اول شي الحمدالله على سلامتها والله يخليها لكم ويعطيها الصحه والعافيه
شهر ابريل امي ردت من رحلة علاج بعد غياب سنه
بقولج شنو الي سويناه اهو شي بسيط كان
امي كانت مع الوالد واختي فقمنا لبسنا عيالنا كلهم تيشيرتات عليها صوره تجمع الثلاث الي اهمه امي وابوي واختي ومن ورا كتبنا ولكم بااك وزهبنا باقات الورد والنون هذا كله طبعا بالمطار وتقدرين تأجرين ليموزين تاخذها من المطار ليه البيت وطبعا طرشنا واتسابات للاهل القراب حيل وبلغناهم بموعد الوصول
هذا بالنسبه لاستقبالنا لها بالمطار ماشاءالله الاهل ترسوا المطار وامي حيييل استانست بان كل هالناس يايتها وكان شكل اليهال بالمطار عجيييب
نييه للبيت ما انصح يكون بصاله البيت اريح لها وعشان لا يكون الاستقبال كبير لانها راح تكون تعبانه من السفر
عند البيت زهبنا ثلاث خرفان مع القصاب ناطرها عند الباب عشا يدفقون دم على سلامتها وحطينا بوفيه بالحوش لان حزتها كان الجو حلو وحطينا كراسي وطاولات ووزعنا باقات ورد بالصاله وزهبنالها كاكاو سلامتها وزينا البيت من برى بالليتات وتقدرين تحطين منطاد بره وتكتبين عليه الحمدالله عالسلامه
وطبها الي ياو المطار قلنالهم تفضلوا البيت مسوين عشى حق امي فكان الاستقبال حلو وخفيف
وعقب ما وصلت باسبوع حجزنالها صاله بكراون بلازا وعزمنا كل الاهل والاصدقاء يعني كل الي بييه يسلم عليها ويتحمدلها بالسلامه عزمناه بيوم الاستقبال وخلال هالاسبوع ما خلينا احد يمرها لان قلنالهم ان في استقبال
فبدال لا كل يوم نستقبل ناس يمعناهم كلهم بيوم واحد وخلصنا
هذا الي سويناه حق الوالده
