عنوان مركز بوسي كات

[hello1]

بنات ابي عنوان بوسي كات وارقام تلفوناتهم

 

[.CinDeRella.]

هذا رقمها وايميلها


للطلب والاستفسار : 55703893

E: [email protected]

 

[CaT&CuTe]

انا معاج ابيها
بليييز اذا جربتيها عطينا معلومات عنها وعن التعامل معها تجي للبيت او مركز لها بللليز تفيدوني !!!!!!!

 

[Mystique]

بنات شنو هذا المركز؟

 

[.CinDeRella.]

لا مو مركز

بيت عادي عندها وعندها امكانيه تنظف القطاوه والي مسافره تخليها عندها بس وايد غاليه الله يهداها

وتزاوج القطط عندها وتبيع قطاوه صغار


واعتقد اهيا مصرية اذا ماخاب ضني

 

[hello1]

ايه للاسف اسعارها غاليه

 

[بطبط نوسا]

للرفع بنات ابي عنوانها واي رقم ثاني غير هالرقم

 

[Joo.Joo]

اذا قصدج عن العضوه ( بوسي كات ) الي موجوده في منتدى مزاد الكويت

انصحج انصحج انصحج والنصيحه لوجه الله ..


لا تأمنينها قطوتج والـــــــــــــــــلــــــه العظيم عن تجربه !!


والله العظيم عطيتها قطوتي ودفعت لها 37 دينار بالتمام والكمال و وثقت فيها و وقعت على الفاتوره على هاذي الاعمال :
1- تزاوج
2- سباحه
3- استشوار
4- تقليم اظافر
5- حلاقه
6- تنظيف اذون


والله العظيم اني استانست بالبدايه اني لقيت احد يعتني بقطوتي ويهتم فيها !! ودفعت لها لان اسلوبها بالتلفون حيل ريحني وخلاني اثق فيها ..

خذت قطوتي يوم 12 - 6 - 2011 يوم الاحد ..
وقالتلي بعد 3 ايام او 4 بالكثير ارجع اعطيج اياها .. دقيت عليها عقب 3 ايام قالت لا باجر ! وادق عليها تقولي لا عطيها بعد 3 ايام ! قلت اوكي .. وكل يوم ادق عليها واسالها تقولي باجر وباجر


والــــــلــــــــــــــــــه العظيم وربي شاهد علي ما ردت لي قطوتي الا تاريخ 24- 6 - 2011 الساعه 12 الصبح !!!!!!!!!!!


والمشكله الاعظم يابت لي قطوتي:

1- عيونها تدمع قيء لونه اصفر !
2- عيونها ملتهبه ومنتفخه وكلها لونها احمر وما تقدر تفتح عينها قطوتي
3- جسمها كلـــــــه دم خاصه الرقبه والاظافر و حلجها !
4- مو محلقتها وانا موقعه على الفاتوره انها تحلق لي قطوتي ودافعه لها !
5- مترووووووووووووووووسه ماي !!!! مادري مسبحتها ؟ ومو منشفتها وانا موقعه عالفاتوره ان سباحه + تنشيف بالاستشوار
6- ريحتها تكرمون بــــــــــــــــــــول و وصاخة حيوانات !!


انا انصدمت وما كان هامني الا ان قطوتي ارجعت لي ما اشتكيت عليها ما سويت لها ولا شي وراس اهلي واحد واحد اني بس دقيت عليها اسالها ليش جدي سويتي بقطوتي ؟ عطيتج ياها نظيفه ومدلله والكل من يشوفها يترجاني ابيعها له !!! ليش جذي سويتي فيها !!!

تقولي قطوتج شرسه وما تخلي احد يقربها !! انزين انتي خبره ! ليش ما توخرين الذكر عنها ؟ ليش ما اهميتي فيها ؟ ليش الدم ؟ ليش ريحة البول ؟ ليش تييبيلي ياها مو محلقه ؟ ليش ما تنشفينها وانتي صابه عليها ماي !!!!


والله والله واللله ان مابي من هالموضوع شي و الله يوفقج يا بوسي كات لكن والله العظيييم انا من داخل قلبي اقول حسبي الله ونعم الوكيييييييل فيها وربـــــي ياخذ بحقي منها !!


وترا قطوتي للحين اعالجها على فكره كل يوم اوديها البحر اعالج الجروح والفطريات !


وما حملت ولا شي !! يعني 37 دينار بالهوا دفعتهم ! انا مو هامتني الفلوس!!

بس حرام تاخذ شي مقابل ولا شي !!! وحرام حرام حرااااااااام عليها الي سوته بقطوتي



انصحكم انصحكم بنات و والله العظيم والكعبه المطهره و راس اهلي وغلاة امي ان مابي من هالموضوع الا نصيحتي لكم انكم ما تتعاملون معاها !! حرام هذيله حيوانات احنا نربيهم نكسب اجر ما نعذبهم مثل ما عذبتهم !!


