عيادة دكتور الجلديه سلطان العتيبي

[Faru7a]

بسم الله الرحمن الرحيم
:33_1185028183::33_1185028183::33_1185028183:
السلام عليكم ورحمة الله وبركاته


خواتي
تكفون الله يخليكم ساعدوني
بشرتي تعبانه..كل من شافني اخترع لانها بالاصل ماكانت تعبانه ..بالعكس
كان كل من شافني قال شبيهة ميساء مغربي
والحين لا ميساء ولا حتى صباح:0bee2e8d89:.الحمدلله والشكر ع كل حال

وناس انصحوني اروح لعيادة الدكتور
سلطان العتيبي..بالمنقف..وقالي استخدمي حبوب اللي مايصير احمل فيها..وانا ماابيها..
لكنه عطاني علاج ثاني
العلاج صحيح خفف الحبوب لكنه سمرني وماادري هل اكمل ولا لأ
اللي جربت منكم..علاج هالدكتور تفيدني
وربي راح ادعي لها.....تكفون ساعدوني

 

[اشراقة المحبة]

حبيبتي والله ما عندي فكرة بس ياليت تكتبين شنو التعب اللي ببشرتج حب شباب والا كلف والا مافي نضارة والا شنو بالضبط؟؟ عشان انعرف مشكلتج عدل و نقدر نساعدج////////////

 

[Faru7a]

هلا حبيبتي......
سعيده وربي بمرورج.
والله بشرتي فيها حبوب واثار حبوب (الحفر)..ةمسامات واسعه..
تكفون شسوي؟؟؟؟؟؟

 

[chakletaA]

انا ما ادري ليش تونون بالحبوب
معتمده على دكتور
يبا نتاائجهااا عكسيه
ليش يالله
من يوم صغيره وربي مكرهني بالحبوووب

 

[eng_pet]

انا رفيجتي عالجت عنده بشرتها . والله راحت الحبوب وييها فتح حتى انا تشجعت وبروحله . انتي قولي حق الدكتور انج بنفس
الوقت تبين اتفتحين بشرتج

 

[Faru7a]

اسعدني مروركم واهتمامكم......
انا سألت عن هالدكتور لان مابقت عياده ما رحت لها
ادور علاج..تعبت نفسيا..
فقلت مدام اشتركت اسال عنه..عل وعسى القى رد..
ماقصرتوا..
بس الاخت اللي تقول ان رفيجتها راحت له...
هل كانت حبوبها قويه..زوهل استخدمت حبوب
الريكوتان؟؟؟
انا ماابيها
استخرت كذا مره ورفضتها بعدين..

مشكورين والله يجزاكم خير...

 

[krkooora]

بعد قلبي و الله ماعليه جاهدي في سبيل الجمال روحي روحي سوي تقشير كيميائي عند قطينه نتايجه اسرع و احلى و قلبي ترا الحفر اللي بويهج ما ترووووح ما كو لها علاج اكيد كنتي تتعبثين فيهم والله يشافيج و موفقه و تردين احلى من ميساء

 

[krkooora]

اي قلبي حبوب الروأكتيييييييييييين وايد مفيده و نتايجهااا زينه جربيها لا تخافين

 

[اشراقة المحبة]

