عندي قطتوتين وابتليشت

[اااصداف]

هاي بنات انا اليوم شريت قطوتين وحده جبيره والثانيه صغيره يقول عمرها شهرين بس حيل وصاني عليها

بس ما ادري شلون اعتني فيها اخاف تمرض وابتلش ولا تموت واشيل ذنبها كلهم شريزيات هولندي علي كلامه

طبعا شريت لهم اكل من الجمعيه بس مكتوب للبالغين اخاف يضر الصغيره طبعا من غير قفص شريتهم فا الجبيره سوتها علي الارض وتضايقت فا ابي ادربه علي الحمام شلوووووووون لانها وصخت الغرفه

ويصير اسبحا ولا تممموت وجم وجبه اعطيها ومتي ؟

تكفون يا صاحب الخبره ابي طرقكم بعنايتكم بالقطاوتكم؟


ومشكورين

 

[Al7esn Kellah 2009]

انا اما احب تربيت الحيوانات في البيت احسها تجيب الامراض عذريني

 

[attractive_girl]

هلا اصداف شوفي حبيتي اول شئ لازم تدربي القطوه الصغيره على الرمل كل ما تحسين انها تبي تسوي و بدور على مكان تسوي فيه روجي وديها على الرمل على طول و بعدين هي بتصير تفهم لخالها..ثانيا الاكل للباغين ما تاكليه للصغيره الصغيره اكليها وسكاس اللس مثل الكورن فلكس او فيه لحم او دجاج و بيكون مكتوب على العلبه من عمر كذا لكذا و اوعي اوعي تشربينها حليب ابدا لانه يسبب لهم اسهال ولا سمك لانه بيطيخ شعرهم...وبالنسبه لموضوع الاستحمام مره بالاسبوع كافي لانه الجو الحين برد و ماتبرد منك و تتعب و فيه بسلطان او كارقور كل مستلزماتهم من رمل و شامبو و اكل

 

[اااصداف]

مشكوره حبيبتي وما قصرتي

 

[lojeeen]

شوفي اهم لأن جدد خلي لهم التراب بمكان سهل انهم يوصلون له
القطوه أم شهرين جيبي لها حوض رمل يكون منخفض حتى يسهل عليها توصل له
انا اذكر لما قطاوتي كانو اصغار ما لقيت مثل هل حوض فشريت صينيه بيتزا و فرشت تحتها جرايد و حطي يمها حوض اكبر حق القطوه الكبيره بعدين اخذيهم مع بعض و حطيهم بهل تراب اهم راح يشمونه و يجربون بس الصغيره لو عمرها تحت الشهرين يمكن تاكل التراب عادي خليها تاكله ههههههههههه

بعدها جيبي اقوى انواع المنظفات ديتول و تايد و معطرات الجو اقضي على كل روايحهم حتى ينسون هل اماكن و لو تقدرين قولي حق الخدامه تاخذ من فضلتهم و ترميها بالتراب مالهم شذي بيتضايقون من ريحه المنظفات القويه و يدورون على مكان فيه من ريحتهم ^^

بالنسبه حق اكلهم الصغيره عطيها معلبات فريسكس و بسكوت بورينا شوفي الكيس الأزرق هاذا يناسب كل الأعمار راح يحبونه و يكبرون و يسمنون عليه ^^

انا اخلي البسكوت طول اليوم بطبق برى ساعات يتجمع فيه نمل اشكثر لا اتقطينه لأنهم ما يحبون النمل بس شيلي طبقهم و حطي تحته صينيه اصغيره داخل الفريزر خمس دقايق و النمل يروح فيها هههههههههه

اممممممممم و شنو بعد إي بالنسبه حق السبوح الصغيره بس غسليها من ورى لأن بيلزق فيها اشكثر وصخ و سشوريها عدل الحين موسم امراض
أما الكبيره خلي أي حد يساعدج يمكن اتصير عنيفه و اتخمشج و تركض على كبر البيت برغوتها و مايها هههههههههههههه
بس لا تنسين تنشفينها عدل بالسشوار و مشطيها حتى لا يتكور شعرها

تكلمت اشكثر سوريييييييييييييييي

 

[وردة-الكويت]

انشاالله البنات يفيدونج

 

[AmOoNa-]

بالنسبه حق الكبيره لمه توصخ بره تقدرين تشيلين الوصخ (عفوا) وتحطينه بالتراب عشان تشم ريحته وتعرف انه هذا حمامها والصغيره نفس الشي بس يفضل تفصلينهم عن بعض يمكن اذا شمو ريحه ثانيه غير ريحتهم بحمامهم يوصخون فالصغيره اشتريلها قصدير نفس مال الاكل بخصوص الاكل الكبيره تاكل اي شي بس احسنلج وكليها بسكوت وبس والصغيره لازم توكلينها نفس االاكل الي كانت تاكله عند اللي خذيتيها منهم موزين يتغير عليها الاكل بهالعمر معدتها ماتحمل ولمه تكبر تقدر تاكل اي شي جم مره توكلينهم باليوم الكبيره 3 والصغيره 5 بس مادري احنا مانسوي شي نحط الماي والبسكوت يمهم ياكلون اي وقت