عندي 15 الف عطوني افكاركم يا اهل الخبره

[ذابحتهم]

السلام عليكم

خواتي عندي 15 الف وابي اشغلهم مادري شنو اسوي المشاغل تارسه الديره مادري شسوي ابي ربح شهري

ويعطيكم العافيه

 

[ذابحتهم]

اب اب

 

[leolady31]

حطيهم بوديعه سنة على ما تفكرين حرام قاعدين جذي

و اذا تبين مشغل لازم عندج افكار للتصاميم و خامات كشخه لان اهو يربح وبس لازم اسعارج نفس السوق و الاحسن ارخص اشوي عشان تضمنين الزباين ايون يعني يبيله مجابل

اذا عندج طباخ تقدرين تبيعين اكل
مممم بعد شنو تقدرين تكملين فوقهم قرض و تاخذين شقه (بس راح تكون صغيره و بعيده) بس اذا تبين يفضل لمن تشترينها تكون مؤجة من اجانت ابو شركه اماجرتها حق موظفينها عشان تكونين ضامنه الاجار و الاجانب ارتب بالاجار

انا من رايي اتحبين تصميم الملابس مشغل بس لازم لج خلق مجابل
اذا مالج خلق يا تيمعين ازيد و فوقهم قرض حق الشقه افضل حقج و حق المسقبل عيالج

 

[ذابحتهم]

المشاغل كثرت وطاح سوقها وانا بعد ماقدر اروح وارد وهذي شغله متعبه جدا
والشقه حلوه فكرتها بس تبي بيزات وايد اعتقد فوق ال30

 

[H & S]

نصيحه حطيهم وديعه لا تفسفسينهم على مشاريع بعدين تتحسفين لما تيمعين مبلغ اكبر تشترين بيت وتاجرينه بس طبعا بعد ما تجمعين واحسن مع الوديعه تستفيدين من الفوائد وانسي شي اسمه قرض

 

[عشق جمره]

حبيبتي انصحك بالعقار اذاتبين تستثمرين فلوسك بشي مضمون اشتري لك ارض واتركيها كم سنه بتجيب لك دبلات

 

[Čut!e Quèéи]

لا تستعيليين المبلغ صغير للاستثمار
واذا تبين شي مضمون و مدخوله شهري
اخذي مصبغه بكامل اجهزتها و عمالها
فتحي الوسيط وشوفي المعروضين للبيع اسعارهم ع 8 او 10 آلآف
تاخذينها بكل مافيها بس تأكدي عن سبب البيع اذا كان بداعي السفر او شنوو
وتأكدي من موقعها اذا ممتاز او لا ترى مدخولها مربح
واذا تبين عقار مو الحين حطيها وديعه 5 او 10 سنوات او شوفي اراضي المزارع على جم يبيعونها

 

[ذابحتهم]

مشكورين بنات

 

[iLLuMinaTion]

الله يوفقج

 

[ام عفراء]

السلام عليكم ورحمة الله وبركاته

الله يبارك لج فيهم ويزيدج من خيره

وبالنسبة للمبلغ .. يمدحون أراضي الخفجي واتوقع بحدود المبلغ اللي معاج

بس انا سامعة عنهم لكن ماجربت .. لكن عموما العقار مضمون والاراضي هذي تكون جديدة وبعد فترة ترتفع اسعارها

والله يوفقج

 

[^^ROSE^^]

انا بعد كنت بقولج عن اراضي الخفجي والطائف
وناس يمدحون عمان
بس قبل لاتدفعين فلس سألي عدل من ناس مجربين
الله يوفقج ويرزقج ان شاء الله

 

[احب الكاكاو]

لالا اراضي عمان انزلت ولا تسوي شريت ارض الحين صار لي 3 سنوات ولا يابت سعرها اساسا
الشقق انا ساله اقل شقة بالفنطاس لانها ارخص وصلت 45 الف غرفيتين وصالة
الوديعة 1% ولا تسوا
حظيهم بالسحوبات جوووود الله يرزقج وتفوزين
المبلغ تو الناس عليه

 

[أميرة الحلا]

مثل ماقالوا البنات اراضي بالسعودية

 

[ذابحتهم]

يزاكم الله خير

 

[LuLiTa]

اخذيلج شقه تمليك و اجريها ,,, ارخص شقه بـ تطلع بـ حدود مبلغج ,,,

 

[youmiss]

افتحي مشروع تجاري
مصبغة - صيدلية

 

[مزيانه]

هلا اختي بخصوص راس المال اللي عندج في موجود محفظة عقارية تشتغل بالعقار ومواد البناء
وطبعا على حسب الشريعة الاسلامية والارباح شهريا مع ثبات راس المال
واي تفاصيل اكثر واي استفسار راسليني بالخاص
والله يوفق الجميع

 

[Bono_saira]

مزيانه حبيبتي ممكن الافاده والتفاصيل عل الخاص

 

[Om_Ksha]

الوديعه ماتسوى .. والاراضي نخاف مو زينين يبيله معرفه ,, ماكو حل الا تيميعين ليما توصلين مبلغ محترم
لانه حرام تلعبين فيهم بالمشاريع خاصه انها مو مضمووونه !!

 

[جودة كواليتية]

مزيانة راسلني بالخاص عن المحفظة