عندي مشكله

[Hand]

السلام عليكم

بنات انا موظفه في شركة من 9 شهور والحمدالله مرتاحه وراتبي وعمولتي وايد زينين

وياي بالقسم موظفتين وحده جديده توها مالها غير اسبوعين

والثانيه توظفت معاي في نفس اليوم التي توظفت فيه

نحن نظامنا في الشغل انه يعطونا تارجت ولازم نوصل له

وانا الحمدالله احاول اوصل للتارجت وزياده بعد

البنت الي توظفت معاي بنفس اليوم ماشاء الله توصل للتارجت واعلى بكثير مني

يعني هوا في فرق بسيط بيني وبينها في التارجت

مع انه الله يهديها وقتها كوله قاعده على البلاك بيري حتى وقت الشغل دايما في ايدها

انا احاول اني اركز في شغلي وابعد كل شي يشغلني ماعدا وقت البريك

كذا مرا مشرفة القسم تلمحلي بالكلام انه البنت هذي ماشاء الله مستواها عالي وشاطره وايد

حتى في اجتماع مع مجموعه من الموظفين ذكرت اسمها انها افضل وحده تشتغل في القسم

انا اضايقت اشوي من هالكلام بس احاول اثبت نفسي واشد حيلي اكثر واكثر

والحمدالله مستواي ارتفع وايد اكثر من اول

بس اليوم المدير قالي كلمه وايد ضايقتني

قالي اتعلمي من هالبنت الي معاك ماشاء الله عليها مستواها عالي وايد

مع العلم والله الفرق بينا بسيط يعني مثال

انا جبت الشهر هذا 10000 الف هي تجيب 12000

يعني الفرق الفين ريال بس

وفي اشهر يكون الفرق 500 يعني فرق بسيط

نفسي اعرف ليش هوا حظ ولا ايش بالضبط ؟

انا مااحسدها بالعكس احبها وابي لها الخير لكن تضايقت من كلام المدير والمشرفه

وايد تحسست واتحطمت لدرجه اني صرت مالي خلق اشتغل

بنات عفيه ابي اعرف هي مساله حظ ولا شنو

واذا سمعت الكلام هذا مرا ثانيه من المشرفه ولا المدير ايش اسوي

كيف اقدر اكون قويه ومااتاثر ؟

 

[Tom ♥ Jerry]

,



حياتي كل انسان له طاقه !
لا تتعدين طاقتج و تسوين المستحيل عشان ترضينهم :/
انتي سويتي الي عليج وبس ..
توصلين مثلها توصلين اعلى منها
المهم تأدين زين و لا تخلين كلامهم يأثر عليج
طنششيه ..

 

[الاحساس]

مايعجبهم شي هالمدراء

 

[قمر بيت أبوها]

عادي لاقالوا شي مره ثاني قولي كل انسان له طاقه وتوفيق من ربي مو معناتها ماجبتي نفسها ماتشتغلين لا هي كذا ارزاق من ربك

 

[مرتبة]

من راقب الناس مات هم
هذا المثل بروزيه عندج بالمكتب كل ماتضايقتي شوفيه

البنت الي شاطره
الي توصل له هذا بفضل ربي (رزق ) مالها دخل فيه بلحظه يمكن تفقد نظرها ولا تعرف وين مكان كرسيها
شفتي انها ضعيفه وحتى انتي ضعيفه بعد
كلنا بامر الله


ثانيا والاهم انتي عند غبطه ونوعا ما غيره
بنت تميزت تزعلين ليش ؟؟
تعترضين على ربج ؟؟؟؟ انه ميزها ؟؟


اذا حسيتي بالغيره قولي ربي لاتجعل في قلبي غل للذين امنوا


اذكري ربج
ابتعدي عن مدح البشر (لانه مؤقت )

 

[معزوفة عشق&]

انتي واثقه من قدراتك ودامك تادين وظيفتك ع اكمل وجه ماعليك من احد
والوظيفه امااانه قبل لا تكون اي شي وانتي ماشاء الله عليك مبين انك امينه وصدقيني ربي بيعطيك ع قد نيتك ..
اتمنالك التوفيق ..

