عندي 5 بناااااات الله يخليهم لي وابي رايكم

[سامباتوت]

السلام عليكم خواتي
انا عضوة جديده بالمنتدى واتمنى تساعدوني
انا توني ولدت بنتي الخامسة قبل 3 شهور وودي اخذ فتره شبه طويله وبعدين فخاطري اجرب تحديد الجنس بس انا ما ادري شنو حكم الشرع في هذي السالفه واذا حلال اني احدد منو احسن دكتوره بهذي السالفه اللي عندها خبره تفيدني انا مو معترضه علي البنات البنات احلى ماخلق ربي بس هم ابيلهم عضيد في هذي الدنيا
وتقبلو فائق احترامي
اختكم
سامباتوت

 

[miss_whitemocha]

حبيبتي إنتي..عسى ربي يرزقج باللي تتمناه نفسج إنشالله..
وصدقيني بنات هالأيام صاروا أرجل من الرياييل و أهم شايلين نفسهم بنفسهم..
انا أمي يابت 5 بنات.. ما عندنا أخو..بس تعالي شوفينا..
الوحدة منا عن 10 رياييل والله..
عسى ربي يخليلج بناتج و يبلغج فيهم..ويرزقج باللي تبينه إنشالله..​

 

[ام النوير]

​

هلا سامباتوت الله يخلي لج البنات ويرزقج بالولد الصالح يارب
انا ياقلبى عندي ثلاث بنات. وكان ودي بولد والله يسبب الاسباب
وانا كانت دكتورتى منتهى السالم بمستشفي العرف وهىدينه
وسالتها عن طريق تحديد نوع الجنين وقالت انها مواكيد % بس تساعد
واخذت منها حبوب. تحديد النوع ~وبرنامج غذايى.
والحمد لله والشكر رزقنى الله بالولد

 

[سامباتوت]

مشكورين عالردود الحلوه وماقصرتو اهم شي هو حرام والا حلال وصاجه البنات احسن من الصبيان بواجد والله لولا الظروف ماقلت ابي ولد بس الله العالم باللي فيني ولاتظنون من صوب زوجي لاحشا يموت عالبنات بس اللي غيره الله يسامحهم والله كريم ويسهل عليكم ويرزقكم

 

[miss_whitemocha]

مشكورين عالردود الحلوه وماقصرتو اهم شي هو حرام والا حلال وصاجه البنات احسن من الصبيان بواجد والله لولا الظروف ماقلت ابي ولد بس الله العالم باللي فيني ولاتظنون من صوب زوجي لاحشا يموت عالبنات بس اللي غيره الله يسامحهم والله كريم ويسهل عليكم ويرزقكم

حبيبتي إنتي عسى ربي يرزقج الولد الصالح اللي يبر فيج وبوالده و بخواته..
عاد انا بجرية و خاطري بنت بس الحمدلله على رزقة الله واللي يجي من الله حياه الله بحطه بقلبي و عيوني..
حلال وإلا حرام حبيبتي الأفضل تسألين فيها مفتي..عسى ربي يكتبلج الخير إنشالله..​

 

[أعشقه]

الله يرزقك بالولد الصالح الي يقوم فيك وفي ابوه واخواته
توكلي ع الله واتبعي بعض الطرق حسابات بعد الدوره .. والله كريم
والافضل تروحي لدكتوره هي تتابع بعك التبويض ..
ومادري اذا حلال ولا حرام كل الي هنا مو مشايخ
الله يعينك ويسهل امرك
انا عن نفسي عندي بنت وابي ولد معها عشان ابضل فتره مااابي اجيب عشان اريح
واتبعت حسابات مابعد الدوره والحمد لله ربي رزقني وحملت الحين بالشهر 6 والسونار قالو ولد ومدري اهم شي الصحه وكمال الخلق ولخلقه .. واقوم بالسلامه

 

[ليت الهم ينساني]

