عنق الرحم مفتوح !!

[المها الابيض]

السلام عليكم
بنات انا حامل بالسادس وعندي عنق الرحم مفتوح
والدكتوره قالت لازم راحه تامه عشان ماينفتح اكثر وينزل الجنين
منو سامعه عن هالحاله طمنوني الله يطمنكم

 

[أعشقه]

زوجة خالي مثلك وعادي كله منسدحه وماباقي شي عليها وتولد الحين
ارتاااحي اهم شي وان شاء الله تتيسر الامور لاتخافين

 

[امواج الكويت]

رفيجتي جذي تدخل السادس والرحم يتبطل بس لازم راحه والله يتمم عليج

 

[شقرا كويتيه]

اهم شي ارتاحي قد ماتقدرين والله يسهل عليج وراجعي دكتورج بعد وجيكي

 

[*peace*]

عادي حبيبتي هالشي منتشر حيل

بس الله يعينج لازم ٢٤ ساعه منسدحه انسي قز وفرفره وسوق ومشي انسي بالمره لمن تولدين بالسلامه

الله يتمم عليج يارب

 

[سلمـــى]

الله يهون عليج بالسلامه يارب

 

[3aSaL Q8]

ليش ماتسوييلج ربط اذا في مجال خل تربط عنق الرحم وعليييج بالراحه التامة

 

[المها الابيض]

مشكوررررين حبايبي طمنتوني
انا اول مره اسمع عن هالحاله ومافي مجال ربط لأني بالسادس
الله يتمم على خير ان شاالله

 

[الأميرة جوري]

الله يكون بعونج ...لازم تنامين علي ظهرج وتقللين الحركه الي ان تدخلين التاسع ...

 

[بحةة آلشۈق]

ماقصرو البنات
اب
اب

 

[(لولوه)]

الله يسهل عليج ويتمم حملج على خير يا رب
لازم راحه تامه والراحه يعني سدحه لان حتى القعده مده طويله مو زين
بالاضافه الى ان الجماع ممنوع بالحاله هذي

 

[أأأميرة الورد]

الله يقر عيونج بشوفة البيبي

 

[كل الحلا فحبيبي]

شلون عرفتي انه مفتوح يعني بشنو حسيتي فيه وشلون الدكتوره عرفت

 

[" ام حمود "]

الله يتمم عليج ويتم حملج ياارب .. ارتاحي وخليج دايماا منسدحة

 

[مربى و قيمر]

الله يثبته لج ياربً اهم شئ ألراحه التامه

 

[سنو - وايت]

خلي دكتورتج تعطيج تحاميل سايكولجست تسكر عنق الرحم أنا مثلج آخذها من بدايه الحمل إلى بدايه التاسع
والله يتمم علينا جميعا

 

[asya]

نعم حاولي تستريحي
لان من علامات الولادة عنق الرحم المفتوح لان الرحم المفروض يكون مغلق طول الحمل الا في حالتين لو حصل اجهاض ونزل الحمل لا قدر الله او في الولادة بأذن الله

ربنا يثبت حملك وتقومي بالسلامة ان شاء الله

 

[asya]

https://www.facebook.com/dr.waelkhalid

ودي صفحة لدكتور نساء ممتاز ماشاء الله وبيرد على الناس بنفسه ممكن لو استفسرتي منه حيفهمك وهو صدرة رحب جدا للاسئلة

 

[غرام القمة]

الله يتم عليج ويرزق الكل

 

[Betty 90]

حبيبتي الله يكون بعونج يا رب انا كنت مثلج و ظل الرحم يفتح ليمن ولدت و كنت بالسادس و البيبي توفى ما ابي اخرعج بس لازم ترتااااااااحين و الله يثبته لج يارب ..