عندي مشكلة من زمان كلما اسوي داون لود لنشرات اي امور(كتابية)يتبطل بالفوتوشوب؟ساعدوني

[خليج***]

مرحبا


عندي مشكلة /

لما اسوي داون لود حق مثلا ادروس تقوية بالانجليزي او نشرات كتابية لما اسويلهم داون لود وابطله يتبطل بالفوتوشوب!!!:eh_s(12):

لما اضغط رابط الداون لود جذي يطلع

ولما اسوي داون لود واخلص يطع جذي على سطح المكتب ويتبطل بالفوتوشوب!!

اتوقع المشكلة ان ماعندي برنامج ادوب ريدر..
انا دشيت موقع عمل داون لود لادوب ريدر بس مادري ليش يطلعلي نفس ايرور صارلي جم شهر بسوي داون لود حق هالبرنامج بس مايصير.:s141:

فاذا في برنامج نفس برنامج ادوب ريدر ياريت لو تعطوني رابط تحميله..
او اذا في حل ثاني ياري لو ماتبخلون علي.


وايد اشياء كتابية محتاجة احملها واقدر اقراها بشكل مريح بس كله يتبطلون بالفوتوشوب:eh_s(16):

 

[LoLaTi]

اختي دوسي كلك يمين على النشره اللي نزلتيها بعدين روحي على اخر وحده
وغيري الملف من كلمه change

واختاري الملف اللي تبينه يتبطل فيه :>

 

[CANDLES]

تقدرين تحملين ادوبا ريدر من موقع مضمون مثل اقلاع سوفت

 

[سرا الساري]

اول شي اذا ماعندج ادوبي اكروبات وتبين بديل له نزلي هالبرنامج
http://mirrors.foxitsoftware.com/pu...p/win/3.x/3.0/enu/FoxitReader30_enu_Setup.exe

ثاني شي عشان تغيرين اقتران ملفات الـpdf من فوتوشوب الى ادوبي اكروبات او فوكسيت ريدر اتبعي الخطوات التالية
على اي ملف pdf تسوين رايت كليك وبعدها تختارين open with ومنها تختارين choose defualt program
بتفتح معاج شاشة جديدة فيها البرامج اللي يقترحها عليج الوندوز لفتح هذا الملف اذا لقيتي الادوبي او الفوكسيت اختاريه وتأكدي ان علامة صح موجودة تحت على الجملة (alaways use the selected program to open this kind of file) واذا ماكان موجود تضغطين على browse وتحددين موقع البرنامج وتكملين الخطوات

 

[خليج***]

يعطيكم العافية,,
ماشاء الله عليكم حطيتوا كل الحلول الممكنة,,
واخيرا حليت مشكلتي..

طريقة الرايت كليك على الملف جربتها بس في بعض الشغلات ماتتبطل الا مع برنامج مثل ادوب ريدر..وانا ماكان يتحمل عندي هالبرنامج..
بس توا حملته عن طريق موقع اقلاع سوفت وانضبط معاي اما لما كنت احمله من مواقع ثانية مادري ليش ماكان يصير..

وبعد ماسويت داون لود لبرنامج ادوب ريدر
الفايلات والنشرات اللي كان صيغتهم صيغة فوتوشوب اتحولوا على صيغة الادوب ريدر لون احمر ابروحهم مجرد ماحملت عندي برنامج ادوب ريدر بجهازي وعادي بطلتهم وقدرت اقراهم بشكل واضح ومريح.


يعطيكم العافية وبالتوفيق..