عوشرت وفيني عوار مادري اذا طلق

[om_7sonty]

السلام عليكم كويتيات

انا صارلي يومين معوشرة وانا بجرية
امس شربت حليب مع زعفران ومسكني عوار كل ربع ساعه
مره يعورني حيل ومره لالمده ساعتين
والصبح مسكني بظهري عوار جن احد طاقني ولما تحرك الببيبي زاد ضغطه تحت وزاد عواري وتم فيني 3 او 4 ساعات وماخف الا لما انسدحت
وطبعا من قمت من النوم كل شوي ينزل مني افرازات بين الشفاف والاصفر
ياجماعه فيدوني شسوي بولد ولا شنو
وشلون ييني طلق لان مابي افحص وادش بدون طلق ورحم مسكر
فيدوني الله يجزاكم كل الخير

 

[زين ودلال]

حبيبتي لازم تروحين الطبيب اجيكين

 

[مشغوله و محتاسه]

روحي للطبيب ضروري ..

و اكيد راح يسوون لج سونار و يشوفون اذا في طلق ولا لا ..

اذا الرحم مسكر ماراح يدخلونج

و حتى اذا مبطل شوية قولي برووح البيت وارد بعد جم ساعه


الله يسهل عليج .. طلق البجر يطول شوي

 

[بتبوتااا]

الله يسهل عليج حياتي بس روحي اطمئني ياقلبي

 

[جمالي خيالي]

الإفرازات الشفافة اذا كانت كثيفه يعني هذي سدادة الرحم نزلت

أنا صارلي نفسج وشربت بابونج زااااد الطلق

شربي حليب وزعفران وكثري الزعفران لان يلين عنق الرحم ويسهل الطلق

حاولي تروحين الحمام عشان مايحطون لج أبره شرجيه

وأخذي جنطة هدومج احتياط وروحي المستشفي شكلها ولادتك قربت والله يرزقج الولاده السهله يارب

 

[جمالي خيالي]

وعوار الظهر طلق أنا كان طلقي بظهري

 

[عطر الأنوثة]

الله يسهل عليج يا رب

أنا حامل في البجر

و وايد قاعدة افكر ما ادري عوار الطلق شلون صاير

و متى اروح الطبيب

ممكن تفيدوني ؟؟!

 

[om_7sonty]

يعطيكم العافيه خواتي

انا الحين صار الافراز عندي مايل للاصفر ولزج عزكم الله
توني مشيت شوي ولا ينزل اكثر

وعوار ظهري جن احد طاقني وجنه شي يقزز مو مثل ماسمعت ان مثل عوار الدورة

فيدونا افادكم الله

 

[مألوفة]

شربي دارسين اذا اشتد عليج العوار روحي المستشفى يمكن تولدين والله يقومج بالسلامة والمعاشرة مالها شغل بالعوااااار

 

[المسكـ]

هالله هالله بالخرووووووووووع اخذي خروع من الصيدليه وخلطي نصه مع قوطي عصير مانجا وشربيه ان شالله الصبح انتي والده

 

[om_7sonty]

مألوفه حبيبتي يعطيج العافيه بشوف اليوم

وانا قلت عوشرت قصدي ان دشيت العاشر ياقلبب

 

[مألوفة]

مألوفه حبيبتي يعطيج العافيه بشوف اليوم

وانا قلت عوشرت قصدي ان دشيت العاشر ياقلبب

لووول على بالي عاشرتي زوجتج سورى حبيبتي

 

[××بنت الشيوخ××]

الله يرزقج الولادة السهلة يارب العالمين

 

[om_7sonty]

حبيبتي مالوفه عادي 

بنت الشيوخ آمين يارب ويرزق كل محرومه الضنى وييسر عالجميع

 

[ام عفاف الكويت]

الحين زهبي جنطتج وحطيها على جنب للاحتياط
وخلج متزهبه ان كنتي شايله او لا الشعر
وابدي اشربي حليب وزعفران ودارسين
وامشي وبعدين ياعمري ان كان فيج بنت عوارج الطلق نفس الدوره
وان فيج ولد عوارج يبدي بالظهر والرجل
والله يهون عليج ويفرح قلبج

 

[Diva-Q8]

انا مثلج بجر توني والده وانا حاليا بالانفاس

طبعا ماكنت اعرف الطلق بس الطلق عوار مثل الم الدورة بالظهر والبطن اول شي ايي ويروح كل ساعتين او اكثر بس الم تتحملينه وبعدها بجم يوم يزيد يصير كل ساعه او نص ساعه ويزيد العوار و ايي ويروح مدته دقايق

ونصيحه عن تجربه كثري تمر و لا تشربين غير المراميه والدارسين والزعفران من غير حليب واذا بتحمين الطلق واتسهلين الولاده شربي كف مريم غسليها و حطيها مع قلاصين ماي واغليها 5 دقايق وصبي بالمطاره وشربي ولا يطيح من ايدج

الخروع انا ماشربته مانصحج في لانه يسوي مغص كافي الم الطلق اختي وايد تعبت منه عشان جذي انا ماقربت منه

واحسن لاتروحين مبجر عشان مايفحصونج كل شويه لانه الفحص يذبح الله يعينج خلي الرحم يتبطل على راحته ومتى ما الله اراد

انتي من اتشوفين العوار زاد بلش يصير لا يطاق اخذي شور حار وخلي الدش على بطنج وظهرج عشان يرخي العضله وصلي ركعتين وتوكلي على الله

انا دشيت المستشفى الساعه 6 ولدت الساعه 7 ونص واول ماوصلت كان رحمي مبطل 7 سم ومن اول فحصين ولدت

هذي تجربتي



واتقومين بالسلامه انشالله

 

[om_7sonty]

ام عفاف الجنطه زاهبه من شهر بس ناطرة الولاده

Diva
مصيبتي دشيت العاشر صارلي يومين واخاف اذا مارحت الطبيب يصير شي يضر البيبي
لان الافراز اللي قام ييني تقريبا مره كل ساعه و صج ان شويه بس الواحد يخاف
والصبح بروح العياده واكيد راح تفحصني دكتورتي

بشرب دارسين واتوكل على الله واروح

 

[ام عفاف الكويت]

ان شاءء الله يااارب
هالشي كنت احسه في ولدي
بس قدر الله وعمليه
فالحين خلاص اعرف التاريخ ووقت العمليه
بس لو طبيعي نفسج وااايد بحاتي
الحمدلله

لاتنسيني تدعي لي بتوائم متعافيه من ذريتي عاجلا غير اجل

 

[om_7sonty]

اول شي
يارب يرزقج بالذرية المتعافية ويكونون توم حلوين ان شاءالله

ثانيا
حبيبتي انتي كان ينزل عليج افراز اصفر كل ساعه ويكون مو وايد ؟
وليش سوو لج عملية ؟

 

[ام عفاف الكويت]

انا مو افراز كان ينزل ماي بس مو وايد شوي شوي
كنت احسبه ماي او التهاب عادي
بدأ تخيلي من اول التاسع
ولما رحت موعدي اخر التاسع قالت لي ماكو البيبي ماي كلش روحي احكومه
كلمت دكتورتي قالت كيفج تبين حكومه او خاص بكل الحالتين عمليه
والحمدلله