الله يرزقج بالولد اللي يبر فيج وبريلج اهو وخواته قادر علي كل شي

نقلته لج من منتدى ثاني


----------


اهليييييين بنات تعالوا اقولكم سالفتي لعلها عظه وعبرررره
السالفه ياطويلات العمرر اني كنت مهتمه اهمتام مش طبيعي بسالفه تحديد جنس الجنين
وكنت احووس في المواقع حوووس اقرا عنها وكنت بصراحه مع تحديد جنس الجنين واشجع التجربه وكاني عرفت لغز الذكر والانثى ( الله لايعاقبني يارب) المهم
بدء الجد والله على ماقول شهيييييييد اتبعت الحميه الغذائيه لمده 4 شهور حارمه نفسي من مالذ وطااااااب السلطااات والالبان والاجبااان والا يسكريماااااااااات واشياء كثيررره اااااااااه بس على الحرمان اللي عيشت نفسي فييييييييه وكنت بها 4 شهور عامله مانع للحمل علشان اكون تاكدت من تهيئه الرحم للحمل بذكرر ..........
بعدهاا تركت المانع واستمرييييييييت طبعا في الحمييه واستخدمت غسول الصوديووم وكنت اوقت بالاشهر التي تحتمل الذكر في الجدول الصيني ( الله يعفو عني بس ) ولا انكر اني كنت ادعي ربي ..
ولكن لم احمل ؟؟!! ( ايييه وشلون ادعي وابي الله يستجيب دعوتي وانا قاعده اشرررك به )
( قال صلى الله عليييه وسلم : الشرك في امتي اخفى من دبيب نمله سوداء على صفاة سوداء في ظلمة الليل )نكمل مشوار الحمل
الشهر اللي بعده كان يقول الجدول الصيني بنت فسويت عزل واستمريييييييت في الحميييييه
الشهر اللي بعده يقول صبي استخدمت الغسووول مع الحمييييه ولكن لو احمممممممل يالله وش السالفه اكيد فيني مشكله ....
رحت الشهر اللي بعده وصلحت تحاليل وطلع معاي هرمون حليب مرتفع ... قلت بس اخذ العلاج واحمل ان شاء ولم اقطع الحميييييه فانا قطعت شوووط كبيررررررر وصعبه اخربها
استمريت في الحميييه واخذت علاج لهرمون الحليب وواشتريت اللغسوووول والنتييييجه لم يتم حمل
بعدهاااا رحت تابعت تبويض وحللت هرمون الحيب جيييد واخذت ابره تفجيررررر واستعملت الغسووول وهذذا يزيد من فرصه الحمل بذكرر وكنت مبسوطه جدن وكدت اجزم اني حملت بذكر ولكن شرررررررررفت العمه ... ولم احمل
غيرت دكتورتي ورحت لدكتوره شاطره جدن ووتابعت معها التبويض وسالتها عن تحديد جنس الجنين فضحكت وقالت مافي اي شي مضمون .. وكلمتها عن الحميه وقالت لي انتي شابه جسمك يعوووض الناقص اللذي لاتاكليييييينه .. قالت ممكن تستخدمي الغسول فقط ..
وتابعت التبوييييييض مره اخرى وسويت تفجيرر ولم يحدث حمل وبعدهاا اصبت بخيبه امل كبيرررره
يالله تعب الروحه والجيه للمراكز الصحيه والتحاليل والادويه وخسايررر كل شهر تحليل ووغسووول ومتابعه تبويض ووحرمان من الاكل بعد .......... والله اني اصبحت ذابله وشعري تساقط ووجهي شاحب من قله التغذييييييييه ...
المهم حسيييت اني مذنبببببببه واني اشركت مع الله في هالخزعبلاااات اللي مشيت عليهاا وقررت ترك الجدووول الصيني
والحميه الغذائيييييييه وجهه النوم ومدري وش بعد وقلت استغفر ربي عسى يتوووب علي بس ..
استمرييييييت يمكن 3 شهور على الغسووووووووول فقط وتوقيت الجماااع بعد اليوم 14 من الدوره ولكن لم يكتب لي الله الحمل ...
يأست جدن وكان شعور اليأس يخالطه الشعور بالذنب واقول دايم اكيد هذي عقوبه من ربي
المهم تركت كل شيييي وحافظت على اذكار الصباح والمساء وواستمررررررريت على سوره البقرررررررره اقرااها كل 3 ايام او 4 ايام متى ماشفت عندي وقت قراتهااا
وقررت الغي اي شي يتعلق بجنس الجنييييييين ... وقلت بتوكل على ربي وبس
( هو الذي يصوركم في الارحاام كيف يشاء لا اله الاهو العزيز الحكييم )
لاجدول صيني ولا غسووول ولا وضعييه ولاتوقيت جماااع
المهم ياطويلات العمر الشهرر الي بعده ماجتني الدورررررره
وحللت وطلعت حامل ولله الحمد والمنه
وحسيت ان هالشي اللي صار لي كانه رساله من ربي اتركي كل شي وتوكلي علي وانا وحدي ارزقك
وتمعنت جيدا في قول المصطفى عليه افضل الصلاة والتسليم : ( لو أنكم توكلون على الله حق توكله لرزقكم كما يرزق الطير تغدو خماصاً وتروح بطاناً )..وعندي احسااااااااااااااس كبيررر ان الله بيرزقني اللي اتمنى ان شاء الله ...
هذي قصتي باختصاااااااار شديد في تجربتي لتحديد جنس الجنييييين
في النهاييييه
اتمنى تدعون لي ان الله يتمم حملي ويرزقني مااتمنى

 

[حنان1983]

