عندي كم سؤال محرج بخصوص الحمل ,الله يوفقها اللي بترد علي

[متى تفرج بس]

مرحبااا

اول شي بدعي وبقوول يارب بحق هالاذان اللي يأذن ترزقني وترزق كل محروم بالذريه الصالحه يااااااااااااارب ياكرييم وتوفق وترحم والدين اللي بيردون علي يارب


نجي للسؤال المحرج :eh_s(22)::eh_s(22)::eh_s(22):
بنات انا دايما اقرا واسمع اللي تبي تحمل لازم بعد الجماع تضل مكانها وترفع رجلها ساعه ساعتين بعدين تقوم تغتسل , الحين انا موفاهمه اشلون طريقه الرفع ؟حاولت ارفعها بس اشلون يتعب هالشي والا القصد بس امد رجولي واكون كافستهم اشوي فهمتو علي :eh_s(22): تراني موكويتيه يعني اسمحولي اذا كلامي مو مفهوم >> حشى تتكلمين هندي هع

وسؤال ثاني
هل فرصه الحمل للي توها مخلصه دوره ويكون بينها وبين زوجها جماع تحمل بسرعه؟ وهل لما السائل يثبت داخل وماينزل تزيد فرص الحمل؟

رحم الله والدين اللي بترد علي
ودعوااااااااااتكم بنات

 

[سنفوره8]

قووه حبيبتي
انا مثلج ما اعرف
الله يرزقج ويرزق الجميع ويرزقني الذريه الصالحه
بحق هالمغربيه ما يطوف هالشهر الا واحنا حوامل
والله يوفق ويعد على وحده ترد عليينا وتساعدنا يا رب

 

[جـــواهر]

ايام الاخصاب تكون 14 و16 و 15 يوم من اول يوم دوره
يعني تعدين من اول يوم دوره ولا وصلتي ل 14 هني يبدا عندج التبويض
يعني فرصة الحمل تزيد
الرسول قال الولد للفراش يعني خلي الوضعيه الاعتياديه وضعية الفراشه
ولاخلصتو لاتقومين بس ارفعي رجولج وبعد نص ساعه قومي
ترا الحيوان المنوي سريييع ومفعوله داخل الرحم يوصل ليومين يعني مايموت بسرعه
دام انه داخل وبالمره الوحده ملايين الحيوانات المنويه اللي تدخل بس لمن الله ياذن
لها طبعا


وموفقه يارب يكتب لج الحمل عاجلا غير اجلا انتي وكل محرومه يارب

 

[شباصه ورديه]

واااي يا قلبي الله يرزقكم ان شالله

الطريقة هي تنامين على ظهرج وتحطين مخدة تحت فخوذج من فوق يعني كان الحوض كانه ينزل لتحت فهمتووووو

عاد انا بالشرح كلش وقعدي عشر دقايق بالكثير نص ساعه شدعوه ساعتين منو يتحمل

وبس سلامتكم

وادعولي يسخر زوجي وعيالي لي

 

[متى تفرج بس]

سنفوره 8
ياقلبي ربي يرزقج الذريه الصالحه وربي يسمع منج ونحمل بسرعه يارب ونفرح بشوفه اولادنا قولي امييين

جواهر
مشكوره ياقلبي جد استفدت منج يعطيج الف عااافيه

شباصه ورديه
اي غناتي الحين فهمت عليج ماتقصرين وربي يسخر لج زوجج ويحفظلج عيالج يارب ياكريم
وعادي بتحمل حتى لو 12 ساعه بس اهم شي احمل هههههههههه بإذن الله

 

[ام الدرر]

البنات ماقصروا
لاتنسين التقرب الى مسبب الاسباب بالصلاة والنوافل والصدقات والدعاء وقت الاجابة

عسى الله يكتب لج الحمل ويرزقج الذرية الصالحة ​

 

[April 29]

اول طريقه تخليج تحملين بإذن الله الصلاه بوقتها وكثرة الاستغفار و قيام الليل .. بخصوص قيام الليل اذا ماقدرتي تقومين الفجر من النوم تصلينها .. صليها قبل لا تنامين .. بإذن الله مستجابه وكثره الدعاء .. وصدقيني عن تجربه

وثاني شغله لا مو ساعه او ساعتين ترفعين رجلج لووول شدعوه
على الاقل نص ساعه وطريقتها تحطين تحتج مخده ( وساده ) تحت المقعده علشان لا يتزل اللي دش
او يفضل بليل قبل النوم الجماع وتنامين عقبها على طول ..

