عندي مشكله ,,, ساعدوني فيها وعطوني افكار حدي متوهقه

[فيفالدي]

السلام عليكم


عندي مشكله واتمنى تدورون لي حل لها ,, لاني ماني عارفه شلون اتصرف


عندي مشروع فاتحته ببتي ملابس مشغل يعني والحمدلله خير ونعمه


لكن في الشهور الخمس الاخيره اكتشفت تلاعب ونقص في استلام الفلوس


وعندي فلبينيه مخليتها تسلم الملابس وتستلم الفلوس

تاكدت انها قاعده تسرقني ,,

للتوضيح .. تبيع الملابس من برى البيت وتستلم فلوسهم وتاخذ الفلوس لها بدون ماتبلغني بهالبيعه او .. تبيع دراعتين وتعطيني ثمن دراعه وحده وماتبلغني بالدراعه الثانيه واكتشف بالصدفه انها بايعه ثانيه وماخذه فلوسها ..


وللعلم انا تاكدت انها تسرقني مو تخمين


شلون اضبط الدخل وشلون اسيطر على الوضع علما بان باني ماقدر اسلم او استلم من الحريم


؟؟


عطوني حل جزاكم الله خير

 

[Joy Designs]

ماكو الا تجابلين حلالج بروحج او تخلين خواتج يجابلونه حرام هذا تعبج

 

[أم سيف وسلطان]

ماكو الا تجابلين حلالج بروحج او تخلين خواتج يجابلونه حرام هذا تعبج

 

[MN.collection]

حبوبة كثير بقول لك غيري هالفلبينيه وجيبي غيرها وانا اقول لك لا ...لانه راح يتكرر مع غيرها في ظل غياب الرقابه اللي هو انتي غيابك وبينتي بحكيك لنا انك مالك قدرة في المقابل صار اللي تحطينه راتب للفلبينيه تقابل فيه شغلك وتسرقك حطية في المعارض بطاولة وجيبي من يسوق لك ذا في حال المعارض وفي حال بيتك قللي الكميه

 

[NaYoob]

لازم أنتي تجابلين شغلج وكل يوم شيكي على البضاعه عديهم وشوفي
شنو انباع وشنو ظال وقوليلها انج حاطه كامرات بالبيت واذا اي شي نقص
رح يبين بالكامره وتودينها المخفر طبعاً خوفيها بس كلام واحسنلج خليها
لانا قاعده تبوق يعني لا تأمنين لها

 

[الأميرة جوري]

الله يعينج..لازم تعرفين شنو العدد وجم باعت وبفواتير...

 

[Bono_saira]

يا مصيبتي هذا بالبيت وتبوق انا شقول هندي حاطته بمحل الله يبعدنا عن هل الامور لان جد شي يحرق القلب بس حبيبتي مو معناته هل الفلبينيه تسرق يعني ماكو فلبينيه زينه وآمينه انتي سوي اللي قالوه البنات عدي القطع اللي عندج ويبي كاميرا حتي لو بالشكل بدون لا تشغلينها بس مظهر علي اساس انج بتراقبينها وركبيها بس الافضل انج تغيرينها واذا بتيبين غيرها تقولين حق الجديده انج طلعتي القديمه بسبه البوق عشان لا تعيد الكره والله يعينج ويعوضج خير يا رب

 

[اشغلت بالي]

عينك على حلالك ادوا...يالغاليه​