 

[Hand]

من راقب الناس مات هم
هذا المثل بروزيه عندج بالمكتب كل ماتضايقتي شوفيه

البنت الي شاطره
الي توصل له هذا بفضل ربي (رزق ) مالها دخل فيه بلحظه يمكن تفقد نظرها ولا تعرف وين مكان كرسيها
شفتي انها ضعيفه وحتى انتي ضعيفه بعد
كلنا بامر الله


ثانيا والاهم انتي عند غبطه ونوعا ما غيره
بنت تميزت تزعلين ليش ؟؟
تعترضين على ربج ؟؟؟؟ انه ميزها ؟؟


اذا حسيتي بالغيره قولي ربي لاتجعل في قلبي غل للذين امنوا


اذكري ربج
ابتعدي عن مدح البشر (لانه مؤقت )

حبيبتي انا مازعلت انها تميزت
لكن انا اشتغل واتعب واخر حاجا يقولي المدير تعلمي منها
لانها تجيب اكتر مني بزياده بسيطه
الناس ارزاق زي ماقالوا البنات... وانا تفهمت الشي دا
بس طبيعي اني اتحسس

 

[lmlm1]

انا قد حدث معي امر قريب من ذلك
وكان السبب وعلى شهادة باقي زميلاتي هو ان الفتاة الاخرى حين تمر المديره او المسؤلات فهي تظهر انها تعمل, وتترك كل شي وتركز بعملها امامهم, وتأتي وتذهب
اما انا فلم اكن انافق, اعمل وقت العمل, ووقت البريك اخذ راحتي, فهم اعتقدوا اني لا اعمل مثلها.

 

[دلال و غلا]

حبيبتي صدقيني دام انتي شايفه نفسج مو مقصره بشغلج و انه ماكو فرق بينكم هذااا كافي و شي تفتخرين فيه لنفسج
بالعكس لو انا مكانج بفرح بمستواي اللي انا فيه و اذا ع المسؤلين و المدراء اووف والله الاغلب جذي ما يعجبهم شي

و مثل ما قالت وحده من الخوات خلي هالمثل دايم ع بالج (( من راقب الناس مات هماا )) انتي متعبه نفسج و هي مو دااريه ولا احد يدري عنج
فا طنشي يالغلا و ربي يوفقج

 

[Patcholli]

كلمي المدير بكل صراحه قوليله انا وياها بينا فرق بسيط وماله داعي المقارنه
قوليله اهي صديقه عزيزه وغاليه وماقصرت بس سبحان الله كل واحد ونصيبه وطالما ان الفرق جدا بسيط ماله داعي التحسس كلميه بكل صراحه لاتخلين شي بقلبج

 

[ابدا يالغالي مانساك]

من الي ماايمسكك بلاكك بيري بشغله

خخخ انا بالمحضاراات مستحيل ننزله لازم دوودة الطقطقه فيناا لوووول



الا بقوولكك كلمه انتي عااجبكك مستوااكك ماالكك شغل بزميلتكك
لو تجيبي اقل منهاا
اهم شي عااجبكك وواثقه من نفسكك وااصلي ولا لكك شغل بااحد مووفقه

ولاتنضري لهذي سووت وهااذي ماسووت صدقيني رااح تتعبين

 

[Tom ♥ Jerry]

,



بعدين اسلوبهم ويا الموظفين وايد غلط
المقارنه غلط غلط غلط !
أوكي يلمحونلج بطريقه غير مباشره ما يحرجونج !
صيري نفس فلانه :/ خير آن شاء الله !!!!!!!!!

 

[روح مووود]

سوى اللى تقدرين عليه ولا عليك من احدددد

 

[Hand]

حبايبي مشكورين على ردودكم
ونصايحكم .. ربي يسعدكم

 

[M!SS.LOBY]

لا تضغطين ع نفسج

 

[آهات و خواطر]

دامك مرتاحة بعملك وتعملين بجد ما عليك من كلام أحد توكلي على ربك وشدي حيلك
بالنسبة لكلام المدير غلط المفروض ما يتحكى كذا جدامك