عوار الظهر والمعده معا فجأه اش معناه خواتي

[qazlaan]

قوه بنات انا صار معاي امس شئ غريب امس المغرب فجأه جاني عوار الظهر حيل قوي مثل عوار الدورة لما تكون جايه في طريق رغم باقي اسبوع وتشرف وجاني بعد عوار المعده وودي ارجع وماكو ترجيع ولما اضغط على معدتي بأيدي خفيف تعور وظليت اتعور ليما نمت واليوم حالي احسن اشوي بس للحين في عوار ظهر ومعده واتعب لما اكل شئ. احد صار له جذي فجأه عوار ظهر ومعده؟ وشنو طلع معها الله يجازيكم خير الي ترد علي

 

[الأميرة جوري]

يمكن حمل لان الاعراض نفسها اعراض الدوره

 

[فيلسوفة قلبي]

أن شاءالله حمل

 

[M!SS.LOBY]

الله يبشرج بالحمل السليم

 

[طيوبه1122]

والله شقولج اعراض الحمل نفس اعراض الدوره

 

[بنفسجيه_Q8]

الله يرزقج

 

[سميره مملوحه]

نفس حالتي بالظبط بس ناطره موعدها واحلل
باجي عليها اسبوع
يالله انك ترزق كل وحده بالظنى السليم المعافى

 

[انا لحبيبي .]

الله يرزقك الذريه الصالحه يارب

 

[مشتطـه]

امبييييييييييه انتي ليلحين تنزلين مواضيع ؟؟


جد جد الله يعينج


للعلم يا بنات عندها عيال وتوها والدة من سنتين مادري 3 لا تهبون بويهي اقرو مواضيعها


لا تحنين وايد تحطين مواضيع ؟؟؟

لا تفكرين وبتحملين

انتي كل شهر قبل الدورة تقولين لنا حالتج واخر شيء مو حامل

تركي عنج الشيطان يا مرا وتعوذي من ابليس !!!! والله الرازق !! لجئي له

 

[qazlaan]

نعم حبيبتي شلي يمنع انزل مواضيع اجرمت ولا ممنوع اسأل بنات السؤال. وبعدين وااااااايد بنات عندهم ثالث ورابع وخامس ويتكلموا عن محاولاتهم ومشاكلهم ولا اجت علي بس انا .
اختي انا من زمان مانزلت موضوع وهالمره ماقدرت امسك نفسي من العوار وسألت سؤال ووووايد تجيلهم اعراض الحمل وبالاخير تجيلهم الدورة ولا بس انا .ومثل ماقلت الله الرزاق ولاجئة ربي اكثر منك والحمدالله .واذا ازعجك موضوعي في المنتدى خليته لج والله والسلام

 

[qazlaan]

وبعدين ماعجبك موضوعي لا تدخلينه احد غصبك يااختي سبحان الله

 

[عاشقة هواك]

الله يكون بعونج بس الي اعرفه يمكن اعراض الحمل الله يرزقج حبيبتي دعواتج لي