شوفي حبيبتي نصيحة لوجه الله مدام استخرتي بخصوص حبوب الريكوتان وحسيتي انج ما تبين تستخدمينها خلاص لا تستخدمينها بعد انتي استخرتي ربج و ربج عطاج الجواب/ شوفي بقولج سالفتي مع الحبوب انا الله يسلمج قبل تقريبا ثلاث سنوات كانت دايما تطلعلي حبوب راسها ابيض على حنجي و في يوم رفيجاتي انصحوني اني احط مرة قمت و حطيت الله لا يوريج اشصار قامت تطلعلي حبوب اشكبرها وتعور جنهم دمامل وبعضهم راسهم ابيض وكانت بس تطلع بالحنج يعني مو بكل ويهي والله العظيم ان ما في شي ما جربته ثلاث ارباع ادوية الصيدلية شريتهم وما كو فايدة او انها اتخفف شوي بس بعدين اترد تطلع وطبعا استخدمت خلطات المنتديات وكلها نتايج وقتية وترد الحبوب اكثر من اول وبعدين حسيت اني مصختها قمت ورحت طبيب جلدية خاص اول ما شافني على طول عطاني حبوب ريكوتان تخيلي ما سوالي تحاليل ولا شي بس سالني متزوجة والا لا ولا قالي عن اثارها ولا عطاني كريم حماية حتى لما قتله عطني حماية قالي مو لازم اذا طلعتي غطي ويهج بالشيلة اهو على قولته ان بعض كريمات الحماية اطلع حبوب، المهم انا الله يهديني ما سويت بحث على الحبوب عطاني حبتين باليوم اول يومين اطلعت بشرتي حلوة لكن بعد اسبوع خدودي اللي عمرها ما طلع فيها حب شباب طلع فيها حب والحبوب كانت كبيرة والله اني ما كنت اقدر اجيسها من كثر ما كانت اتعورني انا بصراحة خلصت العلبة وما رحتله بعد لان كان عندي عملية وما كنت اقدر اخذ اي علاج قبل عمليتي، المهم بس قطعت الحبوب الحمدلله الحبوب اللي بخدي راحت تقريبا بعد كذا شهر يعني تخيلي عالبشرة ما اشوف حب بس لما اضغط على المكان الحبة وارمة من تحت الجلد/ المهم قعدت على هالحالة لين قبل ثلاث شهور رحت حق طبيب ثاني وقلتله كل شي وعن الريكوتان وان انا مايطلعلي حبوب الا بحنجي طبعا طلع مثل اللي قبله يالله على طول ريكوتان وانا ما ابي فكتبلي الوصفة طبعا انا طلعت وقطيتها لان قمت احس ان كله تجارة بتجارة عسى ما وحدة تييهم وفيها حبة والا ثنتين الا على طول ريكوتان والله حرام اساسا اهو حق حب الشباب الشديد وحق الناس اللي جربوا الكريمات و المضادات الحيوية ولا يابت نتيجة، المهم قبل شهرين رحت حق مستشفى الهادي عيادة الجلدية عند دكتور اسامة سرور اتوقعين شنو قالي قالي : ان الحبوب اللي بحنجي (التهاب) يعني لا حب شباب ولا شي تخيلوا يا ناس ثلاث سنين وانا اعابل بعمري والدكاترة الظلام عشان الفلوس هات يا ريكوتان واساسا مشكلتي التهاب/ و سالته عن الريكوتان قالي ما اعطيه من اول مرة اول شي انجرب العلاجات الخفيفة واذا ما يابت نتيجة ناخذه/ عطاني كريم دهان ، ومحلول معقم، وحبوب مضاد حيوي/ والله العظيم ان من باجر الحبوب خفت وايد يعني قامت اتفش اشوشوي ما صدقت، والحين صارلي معاه شهرين والحمد لله وايد مرتاحة بس تطلعلي حبوب ما قبل الدورة وهو قالي هذا طبيعي الحين الحمد لله بشرتي زينة (بس) مشكلتها بالاثار اللي خلفتها حبوب الريكوتان وهوكتبلي هالكريم حق الاثار وقالي بس حطي عالحبة واسمه AMM skin whitening cream بس ما صارلي فترة طويلة من استخدمته ونتيجته نوعا ما بطيئة ...... وبس هذي سالفتي وتعلمت من هالسالفة ان اللي ينفع غيرج يمكن ما ينفعج فلا تحطين اي شي بويهج الا بعد استشارة طبيب جلدية ثقة.

 

[eng_pet]

رفيجتي ما استخدمت هالحبوب , عطاها كريمات وحبوب ثانية والله كان ويهها منتشر فيه الحبوب والحين راح ولونها صار حلو بدون مكياج

 

[●|أملي بالله كبير |●]

ماادري في عضوه امدحت دكتور مشعل الغريب

 

[لشموخي روايه]

نصيحـــــــــــــــــــــــــــــــــــــــــــــــــــــــــــــــــــه لا تروحين حق دكتور سلطان لأن أنا رحتله ولا يعرف شي بالويه وكلما أسأله سؤال يقولي تعاليلي مره ثانية ( عشان الفلوس ) والله وحده من عايلتنا سوت تقشير وحرق ويهها .

أما الحبوب أنا عطتني ياها الدكتورة نورة الصليلي فخت منها لأن أنا عرسي قرب وخفت يصيرلي شي وماحمل ( وقطيتها )----
والله أنا سمعت عن الدكتور عيسى بشور فحاولت أحجز عنده وماقدرت لان عرسي قرب
والله والله والله يصدق على كلامي والله الشاهد أن كل كلمة قلتها صج وأنا أحسج نفس أختي علشان جذي نصحتج ومابي آخر شي تحسفين
والله مابي شي منج غير دعائج--------

 

[Faru7a]

حبيباتي...
فديتكم والله
لاهنتوا..

أشرايكم..صح استخير بعد..اذا اكمل عنده او لأ!!!!!!!!!!

مشكوووووووووورين لبى قلوبكم

 

[اشراقة المحبة]

اي حبيبتي استخيري وخلي ثقتج بالله كبيرة/ وترا ما فيه مثل صلاة الاستخارة صج صج راح اتريحج/ عاد قوليلنا شيصير وياج.

 

[Faru7a]

إن شاءالله..
ابشري من عيوني..
والله لقولكم كل شي يصير معاي اول بأول.................................................

كان طالب مني هالدكتور تحاليل بخامس يوم الدوره الشهريه(أجلكم الله)
وسبحان الله رحت له الشهر اللي طاف علشان احلل وكان عنده زحمه ونطرت لكن تاخرت عالدوام
و رجعت لدوام من دون ما احلل
وهالشهر جاتني الدوره بس يومين ونص ووقفت بس مع ذلك حسبت لما جا خامس يوم ورحت مره ثانية علشان
احلل (مع العلم انها وقفت) ولما وصلت قالوا لي الدكتور طالع اجازه!!!!
واحتسبتها خيره

 

[اشراقة المحبة]

سبحان الله / صج الخيرة في ما اختاره الله ، وبالتوفيق انشالله.

