد لى وحده وحده بس ما عندي وقت وجزاكم الله خير امواج البحر عجبتني طريقتج حيل حلوه

 

[om al ghaleen]

لا والله لازم آراجع معاه لانه في اشياء يكون ناسيها او مو فاهمهآ
وان شاء الله اذا راح خامسه بخليه يعتمد على نفسه علشان يخفف الضغط اللي علي

\\

 

[ريان4]

انا ادرس بنتي اللي برابع
لأنه المناهج حيل صعبة