عوار بظهري وانا ببداية حملي :(

[وطن عمري]

بنات انا صارلي عشر ايام داشه الشهر الثالث

بس من امس وانا احس بعوااااار بظهري وبطني مثل الم الدوره بس على زياده شوي
هذا الشي عادي ولا لازم اروح حق الدكتوره واشوف السالفه


وانا صاير معاي ضغط بالحمال من حملت وانا كله ضغطي مرتفع

 

[fofo21]

الله يهون عليج

يا ليت تراجعين الاخصائية بيكون افضل

ولا تجهدين نفسج في اعمال البيت او الحركة

 

[عبث طفله]

انا اتوقع عادي بس روحي تطمني احسن لج ..

خصوصا ان ضغطج مرتفع ..

 

[بداية المشوار]

عادي ياقلبي
سبحان الله يمكن اليوم موعد دورتج لو ماكنتي حامل
عشان جذيه يعورج ظهرج مثل عوار الدوره ولاحظي ترى كل شهر نفس اليوم
راح يعورج ظهرج لا تحاتين

 

[درة أهل الطولات]

ما ادري

ما تشوفين شر

 

[وطن عمري]

انا راجعت على سالفت الضغط عطني دوا والحين مستقر الموضوع واقيسه بالبيت يرتفع بين فتره وفتره على النفسيه
بس العوار بظهري حتى الشهر اللي فات معقوله عشان فتره الدوره سبحان الله


وانا مو من النوع اللي اشيل شي ثقيل بس التدريس قطع نكرف كرف هناك بالدوام من باجر ببسط وماني متحركه وايد


مشكورين بنات هم بمر الدكتوره بشوف شتقول

 

[yasmeen_q8]

انا بعد حاسه بتعب وعوار بس انا اليوم كان دوام ريلي فتعبت شوي طبخ وتنظيف الله يستر

 

[جبنة بيضة]

عادي حبيبتي بس ريحي عمرج و راجعي دكتورتج

 

[احب الهيصه]

رد : عوار بظهري وانا ببداية حملي

مبروك حياتي

الله يتمم عليج

طبيعي حبيبتي الالم والعوار في الظهر والبطن

بس لازم تراجعين الاخصائي

موفقه

 

[eng^^zozo]

رد : عوار بظهري وانا ببداية حملي

روحي تطمني من الدكتوره واايد احسن ولا تجهدين نفسج بشغل البيت شوي شوي

 

[" ام حمود "]

اتوقع شي عادي لانه انتي بالثالث اكيد راح يصير تغيرات بالحمل
بس روحي تأكدي واعتقد دكتوره تقولج عادي
وع ضغط انتي نفسسي هم انا من احمل يصير فيني ضغط وضغطي مرتفع بس اخذ حبوب بصراحه وايد نزلت ضغطي
الله يهون عليج وعليناا يارب

 

[عررريبـــ]

الله يعينك ويعينني انا زيك .. صايره معي نفس المشكله وتعالي شوفيني لاجيت اقوم والا اجلس كني عجوز عمرها 80 سنه .. الله يستر اللي هذا اوله ينخاف من تاليه << اول حمل ومشاكل​

 

[المكسيكيه]

عادي ياقلبي لان احتمال موعد الدوره فييج العوار عادي
سلامتج ماتشوفين شر

 

[تبطي عظم!]

الف مبروك

أنا سامعه انه اذا موعد الدوره عادي ~