وربي يسامحها على الي سوته فيني وفي قطوتي !!​

 

[Joo.Joo]

حطو بالكم انها خذتها تاريخ 12 - 6 ورجعتها تاريخ 24 - 6

والحين احنا تاريخ 28 - 7 ! وانا للحين اعالج بقطوتي ومن بيطري الى بيطري !


بنــــــــــــات والله العظيم بالبدايه تعطيكم اسلوب آآمري افا عليج لا تحاتين وانا اسوي وانا كل الناس عندي وانا يمدحوني وانا وانا وتامرين امر ومن عيوني ومن هالاسلوب الي يريح بالكم !!

بس واللـــــــــــــــــــــــــه العظيم كاني انا مجربتها قبل شهر !! والله العظيم والله العظيم انصح كل وحده فيكم تفكر تزاوج قطوتها انها ما تأمن هالانسانه والـــــلــــــــــه العظيم ان هاذي نصيحه مني لكم عن تجربه شخصيه

وانتو أحرار


وسامحوني اذا طولت عليكم ! كان ودي اسوي موضوع من الاول عنها بس ساكته صارلي شهر وكل يوم اقول خل اكتب وانصح البنات بس اخاف يحذفون الموضوع !!

لكن بما ان شفت جدام عيني ان وحده بتتعامل معاها فالنصيحه واجب


واللهم بلغت .. اللهم فاشهد​

 

[عاشقة xxx]

يسلموووو

 

[VET-Nour]

joo.joo : أمبييييه , حسبي الله عليها ؛ مسكينه قطوتج كسرت خاطري , ليشش ما زفيتيهآ ؟

 

[daloolah77]

لا انا جربتها وااااااايد و اهيا زينه مع القطاوه و انا رحت لها حاطه شقه حق قطاوتها و في مرة حطيت عندها القطو مالي على اساس ان تبحا و بعدين تأخر الوقت و قلت لها خلاص ما يمدي انج تعطيني اياه رجعتلي اياه ثاني يوم ريحته عجييييبة و صاير ينن و صج احسها تفهم القطاوه عدددددل ما ادري عن تجربتج Joo-Joo انا جربتها و اطلعت زينه

 

[al39laa]

انا جربتها على اساس حلاقه حق قطويين

يابتلي قطو واحد محلق والثاني لا

ورجعتها لي بعد 3 اسابيع

وخذت فلوسها بالتمام والكمال حتن اظافرهم ما قصتهم !!

خربوطه والله

 

[daloolah77]

ليش تاخذها انا ما تخذ القطو الا لما تسبحه بس لما تقص اظافرة و تنظف اذونه تسويه جدامي بالسيارة ^_^ و لما تسبحه تاخذه عادي

 

[cat_lover]

انا مع الاخت جوجو صراحه هالمره لا تعرف بالقطاوه ولا هم يحزنون بس تبي فلوس
وشغلها مو نظيف حتى لما تحلقهم جنها مقطعه شعرهم بيدها وهالشي صار معاي
لما شفت عروضها بموقع مزاد تشجعت بس ما انصح احد يحط قطاوته عندها لان مكانها مو نظيييف كلشششش والقطاوه تمرض لما الواحد يستلمهم! ريحتهم خايسه وعيونهم كله تدمع وحمر
بس شاطره بالاسلوب الحلو وتعطيج الشمس بيد والقمر بيد وشغلها يلوع الجبد حسافه عليها 100 فلس
والله لهنود اللى بسوق الحمام لو بعطيه دينار يسنع لقطاوه احسن منها​

 

[Joo.Joo]

والله حرام حراااام عليها توقعت بس انا مسويه بقطوتي جذي طلعت حتى وياكم جذي؟
الله يسامحها الله ياخذ بحقنا منها والله العظيم بنات انا لـــــــــلــــحين اعالج قطوتي

كل اسبوعين اوديها البيطري عندها ابرتين للفطريات صارلي مرتين الحين اروح يعني خذت ٤ ابر حق الفطريات

وكــــل يوم اودي قطوتي البحر اخليها تسبح بالبحر وافرك جسمها داخل الماي والفطريات الحمدلله خفت وايد وايد

وكل يوم نعطيها حبه مرتين باليوم الله يعافي امي وابوي مساعديني بعلاجها !!

ابوي مفضيلي غرفة السايق لان الدكتور لما شافها من رجعتها من بوسي كات انصـــــــــدم وقال لااااااااازم تعزلينها متروسه فطريات!


والله العظيم بنات كا انا اقرب مثال لكم! وغيري جم وحده أيدت كلامي! وخرو عنها

والله العظيم لا تعتبروني بخرب سمعتها بالعكس كاني قاعده اقول اسلوبها عسل! بس للاسف معاملتها مع الحيوان كلش مافيه رحمه

ولا كأنها مسلمه! ياريتني كنت مصورة قطوتي من رجعت جان وريتكم الظيـــم الي شفته!