عندي مشكله و انا بالشهر الثالث عفيه دشوا طمنوني

[*فرحة عمري*]

شلونكم بنات عفيه عندي استفسار يقولي دكتور السونار ان عندي تقلصات و انا بالشهر الثالث
خفيفه الي مرت بنفس المشكله شنو كان علاجها وهل استمر الحمل ؟؟
عفيه طمنوني

 

[حنان1983]

الله يحفظ حملك ان شاء الله ما عندي فكره حبيبتى بس انت ريحى حالك ودامك ما تحسين بالم ما تخافيين وان شاء الله البنات يفيدونج

 

[*فرحة عمري*]

مشكوره الله يعطيج العافيه

 

[*فرحة عمري*]

رفع

 

[عطر الدوحه]

يعني شنو تغلصات ؟؟؟


الله يثبت حملج

 

[*فرحة عمري*]

يعني طلق خفيف

 

[هذا مزاجي]

الله يثبت حملج يااارب
والتقلصات ان شاءالله تخف مع الوقت
بس ريحي نفسج ولا تشتغلين

 

[*فرحة عمري*]

اها زين الله يطمن قلبج يارب

عفيه ابي تجاربكم

 

[*فرحة عمري*]

رفع

 

[*فرحة عمري*]

رفع

 

[*فرحة عمري*]

واااااي بنات وينكم

 

[المسكـ]

انا نفسج الحين حامل وكان عندي تلقصات من بداية الرابع والحمدلله مع الحبوب والابر وتحاميل والراحه التامه خفت بس ماراحت كلش
لي اليوم احس بطلق خفيف

على فكره التقلصات اغلبيتها اتكون من الالتهابات
وانا فيني التهاب وقرحه
عشان جذي ماراحت كلش
وعلاج التهاباتي كووي لازم بعد الولاده
بس حطي بالج على نفسج وبطلي جماع كللللللللللللللش كللللش كللللللللش
ولاتمشين وايد عالاقل شهررر

 

[*فرحة عمري*]

اي قالولي الحبوب و التحاميل و باجر بطلب ابر تثبيت
و انا كله منسدحه اصلا بمستشفي الصباح
بس مادري يقولون في ابره توقف التقلصات ادعل مو راضين يعطوني
يالله زين طمنتيني الله يطمن قلبج

 

[زمن مريان]

الله يثبته وماتشوفين شر ارتاحي ونامي على ظهرج ولا تحاتين النفسيه تلعب دووور

 

[ام الحلوااات]

مــــاتـــشـــــوفـــيـــــن شـــــــر ان شـــــــــآء اللــــــــه اللـــــــــــه يـــثـــبـــت حـــمــــلـــج ويــتـــمـــم عـــلــيـــــج​

 

[*فرحة عمري*]

اللهم امين يارب العالمين
مشكورين كلامكم بلسم

 

[المسكـ]

ابرة التقلصات غير المثبت ترا
المثبت عطوني شهر مع حبوب وتحاميل 4 ابر كل اسبوع ابره
اما ابرة التقلصات زيتيه وتعور لول قالتلي دكتورتي لما اتحسين ان الالم زاايد اخذيها مره بالاسبوع
والحمدلله خف الالم

حياتي لاتحاتين والله يشافيج ويثبت حملج ياارب

 

[*فرحة عمري*]

حتي ابره التثبيت زيتيه تذبح
انا مجربتها بحملتي الي طافت
بقولهم اليوم و بحن عليهم و الحافظ الله
مشكوره حبيبتي الله يثبت مافي ارحامنا

 

[*فرحة عمري*]

رفع

 

[*فرحة عمري*]

رفع