وانشالله ماتشوفين الدوره الشهر الجاي

 

[أنهار الورد]

بالنسبة للايام اللي يحتمل فيها الحمل قالتهم جواهر
اما بالنسبة لطريقة رفع رجولج بعد ماتخلصوا حطي مخده تحت ظهرج ورفعي رجليج وسوي طريقة المقص او x بمعنى اخر الرجلين بتقاطع مع بعض ولو تحسي يتعبج سهلي على روحج جيبي المخده بوسط السرير تحت راسج ورجليج رفعيهم على طرف السرير بتكوني مرتاحة لان تحت رجايلج مسند وهو السرير

والله يسعدج ويرزقج بالذرية الصالحة

 

[الرها]

شوفي حبيتي
انا جريت الطريقه الاولى بس اقل من نص ساعه
والحمدلله حملت
مع كثررره الاستغفار بنيه الذريه الصالحه

 

[امواج الكويت]

البنات ما قصروا ان شاءالله وربي يرزقج ويرزقني ويرزق كل محرومه

 

[Miss Chanel]

الله يرزقج انشالله الذريه الصالحه
ومثل ماقالت شباصه ورديه هذي الطريقه
وموفقه

 

[خشف العذارى]

الله يرزقكم ويرزق كل محرمة بالذرية الصالحة

 

[ايمان 24]

البنات ماقصروا
بس لو تنامون بالعكس عشان ماتتعبين لمن ترفعين رجلج
وانسدحي نص ساعه
وان شاءالله ماتشوفين الدوره عقبها
بس احسبي من اول يوم الدوره لي ١٤ و ١٥ و ١٦ كثروا جماع
وربي يرزقج الذريه الصالحه

 

[كويتية نايس]

الله يوفقج ويزقج بذريه الصالحه

 

[سارونه العسل]

حبيبتي اول شي بعد الدوره سيدا مايصير تبويض عقب ماتخلصين الدوره بسبوع 2 او نهاية الاسبوع الاول والحركه عقب ماتخلصين جماع تحطين المخده تحت ظهرج وترفعين ريولج حطيهاا على الطوفه عشان لا تتعبين وايد وبعدين كلها ربع ساعه نص ساعه بالكثير ليش ساعه ساعتين غلط وادعيلي حق امي الله يرحمهاا وابوي الله يخليه مع اخواني وزوجي وبنت ومشكووره ةمااقصرتي صج صج يابنات محتااجه الدعاااء

 

[ايمان_مشرف]

:3lm1:

الدكتورة عاليه الفضلي

سمعتها بمقابلة تقول ..

وزوجج يسوي رياضة

الضغط .......اول ما يسعبل ..

بنفس اللحظه تقلبين يعني

(تنامين)على بطنج نص

ساعه او اطول فترة ؟

وانشاءالله تحملين ؟

 

[a7la_7b]

البنات ماقصرو الله يرزقج بالذريه الصالحة

 

[UNICORNA]

عاد انا جايه اقولك بقلب جامد

منو قالك هالفيلم الهندى وطلع كل الناس تعرفه الا انا خخخخخخخ

عاد بنجرب ونشوف (=

 

[dectora 7elwa]

كلام شباصه ورديه مضبوط
الله يرزق كل محرومه من الذريه اللي تتمناه والمهم يكون سليم ومعافى يارب
لاتنسين الاستغفاربدون نيه يعني لوجه الله تعالى
عشان يتحقق التوحيد

 

[ام ريماس خوخه]

الله يرزقج ويرزقني معاج البنات ماقصروا يارب مانشوف الدوره يارب ونحمل ويرزقنا امين يارب