عنق الرحم مفتوح ..ساعدوني

[فراشة البيت]

بنات الله يخليكم الي عندها خبره

انا الحمدلله ولدت مرتين طبيعي والحمدالله ما كانت اي مشكله عندي بس مرتين طيحت عقبها والسبه اني

تهاوشت مع زوجي هوشه كبيره فعلى طول ثاني يوم اجهض يعني مرتين طيحت وكنت بالشهر الثالث

وهالمره انا حامل والحمدالله الحين داشه السادس وتوني سويت سونار ووضع الجنين الحمدالله زين لكن

الدكتور يقول انه عنق الرحم مفتوح شوي وانا صارلي يومين ابجي ووايد معصبه علشان عندي مشكله

كبيره والله العالم فيها واحس نفسيتي زفت بزفت والحين عنق الرحم مادري شسوي فيه ..ساعدوني

شالحل وممكن اسوي ربط ..وفي احتمال يصير اجهاض ... والله يوفق كل من يرد​

 

[tmtmt]

والله مادري شقولج
بس ماكو اهم شي اهم من ضناج
اهما الي بشيلونج بعدين

محد يستاهل

خففي عن عمرج
ودايما اقري قران
وصلي قيام الليل
وكثري من الاستغفار

وان شاءالله ماكو الا كل خير

الله يقر عينج بشوفة ضناج
ويفرج همج ان شاءالله

 

[الأميرة كيرارا]

أعتقد في حالات الإجهاض المتكرر يسوون ربط
بس أهم شي نفسيتج طنشي و استعيني بالله
عشان الجنين مو زين الزعل
ربي يفرح قلبج و يحل مشكلتج و يقومج بالسلامة

 

[فراشة البيت]

الله يجزاكم خير​

 

[أأأميرة الورد]

رد : عنق الرحم مفتوح ..ساعدوني

الله يسهل عليج حياتي
ويرزقج بشوفة البيبي

 

[rora_q8]

عسى الله يسهل عليج
وكثري من الادعيه

 

[عيني ترف]

الله يسهل عليج بس لازم تنامين علي ظهرج وتخففين المجهود وشوفي الطبيب شيقول والربط لازم يكون اعتقد قبل الشهر الرابع

 

[@ام يوسف@]

رد : رد: عنق الرحم مفتوح ..ساعدوني

الله يتمم عليج وتولدين بوقته يارب

 

[نـور الكويت]

عسى الله يتمم عليج وعلينا ياقلبي ويفرحنا بشوووفتهم

وإن شاءالله خير ياقلبي اكثري من الاستغفار واقري سورة البقره

 

[الأميرة جوري]

انتى الظاهر النفسيه تاثر عليج وايد ...حرام انتى بالسادس سوي ربط ...علشان البيبي والله يثبته يارب

 

[فليها وربك يحله]

رد : عنق الرحم مفتوح ..ساعدوني

هلا حبيبتي لا تخافين ربك يحلها انا كانت ب8 واخر اسبوعين من ال8 كنت ابكي وحالتي حاله والوجع ما ينطاق خص ان المشيمه كانت نازله وانفتح 2 سم وكليت التاسع كله وزوده اسبوع ماعليك بس اذا كذا لابد انه يسويلك ربط مدري هو ابخص ورتاحي على ظهرك ولا تحركين بس مدري يمكن يسولك ربط خويتي مسقط قبل كذا مره والثانيه سوت ربط ب3 وهي مافيها شي بس هشكل خافيه وفيه وحده سقطت 3 مرات وماسوت والحريم يختلفن واعرف وحده انفتح رحمها باول ال8 وبدايت ال9 ولدت نزل مايها وولدت حياتي ترى النفسيه تاثر اخاف تخافين وتعصبين يزيد حركت النونو ويضب من تحت استرخي واستغفري ترتاحيييييييييييييييييييييييييييين انا كل ما توجعت مسكت المسباح وقمت استغفر وربك بيده كل شي هونيها ولا تحاتين النفسيه لها دووووووووووووووووور ياعمري والله يهونها عليك يارب بس استرخي ورتاحي ونامي على ظهرك وشوفي الدكتوره شتقول

 

[كويتيه مذهله 87]

انتي بالسادس ما اعتقد يسوون ربط بهالشهر


شنو قالج الدكتور هو المفروض يقرر

 

[فراشة البيت]

مشكووورين حبايبي باجر الصبح اروح الطبيب و انشالله اسمعكم خبر حلو والله يتمم علي وعليكم

صح انا مشكلتي وااايد حساسه وبسرعه تتأثر النفسيه

 

[فراشة البيت]

مشكووورين حبايبي باجر الصبح اروح الطبيب و انشالله اسمعكم خبر حلو والله يتمم علي وعليكم

صح انا مشكلتي وااايد حساسه وبسرعه تتأثر النفسيه​

​

[/col​

or]