 

[Faru7a]

السلام عليكم........

شلونكم خواتي.....شخباركم...

رجعت لكم علشان حلفت اني ابلغكم بالتطورات الجديده مع الدكتور والعلاج...
صحيح طولت عليكم بس كنت متعمده علشان اجيب لكم اللي صار معاي بالكامل


هذا طول الله عماركم....
بعد ماخلصت فترة العلاج بالكريمات رحت لدكتور..وشاف ان وجهي تحسن الحمدلله بس ما جاب النتايج المطلوبه
رجع فتح معاي موضوع الحبوب(الريكواتين) وصار يحلف يقول..
والله ماينفع معاج غير الحبوب..
وصار يسولف عنها عشان يقنعني..

ورجعت البيت واستشرت اهلي
واستخرت مره ثانيه... واخيرا


وااااافقت ع الحبوب


اخذت التحاليل ورحت له بعيادته بالعدان(لأنه نصحني قال اذا تجيني بالعدان راح اسوي لج
التحليل ببلاش احسن من انج تتخسرين بالعيادات الخاصه)
ماقصر جزاه الله خير


وسبحان الله بعد.. رحت له مره للعياده بالعدان وماحصلته (ومو اول مره تصير لي )
وبعدها بفتره رحت له مره ثانيه رحت وسويت التحاليل ونطرت النتايج
واخذتها ورحت له وصرفها لي....


وامس رحت حفيت وجهي شمع واحترق حوالين حلجي...حسبي الله عليها اول مره يصير لي جذيه
واليوم رحت له وماقصر معاي وعطاني مراهم وواعدني الاسبوع الجاي....
هذا اللي صار..
واتمنى اني افدتكم..
الله يشفيني ويشفي جميع المرضى

 

[8ra-3bd]

شوفي حبيبتي .. سبحان الله كل ما اقرا عن وحده تبي تستخدم ركوتين تلقين رب العالمين يبي يصرفها عنه ما ادري ليش ؟؟ يمكن يكون لها ضرر .. و فيه جسم يتحمل و جسم ما يتحمل .. و الله ابخص فينا اكثر من نفسنا...انا حبيبتي توني كاتبه عن نفس الموضوع امس .. و انا مو بنيتي اخذ روكتين بس قلت بشوف البنات و تجاربهم معاه... انا حبيبتي رحت للدكتور و كان في الدور السابع .. رحت الاصانصير و طمرت للدور 11.. ها شسالفه؟!! ادق على السابع و ارد الخامس .. قعدت جذي عشر دقايق من دور لي دور و انا مصممه اروح .. و قلبي نقزني .. بس قلت بروح استشاره بس.. رحتله و قام يمدحه وااايد مع ان انا بس يطلع لي تحت الجلد و حبوب صغيره و مو وايد بعد.. يعني الي يشوفني ما يقول الحبوب شديده .. بس الحمدلله على كل حاااال.. قلتله انا ما ابي روكوتين عطني بديل قام كتبلي صفحتين ادويه و قالي روحي للصيدلي الي تحت .. رحت و قالي الادويه مو موجوده (لاحظي) .. رحت للصيدلانيه الي اعرفها عندها زحمة ( لاحظي) ! و احاول اكلمها قالتلي مو فاهمه شنو كاتب ... المهم رحتلها اليوم الي بعده .. يوم ركزت عدل بالكلام الي كاتبه صرخت قالت هذا كاتب خلطات كرتزوووون .. انا تنحت و خفت! تقولي انتي شنو فيج .. قلتلها الحبوب .. قالتلي انتي ويهج ما فيه شي!!! حرام عليج .. هذا يروووح مع استمرار العنايه .. اشكره قالتلي ما راح اعطيج الادويه غيري يعطي انا لأ... و احنا بمجال واحد و عارفين و فاهمين بعض .. هذول بس بينهبون فلوسكم و انتوا تدفعووون و يوم قلتلها ان اذا هذا اذا ما نفع بيعطيني ركوتين قامت تطق على راسها... عاد الصراحه ادري ان مو كل الدكاتره جذي بس حزتها ثقتي بالدكاتره قامت تقل..
انا لي ماخذه كورس علاج اعشاب... و عندي الطبيعي ابرك .. كله من رب العالمين ..
و ان شاء الله اغير من نظام اكلي180 % و ودي ابدي مع رمضان .. اصفي جسمي من كل شي ..

أدعو لي الله ييسرها لي و استمر ..

اسفه على الاطااااله ...

 

[*مــــســــك*]

آلله يشفيج ويحقق مرآدج

 

[Faru7a]

أشكر تواجدكم...

اختي...انا الدكتور قالي تعالي لي بالعدان افتح لج ملف واصرف لج الحبوب ببلاش احسن من انج تدفعين كل شهر 30 دينار

وانا وجهي حبوب وحفر....

الله يكتب اللي فيه خير وصالح......