الله يرزقج بالولد الصالح البار الكامل الخلق والخلقه ياااااااااااااااارب
حبيبتى فى اسباب نتخذها وما هى اكيده وكل المشايخ حللولها يعنى انت مو من اول حمل ولا ثاني حمل قاعده ادورين الجنس انت تتمنين اخ لبناتك الله يحفظهم لج وان شاء الله نافيها اى حرمانيه
انا عندي ثلاث بنات واللى قاعده اتبعه هالشهرين ان من بعد ما تينى الدوره ما فى جماع ( او جماع بعزل ) لحد يوم 14 من الدوره واروح الطبيب يوم 14 اشوف التبويض عندي بالسونار واهو يقولك متى تيين او اذا الحين البويضه عندك حجمها جيد يعطيكى ابره تسمى الابره التفجيريه ووظيفتها انها تفجر البويضه بعد تريبا 36 ساعه من اخذها وتكون البويضه بعدها فى قناه فالوب تنتظر التلقيح واذا صار جماع فى هذا التوقيت وبعدها بيوم مع استخدام غسول بيكربونات الصوديوم قبل الجماع بنصف ساعه او اكثر بقليل تكون فرصه الحمل بذكر بمشيئة الله تعالى اكبر وطبعا فى بنات اتبعوها ويتلهم بنات بس احنا مؤمنين وناخذ بس بالاسباب ونترك الباقي على اراده الله والرضا بما هو مقسوم لنا
وبالاضافه للغسول وتوقيت الجماع فيه شراب يخلى الجسم قلوي اسمه يورال يو فى كل الصيدليات بحوالى 8 دنانير ناخذه 4 ايام قبل التبويض ويوم التبويض ويفضل اخذ فيتامنات للرجل مثل فيتامين e وفيتامين الزنك واهم لتقويه الخصوبه وزياده سرعه الحيامن عند الرجل وفى المواقع مكتوب ان يغسل الرجل اعضاؤة التناسليه بماء بااااااااااارد قبل الجماع وشرب القهوه ايضا قبل الجماع بنصف ساعه.
انا الشهر اللى طاف اتبعت الطريقه وما حصل نصيب ادعيلى احمل الشهر الجاى ان شاء الله وانا قاعده اتبع نفس الخطوات والله كريم يرزقنا اللى نتمناه بامره سبحانه وتعالى ولا تنسى قبل كل شىء الدعاء لله وحده هو مالك الملك اذا اراد شيئا فانما يقل له كم فيكون .

 

[om deaj]

لا تاخذين فتاوي الا من شيخ موثوق ولا دقي على الافتاء من الاوقاف

احنا ٧ خوات ربي رزقنا اخ والجعدة جه بعد ٥ بنات وربنا ماكتبله عمر بسبب عيب خلقي في القلب
وظل اخوي وحيد وقبل جم سنة اكتشفنا انه عنده نفس العيب الخلقي وسويناله عملية والله يخليه لنا ويطول بعمره

المقصد احنا البنات الحمدلله مافينا هالشي بس الصبيان الي طلع عندهم عيوب فالحمدلله على عطاياه

اقري البقرة وابذلي الصدقات وخلج على ثقة انه ربي بيعطيج وان شاء الله تبشرينا بولادتج وتاخوينهم بتوم صبيان

 

[@ام يوسف@]

بنت والا ولد اهم شئ الصحه والعافيه والخلقه التامه والله يرزقج بتوأم صبيان

 

[روحي ابوي]

الله يرزقج بالولد الصالح..

 

[ام النوير]

مرحبا الله يرزق. كل نفس ما تبي. وحببتى ام هيا انا تونىجديده بالمنتدي
وما اقدر ادز. رساله علىالخاض فاذا تبين دزي لى رقمج وانا بدزلج مسج

 

[توكلت على الله 22]

الله يرزقج ويرزقني وكل من تتمنى بالولد الصالح ياااارب

حبيبتي انتي اتبعي الاسباب واللي الله كاتبة لج بتشوفينة

اعقلهاا وتوكل
وعليج بالاستغفااااار والدعاااء ثم اتخاذ الطرق من اكل ومتابعة تبويض

وباذن الله اتشوفين احلى ولد

 

[توكلت على الله 22]

وفي موضوع عن عضوة بالمنتدى كتبت عنها موضوووووووووووع

ان شاء الله يفيدج

http://www.q8yat.com/t925521.html

 

[عبير الكويت%%]

كثري من الاستغفار والله كريم

 

[فراشة الوادي]

يارب ياكريم يرزقج يارب بتوام صبيان اخذي ابر مينوغون منشطه واتبعي ١٤و١٥وقت التبويض واغسلي بغسول صوديوم والله كريم الله يرزقج عن تجربه

 

[أ.س.م.ا.ء]

الله يرزقج بتوأم اولاد بصحة وعافية ويكونون خير لج ياااااااااااارب

 

[ام حمد 85]

الله يرزقج بتؤم صبيان ويفرح قلبج فيهم