عنق الرحم طويل؟

[pink closet]

السلام عليكم
بنات انا بالأسبوع 38 حاليا اليوم وحت فحصت عند الدكتورة جان تقولي مفتوحة نص سانتي وعنق الرحم طويل يبيلج بعد
شنو يعني عنق الرحم طويل ما فهمت؟؟!
واذا خذيت خروع الحين عادي او في خطورة اذا بس نص سانتي

 

[Aloe Vera]

ديري بالج لاتاخذين خروع الحين كلش مو زين على حالتج

عنق الرحم طويل معناته ليلحين ماصار لين و ليلحين مو مستعد حق الولادة و يمكن تكملين شهرج او تزيدين عليه
احسن لج صبري
و امشي وايد و هم سمعت ان الكرة مالت الرياضة الكبيرة ممكن تساعد بس شنو التمارين بالضبط ماعرف شوفي باليوتيوب كتبي how to use a birthing ball

 

[M!SS.LOBY]

الله يسهل عليج

 

[<miss botamba>]

امشي على كلام الدكتوره ولا تسوين اي شي من كيفج الا تحت اشرافها

وبالاشهر الاخيره كثري من المشي و التمر

 

[pink closet]

صج صج ودي اخذ خروع :/

 

[الـــغـــلآ]

عنق الرحم طويل يعني توج اصبري على ما يصير لين و يبدا يقصر و تنفتحين اكثر

لآ تاخذين شي لان ماراح ينفع بحالتج انتي نفسي

و الخروع ديري بالج منج يتعب قلب البيبي و يضعف نبضاته

 

[pink closet]

ماكو الا أروح المستشفى افحص كل يوم &#55357;&#56861;

 

[@أم يوســـف@]

الله يهون عليج

 

[سمراء كالخمري]

لا تاخذين خروع من غير ما تقول لج الدكتوره لانه رحمج مو فاااتح عدل تووج نطري يصير 3 عالاقل كثري مشي وجماع وتمر وزعتر ودارسين والله يسهل عليج وعليينااا يارب ​

 

[امـ خــزامـى]

الله يهون عليك

 

[حرمه المصون]

الله يهون عليج

 

[لذه السكر]

شوفي انا بقوولج تجربتي وانتي كيفج

انا رحمي ماكان فاتح وتعبت حيل اخر شهر قلت ماكو الاشرب خروع واشرب واشرب ويحوشني تكرمين اسهال والظاهر من الضغط نزل الهادي (ماي البيبي) وانا ثاني اسبوع بالتاسع ومومفتوحه ولا سانتي ولا طلوق ولاشي وضعي كلش مو ولاده
رحت المستشفى يومين ينطرون ولافتح الرحم والبيبي راسه تحت بس مانزل بالحوض
الطلق الصناعي التحاميل ما فادني قالتلي الدكتورة بنحولج قيصري لان الماي نشف وراح يتعب البيبي بجيت وترجيتها تحاول و تنطر قالت اخر محاوله طلق صناعي درب ركبوه ربع ساعه جان يوقف نبض البيبي وتلاحقوني بسرعه وحولوني قيصيري
والحمدلله رب العالمين ولدي الحين عمره سنه ونص الله يحفظلي اياه


ادري طولت عليج بس من العيله شوفي وين وصلت والحمدلله على كل حال هذا اللي ربي كاتبه بس نفسيتي تحت الصفر كانت وبس ابجي من اللي سويته بعمري وبولدي ..لاتستعيلييييييييييييين

 

[أم سم سوم]

أب أب أب​

 

[pink closet]

لذة السكر خرعتيني صج لول
شربت خروع بس ما سوالي شي
الله يسهلها واولد بالسلامة قريب

 

[حبيبة اهلهاا]

و عليكم السلام و رحمه الله و بركاته

الخرووع خطر اذا ما فيج طلق و اذا ما كنتي مفتوووحه انتبهي

 

[عسل حدي]

رب لا تذرني فردا وانت خير الوارثين